الجفن غيمه او ثِگل بيها المطر
و الگلب ينزف على افراگه نهر
و العشگ ثوب اسود امضيّع گمر
و الصدر چن بي خريف..
يشبع اب موته اويه كل ورگه تطيح من الشِجر
والسما اعلى امتونها قوس القزح
غيّر اب الوانه صارن سوده وي لون القهر
او روحي أسمعها توِن
چن بلم تايه يخِنگه الليل متروك اب بحر
و انته فرحان اب جمالك
تحچي بدروس العشگ و اعيوني ذبّلها السفر
تحچي و امحضّر جنطتك..
مدري ملّيت العشگ بدروبي لو ملّ السهر
چن قطار اب ليل مَر باوّل محطّه
لا تِرَك مرساله لا ظَل و انتظَر
يعتب اعلى الناس مشيَه
او ناسه ناطِرته دهَر
لا خبص صوته المحطّه
او لا سِكَت مرّه او صُبَر
او من جزاها اب ليله مشْيه
الحزن طش اب اهلها
او ضحكه چذّابيه فوكاها نثر..
والله يا ريل المحطّه
گتلي ما تگدر.... طلع گلبك گدَر..
# بقلمي
و الگلب ينزف على افراگه نهر
و العشگ ثوب اسود امضيّع گمر
و الصدر چن بي خريف..
يشبع اب موته اويه كل ورگه تطيح من الشِجر
والسما اعلى امتونها قوس القزح
غيّر اب الوانه صارن سوده وي لون القهر
او روحي أسمعها توِن
چن بلم تايه يخِنگه الليل متروك اب بحر
و انته فرحان اب جمالك
تحچي بدروس العشگ و اعيوني ذبّلها السفر
تحچي و امحضّر جنطتك..
مدري ملّيت العشگ بدروبي لو ملّ السهر
چن قطار اب ليل مَر باوّل محطّه
لا تِرَك مرساله لا ظَل و انتظَر
يعتب اعلى الناس مشيَه
او ناسه ناطِرته دهَر
لا خبص صوته المحطّه
او لا سِكَت مرّه او صُبَر
او من جزاها اب ليله مشْيه
الحزن طش اب اهلها
او ضحكه چذّابيه فوكاها نثر..
والله يا ريل المحطّه
گتلي ما تگدر.... طلع گلبك گدَر..
# بقلمي
