• منتديات شباب الرافدين .. تجمع عراقي يقدم محتوى مميز لجميع طلبة وشباب العراق .. لذا ندعوكم للانضمام الى اسرتنا والمشاركة والدعم وتبادل الافكار والرؤى والمعلومات. فأهلاَ وسهلاَ بكم.

مدونة (( الشاعر هاني حماده البلداوي))

الإهداءات
  • غزل من قلب الغزل:
    استَشهد الحُسين وتَعالت اصْوات اليَتـامى "وَبدأت حڪاية زينَب "💔🥺🥀
  • غزل من قلب الغزل:
    انتَهت المَعركة انطَفت شَمعة القاسم قُطعت ؛ كفي العَباس ، قتِل علي الأكبر و الرَضيع ،استَشهد الحُسين
  • غزل من قلب الغزل:
    وما أثقلها هذِهِ الليلة ؛لِفقدك فلذة كبدك عَلِيِّ الأكبر..ساعدَ الله قلبك يا حبيبي 💔
  • غزل من قلب الغزل:
    هذه الليله جرح الحسين يڪـبر بفقد شبيه رسول الله الأڪـبر 💔🌿،"
  • غزل غزل:
    كل عريس أمه تزفه بالدفوف ..يمه انا ليش تزفني السيوف ؛السلام على عريس كربلاء السلام على القاسم بن الحسن ✋️🥺🥀
  • غزل من الغزل:
    اسفاً على شمعة كانت تُضيء بيت الحسن أطفئت في كربلاء وأصبح التُراب لها چفن💔السلام عليك يا عريس الطف
  • غزل من الغزل:
    شهر محرم قصــه لم يفهمها الا عشاق الحسين. ع 💔🏴
  • غزل من الغزل:
    كـون الـــطـف حـلـم وحـسـيـن مـو عـطـشـان🥀🥺💔
الحالة
مغلق و غير مفتوح للمزيد من الردود.
يا ليل البعد عيناك يمره
يالفكدك ترك بالروح يمره
مثل هموم كلبي تشيل يمره
وباجر تنسبي للغاضرية
************
عسه كلبي بمصابك كون ينشال
ولا نعشك يبوية الــــيوم ينشال
علي يا جرح بعدك راح ينشال
وجرحك بالكلب حامي الحمية
***************
علي الفر الفلك بيده وداره
يبجي الليلة محرابه وداره
اليتامى شكثر باراهه ودراه
وتروح ايتامه وي زينب سبية
*************
يمن كل الخلايق بيك هامات
الك فدوه شتشيل الناس هامات
محمد لو علي الكرار هامات
اله حتى العرش ناح المسية
*************
علي ليل المنية عليك من جن
بناتك للوداع شــــــلون من جن
يلوموني بمصابه شبيك من جن
واملاك العرش نصبت عزية
*************
ألك مستعد يالمحجوب كل حال
وتظن يا حال اسوء بعد كل حال
يمهدي برايتك مـــــعقود كل حل
يهل هلال وجهك يا مسية
 
امیر القلوب
.گلبـــی یدگ..نبضه أعله مودک
معنه العشگ..شفته ابوجودک
کل دگه لب گلبي
بــیها أنرســم حبي
بیتک یحیدر هالگلب وأبروحي افداک
مثل الهوه و شمّیتک
بنفاسي من حسّیتک
صرت انته لحساس
یا ابالحسن حبّیتک
وسط الگلب خلّیتک
عایش بالانفاس
عین الگلب تربي
بیها أنرسم حبي
کل ما اصیحن یاعلي جدامي الگاک
بیتک یحیدر هالگلب وأبروحي افداک
یلي إملکتها اسنیني
بس بالعشگ حاچیني
چلماتک الماي
مــا إرتـــوي تدرینــي
بس صوتک الیرویني
من تحچي بهداي
خطواتک ابدربي
بیها انرسم حبي
ابکل خطوه تمشي و هالگلب فز و تلگاک
بیتک یحیدر هالگلب وأبروحي افداک
لو راید أعشگ غیرک
واحد شـــبه تعـــبیرک
وین الگه بالغیر
ربـــک رفع تقــــدیرک
کلها حچتلي ابخیرک
تستاهل الخیر
نعــم الله یا ربــي
بیها انرسم حبي
بیک أعرفت ربي و صرت یم ربي اقراک
بیتک یحیدر هالگلب وأبروحي افداک
یا مصحفي ابچلماتي
عن حبّک ابهمـــساتي
لا والله ماتوب
یل تستـــمع دعواتي
غیرک احب مو ذاتي
یا أغله محبوب
بحـروفک أملبّي
بیها انرسم حبي
أنته الامیر و طاعتک مخلوقه ویاک
بیتک یحیدر هالگلب وأبروحي افداک
خادم الحسین ع
عبدالامیر الناصري


 
إكتب يبسمار الضلع
قصة عذابي اعله الباب
اول شهيد لفاطمه
وجهه انصبغ دم وتراب
حرام ينذبح عمري حرام
للدنيه عيسه من انولد
جذع النخل يم مريم
تساقط رطبها
وجذوع باب امي اندفع
وضلعين منها اتهشم
تصوّب گلبها
وبيوم ميلادي شفت
من فاطمه ينزف دم
وسمعت اليسبها
مهدي صفه تراب ودمه
اول نِفس بي اشتم
دَخانة حطبها
دفعوني بالباب وطحت
وصار المهد عتبة دار
چانت چفوفي ناعمه
واتچوت بذيج النار
انام عالتراب اشلون انام
عاده الولد من ينولد
الناس بأذانه تقره
تكبيره واقامه
سمعوني تكسير الضلع
وامي تصيح بعبره
وين اهل الشهامه
لو ما جنين اعله الارض
افزع لأمي الزهره
واسوي قيامه
سطرو الزهره اعله الوجه
وظلت هذيج السطره
بوجهه علامه

ما تگدر تجر النفس
وظالم سطرها اعله العين
حضنتني امي وخايفه
لا انسحگ بالرجلين
حِمام وجرعت كاس الحمام
ميت واجتني الوالده
مهظومه وتحاچيني
وحچيها هظمني
واتوقِعَت عندي نفس
اتلاعبني واتناغيني
وتدنگ تشمني
تلوليلي گامت فاطمه
وبحجابها اتغطيني
وبديها تضمني
واتگلي اگعد يالولد
يايمه تالي اسنيني
اريدك تلمني
 
حي الله مسلم ... يحي الله مسلم
___________

ضك الدرع بمتونة ...غيرة كمر عدنان
شال الزلم بجفوفة ...شمرها علحيطان
سيفة علي وريشاته...ماخذها من عباس
رعدة رعيد الحومة ... ونشلعت البيبان
تتراكض الكوفة ... طباهم البين
مسلم يبو الغيرة ... يازود الحسين
////////////////////
حي الله مسلم ... يحي الله مسلم
////////////////////
غار المهر بالهيمة...ومعصب الخيالة
وزلمة ذب هدومة...والي شرد ريان
بعيونة مسلم شارة...والي يخزرة يموت
عمة علي بجفوفة...خيبر لغير مجان
تاهت بهاليها ...شال الحياطين
مسلم يبو الغيرة... يازود الحسين
/////////////////////
حي الله مسلم ... يحي الله مسلم
/////////////////////
خيالة تاهت بيها...وترائس الوفاي
بجوفة شال جربة...مو طاسة مالت ماي
طوعة بهلاهل صاحت ... حي الله هل نوماس
يمتعب الخيالة...يلترهب انت هواي
حي الله زلمتنة ...يمكحل العين
مسلم يبو الغيرة...يازود الحسين
////////////////////
حي الله مسلم ... يحي الله مسلم
/////////////////////
دخن والي ملاكيها...يردمها خيل بخيل
عركة وحلات العركة...كلها تصيح دخيل
ياكل زلمهم سيفة...كام برحاها ايدير
حمزة وعلي بصولاته...من الله شايل حيل
بجاهم بحيلة....دخنها صوبين
مسلم يبو الغيرة.... يازود الحسين
////////////////////
حي الله مسلم ... يحي الله مسلم
/////////////////////
عرگت زلم جف ايدة ...والهامة تجدح نار
من تبرد يشد بيها...مسلم ثجيل وحار
شرادهم من الكوفة...خلاهم متيهين
هيبة علي الماخذها...من هيبة الجبار
ما كدروا عيونة...بجة الميادين
مسلم يبو الغيرة...يازود الحسين
/////////////////////
حي الله مسلم ... يحي الله مسلم
 
الشاعر حيدر كريم جار الله الكربلائي
باقــــــرعــــلوم المخــتار ثبــــت الـــدين ابعلمه
*
علمه بحــــرنجهل مداه وحدوده
نهج النبي عـــم ابفضل مجهوده
قــــــدم حياته الطاهره المعبوده
عاشـﮔ لسانه التسبيح ذكــــــــر الإلــــه ابدمه
*
إسمه إسم جــده وملك أوصـــافه
تنطق معاني الحكمه دوم اشفافه
ربك علــــــيه نزل جميع الــطافه
معصوم باب الرحمان يـــــشبه محمــد إسمه
(صلى الله عليه وآله)
*
رحـمه وجـــوده وتزهي نورحروفه
فـــــــضله علـــينه ونلهج ابمعروفه
ينضح علـــم ﮔلبه وتخــطه اچـفوفه
دون أحاديث الـــدين معصومه منه الكلمه
*
بالسم ﮔضه وحـﮔنه بدموع نذكره
يبچي اليزوره من يـــﮔصده الـﮔبره
من غــــــــير قبه ولامناره اينظره
وبرغم كل هذا الحال أنـــــواره تجلي الظلمه
*
بالطف حضــرشافت مصايب عينه
مذبوح شاهــدعالــــــوطيه حسينه
ومـﮔطوعه من عمه الـﮔمر چفينه
وبخيم زينــب نيران وبـــــامر الحرم مهتمه
*
شاهد يتامه امن الوضـــع مرعوبه
ومنهم يــــتيم الـــنـار تلــهب ثـوبه
وشاف السبي وحاله ومرار دروبه
مات ويون لجل حسين وبصـــدره يجرح همه


 
دعـائـي بالگبر ابقى اخدم حسين
واسمع صوت حمزه وملة ياسين
عزيه هناك يقرون وتهل دموع العيون
*----------------------*-----------------------*
يـربـي اتعلمت الطم و وأسي
حسيني وافتخر مرفوع راسي
الزچيه للخدم تحضر احساسي
تـنـزل بـالـعـزه وتصعد انفاسي
مثل هاي المجالس تحت الـتـراب
اقيم ابموتتي و أوكف على الـباب
بعزاء حسين مجنون وتهل دموع العيون
*----------------------*-----------------------*
اخافن موتتي تحرمني عاشور
واخـافن هاللطم ماكو بـالـگبور
هـايـم بـالـشـعـر وابـيات منظور
احـبـنـه الـعـزاء ودك الـصـدور
يربي انت الكريم واصلك الجود
بمـمـاتي تمن علي ويقره رادود
الك مولاي ممنون وتهل دموع العيون
-------***---------
لخدمت حسين نـاذرهن سنيـني
واتـانـي شـهـر الـمحـرم يجـيني
يـلاهـي الـمـوت لا يـگـطع انيني
اريـدن بـاللـحـد مـجـلس حسيني
اصـبـر گـلبي بـسـمـه اوحشة الـروح
وادك صدري بحزن واصرخ يمذبوح
لمصابه الزلزل الكون وتهل دموع العيون
*-------------------*--------------------*
امانـي بالگبر وافكاري راسـم
يـجيني بموتتي ويقرالي باسم
واشارك مجلسه بحنة القـاسم
يريحني البچي وهاي المواسم
اصـيـحـن عـيـد مـلـه ويـرجـع يعيد
وعلى امصاب الحسين المدمع يزيد
اخلي الكل يسمعون وتهل دموع العيون
****---------****---------
اقـيـمـن بـالـگـبر نفس العزيه
وأنادي حسين بحضان المنيه
اواسـي بـدمـعـتـي امه الزجيه
وانـوح لـحـال زيـنـب ولـرقيه
تظل الدمعة تجري منيتي هاي
وحزن عاشر محرم يبقة وياي
انوحن وانه مدفون وتهل دموع العيون
*-------------------*--------------------*
تحـقـقـلي الـطـلب يـا ربي ادعي
بـحـفـرتـي وللحسين يسيل دمعي
اصـد للـوائـلـي ولـمـصـابـه ينعي
واحـاچي الروح هالابيات اسمعي
تظل عيني اللطم والمنبر تشوف
ويأمن كلبي ذكره ويبعد الخـوف
حشاك تخيب الضنون وتهل دموع العيون
#الشاعر رعد الجريخي



 
الحالة
مغلق و غير مفتوح للمزيد من الردود.
القائمة الجانبية للموقع
خرّيج وتبحث عن عمل؟
تعيينات العراق
هل أنت من عشاق السفر حول العالم؟
إكتشف أجمل الأماكن
هل أنت من عشاق التكنولوجيا؟
جديد التكنولوجيا
عودة
أعلى أسفل