علّمتني..
علّمتني لو احب ما انطي كل شي
وارسم اب عيني ابتسامة
بالجذب ..
واتركها و امشي..
علّمتني..
لو تطيح اب عيني دمعه
افرش اعليها ضحكتي
بالگلب سكته او اوَدعه
واحبس اب صدري حسرتي..
علّمتني..
اكتب اب حسكم قصايد
وانشر شويه او ازايد
والبقيه اب ليله ظلمه
تندفن ويه الجرايد
والهوى ايضيّعها كلها
ما يظل بس منّه اسمه
وادري اكثر گلبي رايد..
علّمتني..
حتى لو اشتاگه كلّش
اعصر اب گلبي او اسكته
والزم اب ايدي چلمتي
ما تطخ ثاني ورقته
ما اكتبه..
ما ارسمه..
بس اخافن لو تدگ بابي ضِحِكته..
علّمتني..
من يجيني اب ليلي صفنه
والنبض يرجف يوِنّه
اگطع انفاسي او اضمهن
واكتل اب صبري جمرهن
والدمع بيديّه حِنّه..
علمتني..
لو تجيني اب صيفي رجفه
من تُمر اب بالي صدفه
اشعل اب نص گلبي جمره
بلچن او لن بيها يدفه
وارسم اب نص ليلي گمره
او بالچذب چن ما عرفته..
علّمتني..
هذا كلّه ..
وادري دومك ما شفتني
ملتهي و ابغير دنيا
تشتري بيها او بعتني
او لو صحتني..
ابتسم واضحك و اجاوب
وادفن ادموعي او اغنّي
انته هيچي....
علّمتني...
# بقلمي
علّمتني لو احب ما انطي كل شي
وارسم اب عيني ابتسامة
بالجذب ..
واتركها و امشي..
علّمتني..
لو تطيح اب عيني دمعه
افرش اعليها ضحكتي
بالگلب سكته او اوَدعه
واحبس اب صدري حسرتي..
علّمتني..
اكتب اب حسكم قصايد
وانشر شويه او ازايد
والبقيه اب ليله ظلمه
تندفن ويه الجرايد
والهوى ايضيّعها كلها
ما يظل بس منّه اسمه
وادري اكثر گلبي رايد..
علّمتني..
حتى لو اشتاگه كلّش
اعصر اب گلبي او اسكته
والزم اب ايدي چلمتي
ما تطخ ثاني ورقته
ما اكتبه..
ما ارسمه..
بس اخافن لو تدگ بابي ضِحِكته..
علّمتني..
من يجيني اب ليلي صفنه
والنبض يرجف يوِنّه
اگطع انفاسي او اضمهن
واكتل اب صبري جمرهن
والدمع بيديّه حِنّه..
علمتني..
لو تجيني اب صيفي رجفه
من تُمر اب بالي صدفه
اشعل اب نص گلبي جمره
بلچن او لن بيها يدفه
وارسم اب نص ليلي گمره
او بالچذب چن ما عرفته..
علّمتني..
هذا كلّه ..
وادري دومك ما شفتني
ملتهي و ابغير دنيا
تشتري بيها او بعتني
او لو صحتني..
ابتسم واضحك و اجاوب
وادفن ادموعي او اغنّي
انته هيچي....
علّمتني...
# بقلمي
