منقول موسوعة ابوذيات عراقيه متجدده ومستمره ابوذيات حب - ابوذيات خيانة - ابوذيات فراق وعتاب -ابوذيات شعر

[كراميلا ❥]

جرحي ما يفيده اخياط والشل
اخبرك يا حبيبي الدمع وشل
انه شبيدي اعلى الزعل يالليل وشل
شال وصبحت داره خليه

 

[كراميلا ❥]

الدهر طگني ودعه بگلبي يراحاي
الدهر بدل دم السابج يراحاي
الدهر بالچ تامنينه يراحي
الدهر غدار وافعاله رديه

 

[كراميلا ❥]

اسألك بحضن الولف منام
بسبب واشي علي زعل منام
ربع الليل اليمر عليك منام
لا والوحش ديارك عليه

 

[كراميلا ❥]

من دمعي رعاة ارتوت ونعاي
ومن وني انحنه الفولاذ ونعاي
يظل هذا ونيني عليك ونعاي
لمن يصفه الوكت وتعود اليه

 

[كراميلا ❥]

القهر والاخ من صغري بدالي
وانه چم كاس الهنا دهري بدالي
لون تصير يا عاذل بدالي
تشوف شلون الام الدنيه

 

[كراميلا ❥]

ناحل وامشي مكابر تراني
تراه الموت يدهاني تراني
واجلد خاف عدواني تراني
واگوه من يمر شامت عليه

 

[كراميلا ❥]

ربي ليه القهر خصص وناله
الناس النعم سلوتها وناله
وكلمن اخذ محبوبه وناله
وانه نلته وفلت من بين اديه

 

[كراميلا ❥]

بحياتي ما شفت ياناس راحات
اجيبن هاي كالو ذيج راحات
الليالي الماحسبت تروح راحات
اجتني الماردتهه تمر عليه

 

[كراميلا ❥]

الهوى والله يذوب گلوب منصاد
وعمت عينه حبيبي بيوم منصاد
چنت صياد ماهر وابد منصاد
ولچن هسه انصدت غصبن عليه

 

[كراميلا ❥]

الدنيا شگد هم ودرد فيها
وسبعه وبس عليه ضاگ فيها
بناله دار يسكن عود فيها
ترك داره وسكن تحت الوطيه