• منتديات شباب الرافدين .. تجمع عراقي يقدم محتوى مميز لجميع طلبة وشباب العراق .. لذا ندعوكم للانضمام الى اسرتنا والمشاركة والدعم وتبادل الافكار والرؤى والمعلومات. فأهلاَ وسهلاَ بكم.

قصيدهـ اتجاهلني بعد (مكتوبة) الشاعر يحيى العلاق | شعر شعبي عراقي غزل مكتوب 2019

Moon

مؤسسة المنتدى وصاحبة الإمتياز
عضو في شباب الرافدين
2018-08-28
2,360
العراق
جوهرة
დ2,630
تجاهلني بعد وياي ثكل الدم
لا تنطي مجال اصعب وكابر هم
ضبط سوي روحك عود ما مهتم
والله تحبني حب بس الله بي يعلم
تراقب عن بعد كلبك عليه ايلوب
جرأة الـ بالكلب لو تنتقل للفم
جا كلمة احبك جزت ذاك الصوب
والاطرش سمعها واجه كلك تم
من اكعد اكبالك تلتفت ليغاد
مو يم القضيه وانته رب اليم
اسولف ويه غيرك احس بيك اتموت
فص عينك طلع ما اعرف اشدردم !
احجي بصوت عالي شدردمت لتخاف
من المنضغط متوقع اشبع ذم
ولو مرات ادك دكة خباثه وياك
اشوفك روحي واختل واكعد اتبسم
وتضل عينك تدور علي بين الناس
والبيدك يطيح ويغدي وجهك دم
هنا يبدي الضعف ويبين المبهم
بـ هاللحظة المشاعر صدك تترجم
حسبالك رحت لا ما رحت موجود
وهذا الوكع من ايدك دهاك الزم
دايخ بيه دايخ هسه شموازيك
فضها وكول احبك شلك بهـالـهم
يعجبك شكلي صوتي ووكفتي وممشاي
وحافظني حفظ تندلني وين انشم
متردد ابطبعك حذر مدري شبيك
ترجع الف خطوة وخطوة تتقدم
اذا حتى السلام اترده بالمثقال
ما اسلم اتكول شدعوه ما سلم
لكن هم اعذرك عقلك مأذيك
الله يساعده جم قسم يتقسم
مابين المكابر والخجل والشوك
والحب والشرف والنسب وابن العم
تره الدنيه كصيره والسنين اخفاف
من تتبده منك بعد ما تلتم

 
القائمة الجانبية للموقع
خرّيج وتبحث عن عمل؟
تعيينات العراق
هل أنت من عشاق السفر حول العالم؟
إكتشف أجمل الأماكن
هل أنت من عشاق التكنولوجيا؟
جديد التكنولوجيا
عودة
أعلى أسفل