الكبة المشويه عالفحم
المكوّنات
1 كغ برغل أسمر مطحون وسط
0.5 كيلو هبرة
معلقة كبيرة ملح
معلقة كبيرة كزبرة مطحونة
معلقة كبيرة فليلفه حمرة مجففه
0.5 معلقة كمون
0.5 معلقة قرفه مطحونه
كاسة شاي سميد خشن
الحشوة
0.5 كيلو لحمة مفرومة ناعم او سط كيف بتفضلو انتو
كيلو شحمه مفرومه ناعم
بصلتين وسط
معلقة ملح كبيرة
0.5 معلقة فلفل أسود
كوب كبير جوز مفروم او لوز او صنوبر شو بتحبو
الخطوات
اول شي بضيف بهارات البرغل كلها مع بعضها
بنقع البرغل بماء دافي لاسخن ولابارد ربع ساعه وبطحنو عالماكينه وجهين تاني وجه بطحن الهبرة معو بتركو يرتاح ومنبلش بالحشوة
بحمس اللحمه وبس تنشف المي بضيف عليها معلقة ملح ونص معلقة الفلفل الأسود وبكون فارمه البصل ناعم بضيفو عليها وبحرك وبغطيها لتستوي البصله بضيف عليها الجوز والشحمه بعد ماطفي الغاز تحتها وبحرك تمام
منرجع لعجينة البرغل بدعكها كتير منيح بحتاج للمي وبس اتأكد منها صارت طرية وخرج استعملها بلش شغل فيها
بقطع البرغل على شكل كور كل وحدة بحجم حبة الجوز بفرد كيس لفريزة وبمسحو مسحه خفيفه بالمي وبحط قطع الكبه عليه
بصحن تكون ارضو ملساء ومتساوية بصغط على قطع الكبه لتصير بهل شكل
باخد دائرة من الكبة وبحط عليها الحشوة
وبرجع باخد الدائرة التانيه بحطها فوق الحشوة وبشكلها بهل شكل
فيني ارجع حط قطع الكبه على كيس لفريزة وبالكوب اضغط عليها بتتشكل عندي بس انا مابحب هاي الطريقه بصير ارض قرص الكبة متساوي ووجهو مقبقب وهيك صعب الشوي على الفحم بفضل كبكبو على ايدي يعني هيك بصير شكلو اذا ضغطت عليه بالكوب بهل طريقة رح يستوي سفل القرص وجهو ماتحكمو النار منيح لهيك بفضل الطريقه الاولى
بعمل كل كمية البرغل متل ماذكرت بالخطوات السابقه حتى تخلص كل الكمية واذا زاد شي فيني شيلو بالفريزة وبستخدمو غير مرة
باخد قرص الكبة وبنخشو بالشوكه نخشتين
وبس يتهدى الجمر منصف الكبه على الشوايه بدها دقه وطول بال بالشوي كتير مابدها سرعه ولهوَقه
".
