الشاعر كاظم اسماعيل كاطع ...موسوعة دواوين . كل ما يخص الشاعر الكبير كاظم اسماعيل كاطع

[علاوي سعدون]

السلام عليكم
شخباركم يا ورود ان شاء الله زينين
اصدقائي هذا الموضوع راح يكون
فقط
للشاعر الكبير المرحوم كاظم اسماعيل كاطع
اي شي عندك اله نزله
قصيده
بيت
مقطوعه
اي شي المهم للكاطع
وتنورونا يالمرتبين
.
.
.
.
...
...​

 

[Gardi]

موضوع يجنن . متابعة ومشاركةً

 

[علاوي سعدون]

( الرگص عالنار )
(القصيدة التي ضلمت ولم تقرء قط )

من ديرة الغربة ومن شواطي الموت
ومن دنيه فرحها امعلگ بتابوت
ومن ديرة العشگ ممنوع بيها
ونضرة العشاگ خجلانه وتمر بسكوت
من هناك اكتبلك رساله وحته لو متشوف
امد امن الحبل راسي وابوسنك
واصفگ وانه بيدي الحوت
اتعب بالعشگ حد الرگص عالنار
وتلاوه اوية كل افراگ ماانطيك
يا اسمر ياحلو يالكلشي ينحب بيك
سألوني وكلت ناسيك بس صدك ولا ناسيك
يذكرني الفرح بيك
ويذكرني الحزن بيك
يذكرني الضحك بيك
ويذكرني البجي بيك
يذكرني الدفو بيك
ويذكرني البرد بيك
حبك بالگلب شعلة ابمهب الريح
لو كل الضلام اتگبع بروجات مجنونه ولا يطفيك
ومن ديرة الغربة وسفرة الصفنات
مذبح للعشگ والخنجر السكران
يتچه اعلة گلبي وبالضلوع ايبات
ذكرني النهر حبك طفح بالعين
وتهدم جرفها وفاضت الدمعات
ويدقني اليشاورني ابشماته ويحرگ التصوير
ويگلي حبيبك مات ......
وانه ادريك يافحل الگصب ورباة جف الهور
گصبة التنشلع باليل يتمغط جذرها الحي
وگبل جيت الصبح تطلع عشر گصبات
عطشان كلش والعطش راكد ابگلبي وصافي
وردتك ولو تابوت بس كونك خشب
لمن يجي الطوفان اشوفك طافي
واتشيم والگاك سباحة سمه
تشلبة فوگ الليل تلتف عالگمر
تطفه الشمس والنار
بس هذا الكمر چي انته بيدة اسوار
يضل يضوي ويضل طافي
منذور لايام الحصاد
افتر علئ البيدر سبع مرات
واسجدلك واموتن صافي

 

[علاوي سعدون]

الشـوگ تارسـني تـــرس
اغلـط تـ؏ـال

واللّٰه مـــوش ابســاط

لـ افـرشـلــڪ حــضــن

الـــگـــاطـــع

 

[علاوي سعدون]

من تمر بيكم حمامة اتذكروا كسرة جناحي

الكاطع

 

[علاوي سعدون]

الغابه ماتكضيها سلة
والشجرة التخسر ثمرها
اتاني موسم ثاني جاي
الخناجر ماترد صدر اليهد وسلاحه جرحه
البير كلما غمكن جرحه المساحي
يزيد ماي

الگاطع

♥

 

[علاوي سعدون]

موضوع يجنن . متابعة ومشاركةً

كل الهلا نورتيني ..اكيد بوجودكم ومشاركاتكم

 

[علاوي سعدون]

زعلان
زَعلانْ بَسْ يا زَعَلْ
لمٌن تِرِد للصِدِكً
قبل المنادي أجي .... وشلون جيٌه
أجي
أركض ركض محتركً
ياللذتك إبمهجتي.. . . وين ألكًـه
مثلك هوى
لولاك والله أختنكً....
هيٌه شراكة نِفَس لو سكت
كًلبك سكت كًلبي
ويـِدِكَ لــو يـِدِكَ
لوما وكتنه صعُب ماجان أبد
نفتركً
كِلمَنْ مِشه إل حالته
واحد سِكنْ بالغَرٌب .. واحد سِكن
ْ بالشرِكً
*****
كل هالمَسافَه .. البعد !!
وِسوالفَكْ تنسمِع جٌن إحنه
ًحلك إب حلكً
والله عشكًـنا عشكً
يامن إمكًدٌر عَليْ غيرك فصاله صعب
جم دوب أخيٌط و أشكً
حنيت أنه إل شوفتك
واصبرت بس ما صبر قلبي وصرخ !! راح
أطكً
جاباني إلك وإذعنت . . جيتك
بليلة شتا
ظلمه ومطرها رَشكً
وشبعده صار الدرب
خوف ..
و رعيـــد
وثلـــــــج
وجفوف إديـــٌه زركً
إبابك طحت ها كمت
ضَمٌيت إدَيٌـــه إوْ رِدِتْ
عالباب بالروح أدكً
بس كالو إلمَن تدكً
كلمن مشه إلحالته
واحد سكن بالغرب
واحد سكن بالشـــــركً

 

[Ibn AliraQ]

شاعر مميز رحمه الله
شكرا جزيلا على الموضوع وفكرته الجميلة
تقبل مروري

 

[Gardi]

#قصيدة_الشاعر_أسماعيل_الكاطع
___________________________
على كيفك...

على كيفك تراني گلبي خلصان
وشايف من زماني اشكال والوان
.
ردت انسه الهموم ومانسني
فرد ليله ابعدت وتذكرني
واجن يتراكضن ركضه الغزلان .
على كيفك تراهي معذبه الروح
مابيها مكان اشيل الجروح
مارايد فرح رايد بجي ونوح
وبعمر الورد والوجه تعبان
.
علكيفك شفت يا ما شفت ناس
كل مر الزمن قدمو الي بكاس
روحي الشيبت ماشيب الراس
وبعينك تشوف شلون ذبلان .

.
.
#الكاطع