مدونة (( الشاعر هاني حماده البلداوي))

الإهداءات
  • غزل من من قلب الغزل ..:
    ضياءٌ شعَّ من أرض المدينة و زُفَّت البشرى لرسول الله (ص) بولادة سبطه الأول الإمام المجتبى (ع).✨💚
  • غزل من قلب الغزل:
    "يارب دائمًا اعطنّي على قد نيتي وسخر لي الأشخاص اللي يشبهون قلبي🌿✨. .
  • غزل من قلب الغزل:
    مارس الرحمة قدر المُستطاع فكلما تلطفت مع خلق الله زاد الله لطفهُ حولك.💐
  • غزل من قلب الغزل:
    اللهم إنك عفوٌ كريمٌ تحب العفو فاعفو عنا ♥️😌
الحالة
مغلق و غير مفتوح للمزيد من الردود.
زينب. ودعـة وليانــها
زينب. اتغيرت الوانها
اه يزينب. اه يزينب.
..
ودعــــت زينـــب اخوتها وذكـــرت امهه فاطمه
وبـــالوجه بـــين حزنهـــا ونفتـــح بـــاب الضمه
گالـــت العطشـــان يـــروه والعطــش مو موزمه
لجن مـــن يعطـــش لخوته بعينه تنضاگ السمه

اه يزينب. اه يزينب.
..
دارت العـــين علــه اخوهـا حسين گامت شبگته
باستــه امنجــبيــنه مــره ومـره باســت لحيــته
وعاينـــت للشمـــس گـــالت لا تغيـــري وجنـــته
هـــذه ريحـــانة محمـــد وحيـــل ابـوي وشيبته
..
اه يزينب. اه يزينب
..
گربـــت راســـه وگـــالت خــل اشمــن هل النحر
خويـــه باجـــر بالمعـــاره بسيـــفهــم جــن ينبتر
دنگ حسيـــن وشبگـــهه وحيــل ضمــــها للصدر
وگلــها يازيــنب اصبــري أمـنــه غـــادي تنتـــضر

اه يزينب. اه يزينب

بچـــت زينـــب وبچـــيها گالــت صـــدرك ينسحگ
وانـــه مشـــدوهـــا اضـــلن ياجــرح الگطه يافتگ
نــار تحــرگ ابخيـــمنه ويمــشي بعبــاتي هالحرگ
هـــذه گلــه يصـــير بـــيه مـــن تــگــلـــي نفـــترگ

اه يزينب. اه يزينب

لا تـــودعني يـــغالــي گبــلگ ودعــــت الكـــفيل
وبـــوداعه گـــمــت اعــدن بيدي ساعات الرحيل
عــيوني مـــن شافته مــوذر مو دمع ظلت تسيل
ونته مــن تنـــوي وتســافر عدمن انه ابگه دخيل

اه يزنينب. اه يزينب

شـــدة الشـــيله الحنيــنه وگــالت يـاوالينه روح
انه متــعوده عليـــهن وعــايشه ويـــاي الجـروح
انـــه سموني العقيـــله ام المصــــائب گلـي نوح
وخويه سلمـلي عالأهلي وگــلهم زينب بيها روح

اه يزينب. اه يزينب
…… ..
خادم زينب ع
سعد الزيدي
 
محبتك نحيه ونموت عليها
لو زحف سامره نكصد ليها
*************************
صار بيها زماط واسمع شيعتك
بعد ما يوصل نجس يم كبتك
هالمواكب خيمت يم حضرتك
غصبآ الله عليهم معليها
*************************
من سمعنه عليك يالهادي خطر
جاب بين جفوفه كل شيعي نحر
نسوك بيهم سوك من جرف الصخر
كــل لحايـاهم ندوس عليهــا
***************************
والله يالهادي خلص وكت السكوت
هيه موته شكد بني آدم يموت
ألــه وي الحشد للموصل نفوت
منين مــا طبت ترد تاليهــا
علنآ علنوها عالشيعة الحرب
صرنه واحد سيدي وكلب لكلب
وره داعش للسعودية نطب
نزور امك فاطمه ونبنيهـــا
*************************
بخدمتك سيد علي هاك شتريد
احنه مثل حسين منصافح يزيد
كَال كل الينقتل منكم شهيد
واحنه هالفتوى نموت عليها
***************************
الحكيم ويالصدر ظهر الظهر
والسرايا والعصائب وي بدر
واليقود الجيش عباس الكمر
عالهمر راية علي مخليها
**************************
وي لواء الأكبر وياالنجباء
شلنه رايات المواكب والعزاء
هاي كلهه انصار سيد الشهداء
لازم اولاد الزنـه انراويهــا
**************************
العجب عالباع الوطن كل العجب
والعتب علما وكف وي الشعب
أله يا مولاي نكَلبهــا كَلبهــا
ألنه هاي الدولـه ما ننطيها
*************************
السيد السيستاني والخامنئي
منهم استلهم صلابة مبدئي
ما يهمنه اليحجي وحده ويرتئي
حوزه وحده وحيدره حاميها
*************************
تبقى يالهادي شمس هاي الحياة
لأن دنيا وآخرة انته النجــاة
لا وحك المات ضامي على الفرات
بالمناحر حضرتك نفديهــا
****************************
حيدرحسين الكـرعاوي

 
تمشـي وتخلينــي
وآنــه اتنطر كضيت اسنيني
اه يبني اه يبني آ يالاكبر
******************
يمه جنت اتنام ليلك وانه اساهر
يمة كل يوم وكَلت شيجيب باجر
خايفة يبوكَك زماني وكَلبي حاير
يمه يكسر كل كَلب كسر الخواطر
والدهر ما ادري شيراويني وانـه اتنطر كَضيت اسنينـي
اه يبني اه يبني آ يالاكبر
****************
عمري كَضيته اشكثر احسب واتاني
ما كسر كَلبك دمع عيني وحناني
انه ردتك ماردت كلشي بزماني
ما متت وياك يا يمه شجاني
ماترد الراح دمعة عيني وانه اتنطر كَضيت اسنيني
آه يبني آه يبني آ يالأكبر
يمة يجرح كل كَلب هم الليالي
ايست راح التعب ذاك ودلالي
حتى يا يمة الدمع يبجي على حالي
بيش اصبر الروح من بعدك يغالي
جان شوفت وجهك اتسليني وانه اتنطر كَضيت اسنيني
اه يبني اه يبني آ يالاكبر
****************
هذا تاليته الربه وليلي السهرته
اتعوفها امك والفرح وياك اخذته
شعدها جان امك يالاكبر غيرك انته
ليـه لـو بيدي القدر يايمة جبتـه
وكَبل جسمك عالثرة امكَطعيني وانه اتنطر كَضيت اسنيني
اه يبني اه يبني آ يالاكبر
****************
تهيم روحي من جنت تبعد علية
ادعي ياربي ابحبيبك رجعه الية
اشلون اشوفك يمه رايح للمنية
تنتظر جسم سيوف الغاضريه
شنسه منك يمه شينسيني وانه اتنطر كَضيت اسنيني
اه يبني اه يبني آ يالاكبر
****************
حسين يمه منكسرظهره ابغيابك
شلون يمك يا علي ساعة مصابك
ليله ليله يالولد انطر شبابك
لنه يمه مساهر الموت على بابك
الموت المن بعدك مخليني وآنه اتنطر كَضيت اسنيني
اه يبني اه يبني آ يالاكبر
****************
ايسي يا ليله بعد ميعود ابنج
بعد شيجيبة اليريده الموت منج
راح يا ليله عليه ايطول ونج
والمصايب هم مثل زينب يجنج
فوكَ ذبحك ياعلي ميسريني وانه اتنطر كَضيت اسنيني
اه يبني اه يبني آ يالاكبر
****************
حيدرحسين الكرعاوي
 
حوار بين زينب وأمير المؤمنين في آخر ساعات الوداع
.
.
تگله.... .........
.
بيتك بويه لـمصابك وجـل باه
أديرن ناظري بجرحك وجل باه
دواك اتمـنه اوجـــدنه واجلباه
وداويك وتــــرد يابــــويه اليه
. .
يگلها..... ........
.
لازم عن ديــــاري اليوم اجلاي
يزينب بويه هـا قد حان اجلاي
حزنچ والهـــظم والنوح اجلاي
اذخري دمعـــتچ للغـــاضريه
. .
تگله.... ......
.
يبويه الزمن كل ظهره الك دار
واشوف العرش بدموعه الك دار
ظلمه الــدنيا لمصابك والك دار
تون بيها الفــواطم هالـمسيه
. .
يگلها.... ......
.
النجم بمــصابي حگه من هـــوه الچن
بنـاتي ودوم افكـــر منــهو الچـــــن
الخيم من تدوي مامش من هوه الچن
تشهگنه وتــركضن بالـــــبريه
. .
تگله... .......
.
عليك اليوم بويه گلوب هامت
يمن لجلك تـذل وتطيح.هامات
عنك تنشد الأيـــــتام ها مات
نظن حيدر يزينـــب ماله جيه
. .
يگلها... ......
.
حنوطي والچـــفن هاليوم والماي
اوفظي اعله اليتامى الزاد والماي
نزيف ادماي ليـــش ايزيد والماي
افكــــر بالشــــمر يســـطر رقيه
. .........................................
.
حسن الموالي الفاطمي
 
إبوذیات للوالده
لسان حال السیده زینب س
‌(ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ)
مصابچ ضل یعت بیه..وعتبي
إنوحن والهضم روحي..وعتبي
شطفـّي النار من بابـي..وعتبي
و گمت إکنس جمر بابچ بدیه
‌(ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ)
چفوفي إمن الحزن ماشل..لطمها
و تمـــنیت إبلــحد روحی.. لطمها
ییـــمه یـا نـــذل عینـــچ ..لطمها
و شوف إمغمّضه عینچ علیه
‌(ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ)
نـوایح دنیتــی گلبــی ..شملها
و شوفن دارچ إتفرق..شملها
إگضّي اللیل بثیـابچ .. شملها
إشمن ریحتچ و صفگ بدیه
‌(ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ)
یعـینی إشما دمع عنــدچ..بدیتي
و إصیحن یمّــه بحــزاني..بدیتي
إشلون امسح عله إضلوعچ..بدیتی
و بعدها اتصب دمه اجروح المنیه
‌(ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ)
زماني امن الفرح روحي..یتمها
إون و ابگلبي حســـباتي ..یتمها
عــــید الطــفله لـــو گالـــوا..یتمها
و أنا إمي باللحد مترد علیه
‌(ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ)
کلمات خادم الزهراء س
 
مثل أمها فاطمه زينب يتيمه
شافت مصايب روعتهه يا هضيمه
تدروهه مظلومه ---- ماتت ومحرومه
***
زينب الحره تسولف عن هضمهه وعن حزنهه
من عهد أمها الزجيه العاشته وشاهد زمنهه
شافت الزهره والمهه ومنهه سمعت بعد ونهه
زينب بكل المصايب عاشت وشافت نوايب
منهه صار الگلب ذايب شافت أمها شراح منهه
راح اخوهه محسن وسمعت الزهره
تنادي ضلعي تصوب بسمار غدره
والصوره مرسومه ---- ماتت ومحرومه

***
چني بالحره العقيله تحچي وي أمها الزجيه
تگلهه يايمه مصابچ خله دمعاتي جريه
وضلعچ المكسور يمه صوابه اثر حيل بيه
باب دارچ يالحنينه نام بجروحي ونينه
يمه وعيونچ حزينه تجري دمعتهه عليه
يمه ناس العذبوا گلبچ سبوني
وعشت من بعدچ حزينه ومرمروني
والحاله معلومه ---- ماتت ومحرومه
***
الزهره وي زينب تسولف تگلهه سمعني بحياتي
أرد أوصيچ بوصيه من بعد عيني ومماتي
للحسن وحسين أمهم صيري وتگبعي بعباتي
باچر يزينب بالضعن تمشيت عن هذا لوطن
يايمه وبغدر الزمن صوره عندچ ذكرياتي
يمه ادري كربله شيصير بيهه
وادري بيچ شلون يمه تنضريهه
والساعه محتومه --- ماتت ومحرومه
***
وزينب وي الزهره تحچي والگلب بالونه ذايب
تگلهه يايمه شخبرچ شاهدت وادي المصايب
وكربله ضلمه شفتهه صوره بيهه للنوايب
كل ساعه بيهه أنفجع وكل ساعه يتكسر ضلع
وعيوني بس تجري دمع لليتامه وللغرايب
عاشور يايمه فجعني بچم رزيه
من اجيت وي خوتي للغاضريه
چم روح بالحومه --- ماتت ومحرومه
***
يمه شفت ابكربله مصايب عجيبه ما جرت
كلهه بعيوني شفتهه نار گلبي توجرت
شفت نار أخيامي تلهب وشفت چم شمعه انطفت
شمعاتي طفاها الدهر يايمه وشبعني قهر
لا شمس ضلت لاگمر عدواني بحوالي اشتفت
شحچي يايمه شسولف ناري تسري
بعد اخويه حسين يمه انحنه ظهري
من بعده مظيومه ---- ماتت ومحرومه
***
يمه هذ حسين أخويه مرمي بالحومه أشوفه
وعل نهرعباس ذاكه طايح مگطعه چفوفه
يمه عافوني حزينه بدمعي للوادي اطوفه
وهذ عريس الهواشم وعلي الأكبر يمه نايم
يمه وضعون الفواطم الزمن شوفهم الكوفه
يمه بخرابة شماته گعدونه
واني اسمعهم ييمه يشتمونه
ورقيه مهظومه ---- ماتت ومحرومه
***
بقلمي
هاني حماده البلداوي
 
يعمه زينب وين رايح ضعنه
بس الحرم ويتام نمشي بدمعنه
وينه كفيلچ وين وينه أبويه حسي
نمشي بدمعنه نمشي بدمعنه
***
أظنهم مادرو ياعمه بينه
عنهم بالظعن احنه مشينه
يعمه ما سال وادح علينه
ولا واحد فگد حال الضعينه
والله عجيبه شلون عافوا ضعنهم
يمشي سواد الليل ياعمه عنهم
نمشي وندير العين وينه أبويه حسين
***
رقيه من الهضم ياعمه صاحت
تراني خايفه ودموعي طاحت
تعاليلي تراها روحي راحت
يعمه الفرگت الوليان ناحت
نوحي يهد أجبال المن اشكيله
ياعمه فوك الضيم ناگه هزيله
طفله فجعني البين وينه أبويه حسين
***
عتب عندي يعمه بدمع العيون
على العافوا حرمهم هيچي يمشون
صدك هانت عليهم لو ما يدرون
أطفال ويتامه وحرم يبچون
يعمه زينب ليش غابوا إخوتي
وليش البطل عباس ما سمع صوتي
عافونه متحيرين وينه أبويه حسين
***
يعمه ليش أهلنه فارگونه
وليش بلاسبب چنهم نسونه
أشوف الناس كلهم يشتمونه
وبسياط الشماته يضربونه
يعمه صيحي بصوت بلچن يسمعوچ
محتاره ما ضنيت اهلچ يخلوچ
بينه اشتفت صوبين وينه أبويه حسين
***
رقيه تحچي وي عمتهه زينب
وزينب تستمع والفكر غرب
تگلهه بگلبي نار الحزن تلهب
يعمه وادري بگليبچ تعذب
الله يعينچ على هاي المصيبه
فوك الهضم والضيم أنتي غريبه
ومحتاره بالأمرين وينه أبويه حسين
***
چن هاي العقيله اجت يمهه
تحاچيهه وتواسيهه أعله همهه
شافتهه على الگاع بهضمهه
هوت يمهه تسليهه وتشمهه
وزينب عگب هل حال شالت رقيه
عالناگه صعدتهه بدمعه جريه
عمرهه خمس أسنين وينه أبويه حسين

***
بقلمي
هاني حماده البلداوي
 
(ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ)
مصابچ ضل یعت بیه..وعتبي
إنوحن والهضم روحي..وعتبي
شطفـّي النار من بابـي..وعتبي
و گمت إکنس جمر بابچ بدیه
‌(ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ)
چفوفي إمن الحزن ماشل..لطمها
و تمـــنیت إبلــحد روحی.. لطمها
ییـــمه یـا نـــذل عینـــچ ..لطمها
و شوف إمغمّضه عینچ علیه
‌(ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ)
نـوایح دنیتــی گلبــی ..شملها
و شوفن دارچ إتفرق..شملها
إگضّي اللیل بثیـابچ .. شملها
إشمن ریحتچ و صفگ بدیه
‌(ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ)
یعـینی إشما دمع عنــدچ..بدیتي
و إصیحن یمّــه بحــزاني..بدیتي
إشلون امسح عله إضلوعچ..بدیتی
و بعدها اتصب دمه اجروح المنیه
‌(ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ)
زماني امن الفرح روحي..یتمها
إون و ابگلبي حســـباتي ..یتمها
عــــید الطــفله لـــو گالـــوا..یتمها
و أنا إمي باللحد مترد علیه
‌(ــــــــــــــــــــــــــــــــــــــــــ
 
الحالة
مغلق و غير مفتوح للمزيد من الردود.

أقسام الرافدين

عودة
أعلى أسفل