منقول موسوعة ابوذيات عراقيه متجدده ومستمره ابوذيات حب - ابوذيات خيانة - ابوذيات فراق وعتاب -ابوذيات شعر

[كراميلا ❥]

يهالواگف على الازلال لاله
وخدك من شعاع الشمس لاله
لزمنه من الخدود وصاح لاله
بثنيت اهلي وتمد ايدك عليه

 

[كراميلا ❥]

ملوم الناس حيل اوياي منداي
انادي ولااظن يفيد منداي
الك راي بدليلي راي منداي
عظيم وبالتوالي يعم عليه

 

[كراميلا ❥]

هاگلي يصاحب بعد شملاك
تشتت وانجسم نصين شملاك
اشبگه عندي اشخله الدهر شملاك
ابطرگ روحي العزيزه وهاي هيه

 

[كراميلا ❥]

زماني ملته روحي وملها
جفاها وگطع رجواها واملها
المصايب صرت انه ابوها واملها
بعد ماظن سروري يعود اليه

 

[كراميلا ❥]

نائل المظفر
امتحنتك ردت اجربنك .. صح تحل
تشد جرحي واذا شفته .. صحة تحل
بعدني ما طحت يمك .. صحت حيل
لو طايح صدك شسوي بية

 

[كراميلا ❥]

حسين الساعدي
عليهم حشمت يمه وساده
الحرير العدهم املون وساده
وحصيره املك وجاكيتي وساده
لفوني وفرهدوهن من اديه

 

[كراميلا ❥]

عبد الحسين الحلفي
بسراية العشك روحي ..وكصرت لك
ونفس وكت المزامط .. وك صرت لك
طويل واعلى منك .. وكصرتلك
حتى تلوحني من تبوس ادية

 

[كراميلا ❥]

عبد الحسين الحلفي
عدل صوبك جدامي .. جر عدل لك
وادليك بحجي المر .. جرعة دلك
اثكل كافي بسك .. جر عدل لك
زعلت لتجر عدل حقك علية

 

[كراميلا ❥]

عبد الحسين الحلفي
امك تنعة وانة انعة .. نعة متين
وجيتك نعمة والضحكة .. نعمتين
شفافك تين لتكللي .. نعم تين
اخاف تكول ويموعن خطية

 

[كراميلا ❥]

عبد الحسين الحلفي
العتب عالكتب هالدستور .. عالسن
بوطنة زعلت الضحكات .. عالسن
انعلسنة والشعب معلوس .. عالسن
وقفلتة ونعلس قفل الابوذية