النقاط
118
الحلول
0
- إنضم
- 2021-10-11
- المشاركات
- 54,508
- مستوى التفاعل
- 19,109
- النقاط
- 118
- الإقامة
- مختبئه خلف الغيمات
عالجسر عالجسر هاي الجنازه
() () () () () () () () () () () ()
موسى ابن جعفر والحزن كبر
استشهد الليله والهضم سيطر
والدمع جاري مالذي جاري
سافر السابع من نسل حيدر
عين كل خادم تنتظر فاطم
تهمل العبره كلشي يتحسر
هاهنا موسى روحه محبوسه
واهم الحاقد والله مايكدر
ياصبر ياصبر هاي الجنازه
عالجسر عالجسر هاي الجنازه
======================
شيعته ابحسره ضنوة الزهره
تنتظر يومه بيهه چم كسره
موعد الجمعه موعد الدمعه
موعد الاهات موعد العبره
يله شيلوهه لا تخلوهه
هايه هايه المن الله بيهه ادره
بيهه من ناده انجرحت الساده
كل محب يلطم ينخسف صدره
تنتظر تنتظر هاي الجنازه
عالجسر عالجسر هاي الجنازه
======================
ياارض هايه الهه مشايه
تزحف الوادم تنصب قرايه
گبه منظوره بيهه چم صوره
ترفرف وتخفگ كامت الرايه
والوصل ليهه خله يبچيهه
يصيح يالكاظم مصابك هوايه
من يدگ بابه ويذكر مصابه
يطلب الحاجه ايحصل الغايه
بيهه سر بيهه سر هاي الجنازه
عالجسر عالجسر هاي الجنازه
====================
كل اهل بيته تنعه تاليته
والرضا بعدك يبچي خليته
عصمه من عصمه رحمه من رحمه
صيتك العالي صاير بصيته
والنبي واله ينظر الحاله
يصيح موسى اليوم بالحزن جيته
بيهم الالامك ضنگة ايامك
عمرك اليخلص اه گضيته
من يمر من يمر هاي الجنازه
عالجسر عالجسر هاي الجنازه
=====================
كاظميتكم بيهه ريحتكم
بيهه عترتكم بيهه دمعتكم
يامواكبنه شكرا الخدمه
كلشي يتسجل بي مواقفكم
هذا ابو طلبه الموكب يحبه
بدفتر الخدمه من يسجلكم
من تزورونه من تنوحونه
بالسلامه انتو هم يرجعكم
بالعمر بالعمر هاي الجنازه
عالجسر عالجسر هاي الجنازه
====================
