مدونة (( الشاعر هاني حماده البلداوي))

الإهداءات
  • غزل من من قلب الغزل ..:
    ضياءٌ شعَّ من أرض المدينة و زُفَّت البشرى لرسول الله (ص) بولادة سبطه الأول الإمام المجتبى (ع).✨💚
  • غزل من قلب الغزل:
    "يارب دائمًا اعطنّي على قد نيتي وسخر لي الأشخاص اللي يشبهون قلبي🌿✨. .
  • غزل من قلب الغزل:
    مارس الرحمة قدر المُستطاع فكلما تلطفت مع خلق الله زاد الله لطفهُ حولك.💐
  • غزل من قلب الغزل:
    اللهم إنك عفوٌ كريمٌ تحب العفو فاعفو عنا ♥️😌
الحالة
مغلق و غير مفتوح للمزيد من الردود.
ياعـلي العـباس مـحـد لاحه
ولاجرت فوك التراب أجراحه
ـــــــــــــــــ ❁ ❁ ❁ ـــــــــــــــــ
كتلت العباس مو بيـض السيوف
ياعلي ولا طبرته وگطع الچفوف
منـهو يگدر يـبرز السبع الطفوف
والله لانـبل العده ولا رماحه
ـــــــــــــــــ ❁ ❁ ❁ ـــــــــــــــــ
كتلت العباس بعد اكثر وأشد
ياعلي موهامته وطـبر العمد
من نظر للجربه شبلك يالاسد
جوده دامي والعذب سبّاحه
ـــــــــــــــــ ❁ ❁ ❁ ـــــــــــــــــ
يـاعلي شـبـلك نظـر چفه الگـطـيع
ويستمع صوت الطفل والهم فضيع
وينه عمي يـنادي عـبد الله الرضيع
شحاله من يسمع ونين نياحه
ـــــــــــــــــ ❁ ❁ ❁ ـــــــــــــــــ
يـسمع اخـته مـن المـخيـم نـدبتـه
چـم يتـيم أنه العـطش طـر جبدته
خويه وجهك گمت انظره ابدمعته
واحنه عگبك ما نشوف الراحه
ـــــــــــــــــ ❁ ❁ ❁ ـــــــــــــــــ
نبله صابت جوده وبگلبه الدمه
ياعلي وايتــامه كــاتلهـا الظـمى
عينه نظرت بالخجل عد فاطمه
يدري بيهه البضعه وسط الساحه
ـــــــــــــــــ ❁ ❁ ❁ ـــــــــــــــــ
تدري عين النشمي ليش اتصوبت
منها شافو دمعه عالخد من جرت
حسّـبو للجـربه لـو مـنها ارتـــوت
يعني دمعه وعينه من اسلاحه
ـــــــــــــــــ ❁ ❁ ❁ ـــــــــــــــــ
ليـش گـطـعو چــفه ياخــير الانام
حـسّبـو لكـثر بعــد اهـل الـظـلام
لو شمر عباس جوده اعله الخيام
يعبر ومحد يلوح اجناحه
ـــــــــــــــــ ❁ ❁ ❁ ـــــــــــــــــ
آه وشــچـم آه تســمـع ياعلـي
والله وسفه النشمي لمن ينولي
جوده نـاده ياالبطل لتـصد ألي
صوبتني نبلة الذباحه
ـــــــــــــــــ ❁ ❁ ❁ ـــــــــــــــــ
.
طيحوها الجربه من متن العنيد
ياعلـي معـناها عـباسـك شــهيد
يعني شبلك سـابح ابدم الوريد
عالثره وثوب المنيه اوشاحه
ـــــــــــــــــ ❁ ❁ ❁ ـــــــــــــــــ

حسن الموالي الفاطمي
 
يـالـهي ادعـوكَ يـاحـقَ اليــقــين
ثبت اسمي ابقى خادم للحـسين
أقـسم أعليك ابدمـوع أم البنين
كــون اضمدهن جــروح اصــوابه
ـــــــــــــــــ ❁ ❁ ❁ ـــــــــــــــــ
يــاودود ويـابصـيـر ويـاســمـيع
لاتخـلي عمــري بالـدنـيا يضــيع
ربي احلفك آنه بجروح الرضيع
ياعظيم. . وغربته. وامصــابه
ـــــــــــــــــ ❁ ❁ ❁ ـــــــــــــــــ
يـاعليـــم ويـاحكـيــم ويـارؤوف
أنته تعرف گلبي عاشگ للطفوف
ربي وفقـني ببـو اليـمـه اطــوف
كـل صـباح اشتــم عبيـر اتــرابه
ـــــــــــــــــ ❁ ❁ ❁ ـــــــــــــــــ
يـاقـوي ويـامـتيـن ويـامـجيـد
الشـعائر تسـري عنـدي بالـوريد
آنه ناذر عمري لحسين الشهيد
ابـقى احبـه ومـا أرد عن بـابه
ـــــــــــــــــ ❁ ❁ ❁ ـــــــــــــــــ
يـاكريم ويـاشـكـور ويـاعـظـيم
گلبي خله بحب أبو الاكبر يهيم
مثل عابس امتلك قلب السليم
بالعشـگ طـــر للمـنـايـه اثـيـابه
ـــــــــــــــــ ❁ ❁ ❁ ـــــــــــــــــ
يـالطـيف ويـاسـلام ويـامجـــيب
العليـل ابـلا حـسـيـنك مايـطيـب
المايوده يگضي كل عمره غريب
يغـرس بجــســمه الـدهر انــيابه
ـــــــــــــــــ ❁ ❁ ❁ ـــــــــــــــــ
منـتقم انته المــهــيمن والـــعلي
بالمــشيئه تمشـي زينب بالسـبي
حتى يضوي كل ظلام وينجلي
والمـنافـق تنــفـضـح اصـــحابه
ـــــــــــــــــ ❁ ❁ ❁ ـــــــــــــــــ
يـامـعز ويـامـذل ويــا وكـــيل
ادري انته مثبت الناگه التميل
وبقـدرتك تنـصر أعليهم عليل
والعـقـيله ذلــت. الــســلابه
ـــــــــــــــــ ❁ ❁ ❁ ـــــــــــــــــ
يـاحفيظ ويـاكبير ويـاصبور
الكـفيله تعـلم أبسـر النحور
هالـدمه لابـد أله ثـائر يثـور
تنـتظر كـل شيـعته بغــيابه
ـــــــــــــــــ ❁ ❁ ❁ ـــــــــــــــــ
القيوم ألأول انته وذو الجلال
الامـام المهـدي جـاهز للنــزال
ينتـظر بمـرك يـزلزلها الجـبال
والاسـد هـو اليصّفّي الغــابه
ـــــــــــــــــ ❁ ❁ ❁ ـــــــــــــــــ

حسن الموالي الفاطمي
 
حُسيناه..قصة مصـابك قصّـتي.
حُسيناه..عايشها نسمه ابشهگتي
حُسيناه ..شايلها جرح ابدمعتي
حُسيناه…
ـــــــــــــــــ ❁ ❁ ❁ ـــــــــــــــــ
آنه ماحاظر طفوفك لچن فكري الشافك
حاير ابقصة مصابك وبعـظيم اوصافك
يانهـر چـبدك تفـطر والعــذب بضـــفافك
مسومر بحّر الظهيره امفطرات اشفافك
بالجروح .. وي كل نزف عندك فرض
بالجروح .. تـتـوضى تـربـــان الارض
بالجروح .. كلـمة بقــائـك تنفــرض
حُسيناه.
ـــــــــــــــــ ❁ ❁ ❁ ـــــــــــــــــ
وي علي الأكبر عجيبه قصّتك بحساسه
سلمه لجـيـش آل اميه الفرس من داسه
شلته لطـراف المخـيم من لفـظ انفاسـه
تنظر جـيوش العدى يتـشامرون ابراسه
هالمصاب .. يـاسيـدي ضــج الفلك
هالمصاب.. سل بالسمه سيف الملك
هالمصاب .. ناده الـشمر يـوم الألك
حُسيناه
ـــــــــــــــــ ❁ ❁ ❁ ـــــــــــــــــ
جاسم ويامحلى جاسم قصّتك بالعبره
سيــدي حنة فرحته بالنزف والطبره
رجّعت كل ذكـرياتك وي عزيـز الزهره
شدتك كلما تـشيله اطيـح منـك وذره
بالخيام .. طب العطر گبل الجسد
بالخيام .. يخـــبرهم ابذبح الولد
بالخيام .. رمله بدما كتبت عهد… حُسيناه
ـــــــــــــــــ ❁ ❁ ❁ ـــــــــــــــــ
ابو فاضل عالشريعه سيدي امگطعينه
قصـتك قصه حزينه من شفت چفينه
عذبك سـهم النواظر وشـتگل لسكينه
هالسهم كلما تسحبه يطلع ابفص عينه
تنادي .. ردتك يخويه اتظل معي
تنادي .. لجلك ولا كـف مـدمـعي
تنادي .. ويجاوب بنبرة نعي… حُسيناه
ـــــــــــــــــ ❁ ❁ ❁ ـــــــــــــــــ
ياغريب وبالمنايه دمــعتك مـسـفوحه
زينب اتگلك رضيعك ضل يهز ابروحه
گطّع اگماطه ويناغي وعبرته مذبوحه
خويه طگ عرگ النجابه بغيرته المملوحه
اناغيه .. يبـچي ويأشـر عالفلا
اناغيه .. ويگلي عمه اخذيني اله
اناغيه .. بالدمعه اسمك رتله .. حُسيناه
ـــــــــــــــــ ❁ ❁ ❁ ـــــــــــــــــ
مذبحك قصة ونين بكل جرح مسـموعه
سيدي وعندك چـفوف بيـا ذنب مگطوعه
حدوة الخيل الها قصه بصدرك المطبوعه
ياحكايه الابدي بيها وخــنصرك بي لوعه
بالرماد .. شفت اختصار القصّتك
بالرماد .. ترويها جمـرة خيمـتك
بالرماد .. صبغوا وجوه العترتك.. حُسيناه
_____________

الشاعر: حسن الموالي الفاطمي

 
حسيناً وا حسيناً وا حسيناه
ــــــــــــــــ
يـ تاسع ليله مدري اشنحچي نتحيّر
علي ايموت و محمد وي علي الاكبر
هيچ حســين ضــل الليله ما يگدر
ينگل جـدمه گوه وجدم بي يعـثر
حسيناً وا حسيناً وا حسيناه
ــــــــــــــــ
سكنه اتگول شفته وحالته صعبه
علي من طاح أحسّن بي وگف گلبه
أول مـره اشــوفه ايتيّــيه ابدربه
گعد عنده يقبّل جســمه ويگلبه
حسيناً وا حسيناً وا حسيناه
ــــــــــــــــ
بس الفاگـد ابنه ايقـيّيم الحــاله
الأبو امن ايموت گبل اوليده اشواله
گعد يم ابنـه هيچ وگــام ينـعاله
مدري اشــچم عزاء حسـين سواله
حسيناً وا حسيناً وا حسيناه
ــــــــــــــــ
الشاعر: مهدي التقي
 
حسيناً وا حسيناً وا حسيناه
ــــــــــــــــ
يـ ليلة ثامنه و بالــذّات يالخـادم
شباب الليله حگه إعليــكم القاسم
يـ كون الليله صدرك ما يضل سالم
يـ جاسم ترفه روحه وعالترب نايم
حسيناً وا حسيناً وا حسيناه
ــــــــــــــــ
يـ كون اتذب دمــوع الفاگــده الثكلـه
يـ كونك بالبواچــي إتسر . گلب رمله
أبو الوگفه الچبيــره الما حصل مثله
ومثل فزْعِتَه الـ عمه حسين تفزعله
حسيناً وا حسيناً وا حسيناه
ــــــــــــــــ
على الشبان خل نبچي الفگدناهم
على الضلت صورهم بس دفناهـم
چانــو بالمجــالس و افتقـدناهم
وجاسم غاد هسـه هنــاك يتناهم
حسيناً وا حسيناً وا حسيناه
ــــــــــــــــ

الشاعر: مهدي التقي
 
يالنويتوا عله السفر ها ياهلي
لو مشيتوا طفله منهو يظل الي
...................
لو مشيتوا منهو يبره لحالتي
تـزيـــد بغيـــابك يبويه علّتي
من يواسيني وينشّف دمعتي
لا اخو يمي اليظل ولا ولي
...................
بويه امشّي عليك امك فاطمه
لا تـهــــــاجــر عني گلبي تألّمَه
طفله بفراش المرض هالنايمه
وگلبي بآلام المرض هالمبتلي
......................
نچان ناوي عله السفر ياهيبتي
وياك اروح ولا اظل بغربتي
مظلمه وّحشه بغيابك ديرتي
بويه ارحم حالي ياضنوة علي
.........................
حسين رد لفاطمه ويمها حضر
يگلها متگدرين انتي عله السفر
صبري يبنيّـتي عله ايّام القدر
انتي من بعدي الخليفه بمنزلي
..........................
لو وصلنه الكوفه گلها ما عليچ
الچ أرسل علي لو عمچ يجيچ
يالعليله لا بديّـه ولا بديـچ
هالمرض اذّاچ لجلي تحمّلي
.........................
حسين ودعها ومشه عنها الظعن
وگامت الطفله على فراگه تون
شابحه عله حسين عيناها وتحن
وداعة الله تصيح ياخيرة هلي
............................
مشوا عنها وظلّت الطفله تروح
تنشد الجاي عله ابوها واليروح
زادت عله الطفله آلام الجروح
تصيح ابويه الراح ما عاود الي

------------
سيد زيد الفحام
 
روحي ترعاكم .. احضر وياكم .. بالمجالس بالمجالس
.......
آنه أم الاربعـــه الضـحـّـوا للحسين
آنه أم الهاشـمـي الگطـعـوله چفّيـن
بالمجــالس احضـر ويـاكـم يطيبين
الطم وياكم وصيح بصوت يحسين
شيعة وهواكم .. احضر وياكم .. بالمجالس بالمجالس
........
ياالـف هنيــالـكــم يامـن تلطمـون
عالحسين ابن الزچيـه نور العيون
والله لو تدرون يحبابي وتشوفون
انبيــاء البــاري ويّاكـم ينـوحـــون
طه ناداكم .. احضر وياكم .. بالمجالس بالمجالس
.......
آنـه والزهــره اجيـنــــــه والعقيـله
نلطم عله حسيـن والمـدمـع نسيله
وياكم انصيـح بمجـالسنــه الجليله
( احنه غير حسين ما عدنه وسيله )
ارفع الواكم .. احضر وياكم .. بالمجالس بالمجالس
.......
يالتواسوني وتواسـون الزچيه
عندي الكم بالحشر باچـر هديه
ندخـل آنـه وياكـم الجنّة سويه
والنبي يحييكم وحامي الحميه
ليّة مأواكم .. احضر وياكم .. بالمجالس بالمجالس
...........
آنـه أم الاربعــــه امـكـم يالحبــاب
حاضره بمجلسكم وتلگوني بالباب
لأن يم المنبـر الـزهــره والاطيــاب
الأئمّـه والنبـي يحيـون المـصـــاب
حاشه انساكم .. احضر وياكم .. بالمجالس بالمجالس
.........
والله من تبچون عالذبحوا رضيعه
آنـه أم الاربعــــه وأمّـه الشفيـعــــه
نبچي ونسجـل اســاميـكـم يشيعه
حجة الله حسين والرحمه الوسيعه
الجنة مثواكم .. احضر وياكم .. بالمجالس بالمجالس
............
سمعوا من ام الوفه هاي الوصيه
لا تعــوفــون المجـــالـس للمنيــه
بهالمجالس تحضر الزهره الزچيه
باللطـم عينــوها بـت سيـد البريه
حبها صفّاكم .. احضر وياكم .. بالمجالس بالمجالس

خادم ام البنين عليها السلام
سيد زيد الفحام
 
يمسلم ..... ياشهيد المعتقد
يمسلم ..... ماخنت دينك ابد
تشهد الكوفه واهلها موقفك موقف شرف
قاتلت اهل الضلاله لحد ما دمك نزف
مثّلت دين الله انت والعلم بيدك يرف
سيفك الرجّف جمعهم وانت گلبك مارجف
يمسلم ..... والعرش لجلك شهد
يمسلم ..... ماخنت دينك ابد
ضدك الكوفه واهلها وانت وحدك قاتلت
صولة الكرار بيهم بالحرب لمن صلت
شردت الفرسان كلها ياعلي لمن گلت
تحصد بسيفك رگبهم تطلب الثار ونلت
يمسلم ...... ما رجع منهم احد
يمسلم ...... ما خنت دينك ابد
من علي وارث شجاعه بالحرب ماتنهزم
من تصول عله الكتايب ماتضل يمك زلم
تگبل عله الموت فارس للمنايا تبتسم
هاشمي ولو ما غدرهم ماطحت اقسم قسم
يمسلم ..... بالحرب انت الأسد
يمسلم ...... ما خنت دينك ابد
ياثقت ثالث امام وياسفيره وناظره
ستشهدت دون الحسين ودمك الطاهر جره
ماخنت عهدك يمسلم موقفك نذّكّره
بس ابواليمه اميري يبقه دنيه وآخره
يمسلم ...... قاتلت اهل الحسد
يمسلم ..... ما خنت دينك ابد
وين ابن مرجانه وينه لا مزار ولا اثر
والسفك دمك يمسلم آخره ودنيه خسر
وانت يامسلم مزارك خالد بطول الدهر
مرقدك قبه ومناره غطّت نجوم السحر
يمسلم ...... خالد ليوم الوعد
يمسلم ...... ما خنت دينك ابد
هذا عهد الرافضيه مانعوف زيارتك
شيعتك احنه يمسلم وانت تدري بشيعتك
احنه نتحدّه النواصب نبقه دوم بخدمتك
الدنيه ما تمنعنه كلها من نجيك لحضرتك
يمسلم ...... نعتنيك ومانرد
يمسلم ..... ما خنت دينك ابد

خادم مسلم بن عقيل عليه السلام
سيد زيد الفحام
 
يابالفضل. اسمـع وصيتي ياگمر
يابالفضل لا تترك حسين بخطر
يابالفضل. ضحّيله چفيـن ونحـر
ــــــــــــــ ✾ ✾ ✾ ـــــــــــــــ
ام البنـيـن امـك أنه ياگــرّة العيــن
عباس ربّيتـك گمـر بمسـاهر سنـيـن
يوليدي رايتّك ذخر لتفارگ حسين
يابالفضل لا تتركـه لـگـطـعة الچفيـن
عندك عِلِم. هـذا الحسين ابن النبي
عندك عِلِم. تضحيله بالطف مطلبي
عندك عِلِم. يوليـدي غـدار الـدهـــر
ــــــــــــــ ✾ ✾ ✾ ـــــــــــــــ
وصّيتك اتوفّي العهد بالغـاضــريـه
لا تترك حسين السبط بين آل اميّه
تتكفّل اختـك والخـدر حـد المنيــه
ما اقبل اختـك ياگمـر تطلـع سبيــه
لا تنسبي. زينب يراعي المـرجله
لا تنسبي. وانت الكفيــل بكـربـله
لا تنسبي. حد ما تطيح عله النهر
ــــــــــــــ ✾ ✾ ✾ ـــــــــــــــ
زينب امانه برگبتك يوليـدي عباس
كافلــها انت والنعـم يارفـعـة الراس
لخيال زينب ياگمر ما شافت الناس
انت واخوتك ياوفي بخدمتها حُرّاس
شيل العَلَم. وحمي العقيلة والخدر
شيل العَلَم. لا واحــد بزينــب يُمـر
شيل العَلَم. بـالك تـقـصّـر بالسـفــر
ــــــــــــــ ✾ ✾ ✾ ـــــــــــــــ
گبل الحسين بكربله لا تشرب الماي
اذكـر اخـوك علـه النهـر وذّكّر اربـاي
وفّاي اعـرفـك والنعم يوليدي وفّاي
عبدالله لا يبقه بضمه وصّيتك بهاي
وفّي الوعد. عالمشـرعه ترف رايتك
وفّي الوعد. وسگي اليتامه بجربتك
وفّي الوعد. وصبر على حكـم القـدر
ــــــــــــــ ✾ ✾ ✾ ـــــــــــــــ
بيكم اواسي فاطمة لمن تضحون
عن الحسين بكربله لا لا تقصرون
يولادي ماريدن ابد ليّــه تعودون
إلّا ويبوالاكبر سوه لو لا ترجعون
ضحوا العمر لبن الزچيــه فاطـمـه
ضحوا العمر. ياولِـد حمــاي الحـمـه
ضحوا العمر. والضحّه يربح ماخسر
ــــــــــــــ ✾ ✾ ✾ ـــــــــــــــ
1f932.png
خادم ام البنين عليها السلام
✍
الشاعر سيد زيد الفحام
 
خويه يحـــسين اريد اترد علـيه
انه زينب وحيده بــــهل المسيه
خويه يحسين. خويه يحسين

انه زينـــب جنـت عـــدكم اميره
هسه بالشام يســـموني الاســيره
شلون ترضه اضل بالطف ابحيره
اوي الــجنود اروح الـــغير ديــره

مــن بعـــدكم شفــت انــه المنيه

شعلو الــنار علي تدري يل ضامي
عيالي فــرت وحرت انه بخيامي
كمت اطفي وجمر ياكل بجدامي
وتدري انــــدب كمـت انه بايامي

عگب الخــوان اصــير انه السبيه

عگب عباس الرفع رايه وكفـــلني
الشمر ياحيف البگه يـسمع الوني
الوگت ياخويه تره عنــكم بعدني
خذني للشام ويــم اجـــناب ذبني

وكتي يحـسين صبح وي ال اميه

متت يحسين وبگة تبجي السبايه
وانه ياخويه صرت عــدهم روايـه
رسلو اجــنود الــي تـوگـف حمايه
الزمن ياحيف اخــذ من هل الرايه

نسو ياخــويه انـــه بنـــت الزجيه

تدري يحسـين بعد شنهو الـجرالي
نحرو الراس ومـــشو كـلهم اكبالي
اعاين اعليك وتـصد انتـــه لعيالي
نضرتك خــــويه تــره ضلت ابـالي

شفـــت العيال لوشفت دمعة رقيه

تـــدري بنـــتك لمن شافتــك كالت
عــــمه جا وين ابوي الدمعه سالت
كلتلهه اصــبري يعمه الدنيه جارت
وعافت حسين وعلل عدوان مالت

عافت الحــيد ابـــن حامي الحميه

خادم
الزهراء ع
سعد الزيدي
 
الحالة
مغلق و غير مفتوح للمزيد من الردود.

أقسام الرافدين

عودة
أعلى أسفل