منقول موسوعة ابوذيات عراقيه متجدده ومستمره ابوذيات حب - ابوذيات خيانة - ابوذيات فراق وعتاب -ابوذيات شعر

[كراميلا ❥]

وين اللي يميز الحجي يزنه
نححجي زين يطلع شين يزنه
السله تريد ومن العنب يزنه
يصير اثنينهن يرحن عليه

 

[كراميلا ❥]

عليك البس هدوم الحزن واحد
عزيز انت يهالنايم واليعز واحد
الناس تمشي وتودع نعش واحد
وانه ودعت خمسه وماردوا اليه

 

[كراميلا ❥]

يوصفون العوارف شجر من شاف
على اطرافه يموج السيل منشاف
اكلنا التمر والغصن منشاف
ميت لا شاف شمس ولا وطيه

 

[كراميلا ❥]

الدجى چلچل على جسمي وجله
انكشف رحل الصبا وجه وجله
عزت قدرة الباري وجله
خلق بلقيس وولفي سويه
حسين الغالي

 

[كراميلا ❥]

وحك من صور الحاجب والعيون
لاجلك لاسكن البيده والعيون
وخزن جرح دلالي والعيون
يهلن كل صباح وكل مسيه

 

[كراميلا ❥]

وحگ شفتين محبوبي وسنه
وعلى حالي بچت شيعه وسنه
لجر سيف الهجر لجلك وسنه
واحارب كل عدو يعاديك اليه

 

[كراميلا ❥]

اريد اصبر وشوف اشلون وعداي
طحت بمرض مرض ايوب وعداي
اخبرك يا حبيبي گرب وعداي
البگه براسك هواك العم عليه

 

[كراميلا ❥]

حسن يبني تلگه الضيف حي بيه
وعسى زاد الغديد سموم حي بيه
ياهو الجمع ماله وراح حي بيه
سعيد الحفظ عرضه من الرديه

 

[كراميلا ❥]

اخوتك لا تعاديهم ومرهم
وطيع الكل ارادتهم ومرهم
همه الدوه لجروحك ومرهم
همه حزام ظهرك بالدنيه

 

[كراميلا ❥]

سره ضعن الاوده بليل ياشال
ويرد سباح گلبي يرد ياشال
شوگع منه حبيبي وصاح ياشال
والنعم منه فلا تحصل رديه