مدونة (( الشاعر هاني حماده البلداوي))

الإهداءات
  • غزل من من قلب الغزل ..:
    ضياءٌ شعَّ من أرض المدينة و زُفَّت البشرى لرسول الله (ص) بولادة سبطه الأول الإمام المجتبى (ع).✨💚
  • غزل من قلب الغزل:
    "يارب دائمًا اعطنّي على قد نيتي وسخر لي الأشخاص اللي يشبهون قلبي🌿✨. .
  • غزل من قلب الغزل:
    مارس الرحمة قدر المُستطاع فكلما تلطفت مع خلق الله زاد الله لطفهُ حولك.💐
  • غزل من قلب الغزل:
    اللهم إنك عفوٌ كريمٌ تحب العفو فاعفو عنا ♥️😌
الحالة
مغلق و غير مفتوح للمزيد من الردود.
بسم الله الرحمن الرحيم
تحت شعار ((محمد)) (ص)يجمعنا
ابدي مدونتي واضع بها ماخط قلمي
وما حطة اقلام الشعراء من الرثاء والمدح
من الشعر الشعبي والشعر الفصيح
بحق محمد وال محمد
من مواليدهم واستشهادهم
وابدء بقصيده بقلمي
=========
نخيت اليعتني لو يسمع النخوه
حلفته بحياتي وداعة الخوه
----
انه اعرف كفيلي لو صحت بسمه
غيور ولو نخيته الموت ميهمه
وإذا حلفته بسم حسين أبو أليمه
يشد عزمه ويجيني راعي المروه
----
ثمينه النخوه عنده وهوه راعيها
أبو ألغيره شهم أفعاله أدريها
وادري للاخوه بروحه يفديها
حياتي بدنيتي من غيره ماتسوه
----
أبو فاضل أخويه وكافل ضعوني
يغار من الهوى العالي على عيوني
أخت عباس بوجوده يسموني
وعباس الدمعتي وخيمتي رجوه
----
ما بين الشمس والگمر سالوفه
البحر لو يحچي عنها تطفح جروفه
عباس الگمر والشمس معروفه
زينب بت أمير النحل والقوه
----
سابع يوم من عاشور بت حيدر

مابين الظعن والخدر تتفكر
تنضرهم عطاشه موت تتصور
ذاك اليوم زينب طاحت أبلوه
----
محتار بقة بين الخطر والموت
بدموع المصيبه ترسم التابوت
صاحت والمعاره ترد عليها الصوت
راح الچان الچ حماي والسلوه
----
بقلم
الشاعر هاني حماده البلداوي
 
  • بادئ الموضوع
  • #2
صعبه يا كلبي الحبايب من يروحون
والتكتلك بالمكابر من ينامون
بويه عاين حالي // الموت والله اشوالي
****
انه زينب يالعفتني بداري حزنانه
صرت بغيابك يحيدر ورده ذبلانه
بيمن انعيد يغالي العيد لو جانه
جنت كل عيد انته بويه اتعيد ويانه
العيد اجه وهاي السنه لا ما اريده
شله بالعيد اليفارك بويه عيده
الف حسبه ابالي // الموت والله اشوالي
*
شيبت راسي المصايب ونكطع ضني
بويه حته البويه ماتت من رحت عني
سالت دموعي اعله خدري وزيدت وني
وتدري بفراكك يبويه اهواي اخذ مني
اوياك اموتن يالعفتني اشكد تمنيت
بويه كمت اكره بدونك طبت البيت
خيبيت امالي // الموت والله اشوالي
*
هيه مو كلمه وكولن تنسي العشره
احله شي بالدنيه بويه ضلت الذكره
كالو اليفكدله غالي ينكسر ضهره
وانه مو بس ضهري بويه اضلوعي متكسره
صحت يا دهري دخيلك وين الاحباب
اشلون سلوت عمري نايم حدر التراب
مني ضاع اهلالي // الموت والله اشولي
****
مدري شبسرعه يبويه غمضت عيونك
كلشي ما يسوه وغلاتك عمري من دونك
الفاتحه اقراها اعله روحي من يدفنونك
واليتامه اشراح اكلهم من يفكدونك
كلها تدعي يا علي اتكوم ابسلامه
ياهو من بعدك يحن اعله اليتامه
ضلت ابلا والي // الموت والله اشوالي
*
يا علي شخبار جرحك وانته شخبارك
اتجمعت كل اليتامه وتنحب بدارك
بويه من يوم العفتني ما طفت نارك
بالسمه يابو المحنه انحجبت انوارك
الليله محرابك يون والفكدك اينوح
انته جرحك يا علي مو مثل الجروح
امجانك اصبح خالي // الموت والله اشوالي
***
ضلت ابدلالي تسعر جمرت احزاني
ليش بويه وياك كلي الموت ما جاني
افرك براحات اديه دهري خلاني
ياهو يمسحلي دمعتي ودمعة اخواني
حاير الليله الحسن ودموعه بالعين
وشابك اهدومك يبويه ويبجي الحسين
بغيبتك يالغالي // الموت والله اشوالي
*
الشاعر #تحسين الخفاجي
 
  • بادئ الموضوع
  • #3
وبعيد لو صار الدرب...ماينبض ايضل القلب
مايصعب عليه الصعب...روحي تجيكم
..................................................
أعزاز گلبي لوا مشوا لا ما يبعدون
گلبي يضل بيه النبض لمن يضلون
وشلون لوا راحوا بعد لا مايرجعون
دمعاتي بعيوني بقت بلكت يحنون
وعيني تضل أتصب دمع...والگلب لمن ينفجع
ريت الگلب لوا ينشلع...روحي تجيكم
...................................................
ماشوف بعيوني گمت من كثر ألدموع
لمن أجر أني النفس أحس گلبي موجوع
جروح العواطف ماتزول أتضل بالضلوع
وأنه من كثر الدمع طفيت ألشموع
لوا عندي رجلين الخضر...ماأمشي بيهن عالجمر
أمشي عله جروف النهر...روحي تجيكم
..................................................
ياذنب هدموها عليكم هاي ألگبور
يمكم أذا مر المحب أيشم عطر ألبخور
دنيه وأذا گالوا صدگ دواره ودور
تنذر تضل الناس كلها لمن أتزور
وسنين وبهذه الخلگ...بشباچكم ردت العلگ
وبيكم يضل گلبي يدگ...روحي تجيكم
...................................................
ماريداً أختم هوه كل بيت أبأسمكم
اليبدي بيكم مايريد أيروح عنكم
كل فاجعه نكتب قصايد ومانجيكم
من أكتب أبهاي القصيده أني يمكم
يوم القيامه أنتم شفيع...عقلي ويروحي بالبقيع
گلبي يدگ ألكم سريع...روحي تجيكم
..................................................
الشاعر مسلم الخفاجي

 
  • بادئ الموضوع
  • #5
بلد صاحت يبو الغيره يعالي الشان
يبو جعفر يراعي الشاره والبرهان
----
بلد شيب وشباب تعنت بجمره
وأطفال ونساء بدمعه والعبره
لعد گبرك تزورك تجذب الحسره
تصيح بصوت جينه نخبرك اليجره
علينه والدمع يا سيدي عنوان
----
بلد صاحت يبو جاسم يراعي الزود
ياسر ألاه الواحد المعبود
نريد مرادك ألي ما تحده حدود
ياسبع الدجيل بزودك المشهود
نريد الشاره من عندك على العدوان
----
بلد شافت نوايب والمصاب مصاب
وچم شده السبتها بلا ذنب وسباب
من اتباع السقيفه وزمرة الإرهاب
لليوم الجرح ينزف حزن ما طاب
الحزن بينه وحك جدك بحر أحزان
----
بلد هيهات بوجودك يبو جاسم
يدنسها الخسيس الجاحد الغاشم
وأنت ألي ألك بيها علم قائم
يرامي بشارتك كل مجرم وظالم
ياحامي بلد يا حافظ الجيران
----
بلد كلها اجت وكفت على أعتابك
دمعتها تهلها دم على مصابك
بيها جروح تنزف واگفه أبابك
تصيح بصوت گوم تلگه أحبابك
يانور العقيده ومنبع الأيمان
----
بلد هيبتها بيك وأنت واليها
تدري أنت املها وأنت غاليها
يبو جاسم دخيله الديره حاميها
من جور الأعادي وكل طواغيها
ياشبل الرساله وحجة الرحمن
----
بقلم
الشاعر هاني حماده البلداوي
 
  • بادئ الموضوع
  • #6
اعـيد بالـنـجـف وشـبگ بالگـبور
وشـم ريـحت اهـلـنا الـفـاركـونـه
ارش اگبـورهـم بـدموع الـعـيـون
ومـن غـابـوا عــلــيـنـا عـذبـونه
حـلوه رســومـهـم غـطاها التراب
طال غيـابـهم چــنـهـم نـســونـه
نـومـتهـم حـلت يم داحـي الباب
خـلاف اشـخاصهم اي يـتـمـونـه
تره بصدري يتكسر صوت الفراگ
ولا واحــد كـعــد لا جــاوبـــونــه
يهل دمعي وصورهم تارسه البيت
وبـسـهـم الـهـجـر تـدري رمــونـه
بعد عيونهم عمري عسن لا طاب
ولا عـيشـه حـلـت لـمن چـفونه
ـــــــــــــــــــــــــــــــــــــــــ
#الشاعر_غازي_الساعدي
 
  • بادئ الموضوع
  • #7
احنه لجل الزهره عشاگ المنیه
نلعن الهظموها کل صبح ومسیه
قد رقى نحوا العُلا نزفُ دِماها
آیةُ التطهيرِ والوحيُ تلاها
نلعن الهظموها كل صبح ومسيه
---------.
فاطمه عدنه الولايه....هيه كل روح النبي
بيها ننظر هيبة الله....هيه كعبة مذهبي
لوجرت من عدها دمعه...نقره آيات السبي
هيه خنصر هيه منحر...هي تل الزينبي
--------.
هيه خيمة زينب ابيوم الرزيه
هيه دمعة غربه تبچیها رقیه
من أذاها عاد في الطفِ سَباها
آيةُ التطهيرِ والوحيُ تلاها
نلعن الهظموها كل صبح ومسيه
.------------.
فاطمه هيه الشعائر....والحسين ومجلسه
هيه شهگات البواچي..والهوه الأتنفسه
تعلمت من عدها ديني....هيه اقدس مدرسه
يم جرف منزف ضلعها...آنه كل عمري رسه
------------.
آنه منها اتعلمت كل الكرامه
بيها انظر للنبوه والإمامه
ورضا الباري وجدتُ في رضاها
آيةُ التطهيرِ والوحيُ تلاها
نلعن الهظموها كل صبح ومسيه
---------.
فاطمه جرح ابضلعها.....وهيه بلسم للجرح
بضعه فگدت کل ارثها....ويه دمها المنسفح
الهه عوض الله منبر.....الفكر بي يتضح
مجلس الي ماتحظره....چنه زاد ابلا ملح
-------.
والي ما ياخذ علم من الشهيده
هذا ناقص دينه احكام وعقيده
سِرُها يكمنُ في حامي حِماها
آيةُ التطهيرِ والوحيُ تلاها
نلعن الهظموها كل صبح ومسيه
.-------------.
فاطمه مشتق اسمها..... من أسم رب السمه
هو فاطر هيه فاطم...من لدُنه امعلمه
بالقيامه لو ولتنه..... الجحيم المظلمه
هو قدره هيه زهره..... منه تاخذ مرحمه
-------.
تفطم الوالاهه من نار القيامه
وياهه لارض الجنه يوصل بالسلامه
ويرى العباسُ قد رف لواها
آيةُ التطهيرِ والوحيُ تلاها
نلعن الهظموها كل صبح ومسيه
.----------.
فاطمه الزيد المها.....لا تظن كسر الضلع
لاولا سطره اعله خدها..... بل ولا نزف الدمع
فاطمه اليكسر ظهرها.... الچفوف التنگطع
راس ابنها وي رضيعه....عالرمح من يرتفع
----------.
من ينادي الناعي زينب سَلبوها
يمها سبو جدها وي أمها وأبوها
من رمى ابنائُها سهماً رماها
آيةُ التطهيرِ والوحيُ تلاها
نلعن الهظموها كل صبح ومسيه
.-------------.
فاطمه ام البطوله ... والشجاعه والمجد
دمها من ينزف نشوفه....عالثره ايخضر ولد
ارد انشدك هالمسيه....هي وين اشتعتقد
فاطمه بين الضحايه .. عنهم الظالم ترد
------------.
العراق البي علي هذا وطنها
بكل كتر منه تشاهد طف ابنها
أن يُردُ سالماً كُلُ مُناها
آيةُ التطهيرِ والوحيُ تلاها
نلعن الهظموها كل صبح ومسيه
-------------
الشاعر: حسن الموالي الفاطمي
.
.
 
  • بادئ الموضوع
  • #9
يحسين الحسن مقهور .. چي ما حضر بطفوفك
-----------.
دمع الحـسن كلـما يـصـدّلك ايـثور
من ايشـوفك ينظـر ليـالي عاشـور
بين العِواسل جسمك ايظل منحـور
يحسين ويجري الاهات .. چي ما چان من ضيوفك
.----------.
گلبه باللوعه والهظم ظـل يدي
نهر الفرات اعله خدوده متبدي
يوم النصرتك ياخويه ماعندي
وشلون اغمض العيون .. وانت الخيول اطوفك
.--------------.
وبعلّته ياسـيدي ظـل مهموم
يتمنى يمك حاضر ابهذا اليوم
يم النهر يحـفر نهر من ادمـوم.
يجبرلك انحور اعداك ..تركض تبوس اسيوفك
.-----------.
ينزل طـفوفك ينتفض عالارجاس
عن يمـنـتك والـميـسـره للعـبـاس
يتسابق ابذبح الـزلم راس ابراس.
يفگس اعيون الشمات .. ولي يفكر ايشوفك
.-----------.
قبلك وفـاته حكمه مـن المـعـبود
هـذا ابتلائه والامـر بـي مـوعـود
گبر البقـيع ايتاني چبده الممرود.
وانت الطفوف اتانيك .. دامي العضيد ايعوفك
.------------.
لكـن ذخـر للـغـاضـريه جـسـام
متوصي لا لتخلي عمك ينظام
سيفي بيمنك خله يشطر الهام.
يبني وطگ بيهم زلزال ..من تنزل ارض احتوفك
.-------------.
صوت السبـط يـوم المنـايه ماغاب
جسامه يطلب ثارات الحرگ الباب
70 الـف لا ما تـوفــي العــطاب.
لو يفني منهم اجيال .. متوفي دمع اطيوفك
.----------.
كلمة وداعك مـن كريم اهل البيت
كون افتدي نحرك ياخويه اتمنيت
من دم دموعه وانته بيها اتحنيت.
يتلفظ اسمك يحسين .. مات ويقبل اچفوفك
----------
حسن الموالي الفاطمي
 
خويه عباس عليك أم البنين
----
شمس ونجوم وگمر يم الخيم
سمعوا النخوه باسم أهل الشيم
طارت الأرواح منهم للحرم
يم عقيلة هاشم أم گلب الحنين
----
صاحوا شعندچ خبر يابت علي
الياسبب تنخين گولي أتدللي
بينه كل أهموم گلبچ تنجلي
صاحت بصوت عساكم طيبين
----
من وصلها حسين زينب سلمت
ضمت ألدمعه بجفنها ومابچت
شافت أنجوم الخدر وتبسمت
وللكفلها من الخطر دارت العين
----
دارت أعيون الخدر صوب النهر
وصاحت بصوت الفجيعه والقهر
طول أغيابك يبن فارس مضر
عاهدتني والعهد ياخويه وين
----
من المدينه من جبتني الكربله
تكفلتني وكفوا يا سبع الفله
بزودك امشي وعيني تربي العائله
وهسه گلبي ينسمع منه الونين
----
ينسمع وني ودمع عيني يصب
والظعن عطشان وبعيد الدرب
حالي بغيابك يبو الغيره صعب
وين جود الماي ياليث العرين
بقلم
هاني حماده ىالبلداوي
 
الحالة
مغلق و غير مفتوح للمزيد من الردود.

أقسام الرافدين

عودة
أعلى أسفل