منقول اقتباسات من شعر المرحوم الشاعر العراقي سمير صبيح

[Daleen]

صم حنطة و نثرته و الحمام آلاف

 

[كاسر القانون]

كلامك ع الگلب دوسة حوافر خيل
تلكـتهن لكت والحـافر يغـرز
ظميت السوالف غصبن على الروح
لان ادري الصدك من ينحچي يبزز
وشربت الحزن من دمي انه اسنين
وشربته دمـع من گـال لي معوز
اگمز ع العنب ما الوحه ايديه اگصار
خلصت العـمر ع المامش تگـمز
درخيلي الحبل ما عندي جنح ايطير
دم رجلي انحصر واحبالك اتحزز
لا تلوم الزرع من يفسد من الريح
البراد على الـدفو لو سـير يفزز
وگلبك مو گلب صخرة وعليها اضلوع
وانا حالي نسيم بصخرتك شيهز

 

[كاسر القانون]

ما يمشن عليه مشيتهن مجبور
وأظاهر محب وأذبح ادموعي انذور

ولا عبرن عليه وحالي حال الناس
أعرفهم حمام شلون اكول اصكور

ولو جرحي انفضح ميستره ثوب الحال
ويسألوني وكلت لا على الشمس مشرور

ومرت جثتك جناز بيه الليل
صرت انه السدر والماي والكافور

ولا نفسي دنت حطلي الطمع ماعون
كلي اخذ شتريد وكلت لا مشكور

ما دور بعد محصولي بالبستان
لان شفت الحرامي مصاحب الناطور

المستنقع نشف ظل بي قليل الماي
بعد طكت شمس ويبين المستور

ويبن الفعل والما وكع والطاح
وبين النصب والجار والمجرور

واتلكه الفرح ملكة طفل للعيد
وأفور دلتي كد ما دليلي يفور

قصيدة باب الحوائج
اجفوفك سيدي انتصرن علة السجان
كرامة وتضحية لكل ثائر ايزرعن
اجفوف البلسجن جانت عليهه اغلال
من ربك منائر عللارض طلعن

مناير من ذهب عوضلك الجفين
مرفوعات لله بكل وكت يدعن
وقبتين الذهب جن فتحت القران
وعيون اليطوف ايلبن ويسعن

تقضي الليل قائم والنهار اصيام
تجوع معدتك وافكارك ايشبعن
لحم كصتك يموت وينشلع ويطيح
بسجودك والخجل قطراته ماوكعن
الطيور بحضرتك وقت الغروب اتهيم
يقينن وي صلاتك كلهن ايخشعن

وملايين الجفوف التحضن الشباك
ترضيهه بكرم موخالية ايرجعن
ترضيهه بكرم موخاليه ايرجعن

 

[Daleen]

مثل الروح لآزٍمٍ باجر تروح

 

[كاسر القانون]

قصيدة كتبنة اعلة الجرف
كتبنا على الجرف أسماءنا بعود
وحفظها الروج ذمة بركبة الطين
وخلينه النوارس على الحجي شهود
ودفنه أسرارنا بفي البساتين
وغفينا الدمع بأحضان الأظنون
وحدرفي بالزلف نامت سوالف
وأخذنه من الحزن كحلنه الاجفون
وكطعنه الحيف من غصن الشفايف
السهر صيدة نسر وجفوفه الأعيون
أمان ويلزم بجفوفه خايف
لاتمشي الأمل بدروب الوعود
ولا تأمن جرح بجفوف سجين
ولا يغرك سماري وسود الأخدود
دم أبيض يصب من ينزف التين
وأحرث كاع عينك وأزرع النوم
البالي الك محد يطوله
والزغر النفس وبروحك تلوم
إذا كالوا نجم كلهم ننوله
النسر بليل يحسد طيرة البوم
السهم يكتل رغم شدة نحوله
شعر راسك طويل مغطي الزنود
الرمش مابي قليل وحافظ العين
عطش صحراء قيسة وعاين الجود
عطشها شما كبر بميته يلين

 

[كاسر القانون]

بقينة على الجبل رمايت سهام
ونزلت غيرنة تلم الغنايم
نصبر عالعطش ما نحفر البير
بس نحفر متر تطلع جماجم
من الكاروك غير يمر بالاعراس
بوجهة يروح لآحضان المأتم
ادك عالروح محد يفتح الباب
نهار الليل وتخيل ظلامي
لا ميصير لا والناس لاعيب
هذن كلهن عطش ذبحن غرامي
خذت دور الفقير وكيفت بيه
شجاني وماخذت دور الحرامي

 

[كاسر القانون]

اذا جنحك عله لتشوفة حجم زغير
الغابة اشكد جبيرة بعود تشعلهة
تصح بيهةكصص ما تعلرك من العيب
وتصح بيهة كصص بحجايية بحجاية تكتلهة
هي خضرة كلتله اعدلهة خاف اطيح
من يبست الكاع يريد يعدلهة
اضربلك مثل وحكم عليه بهاي
اكل جدمي الرمل وادري المسافة اطول
كمت اوكف واطيح وكلت اكملهة
لان دزو امانة بجفي حفنة ماي
نكضني العطش مادنت نفسي علي
كمت ابلع بريجي وكلت اوصلهة
اذا عزة نفس عندك تفوق الناس
وهي شتلة شوكت متريد تشتلهة
ومثل هرش الشجر واشربلك الماي
وكل هذا الخضار البيك مني
وانه ابنص الملح وامشابك الطين
وبلابلنه على اغصانك تغني
وتمر الريح بيه واحضن الكاع
وتريد اتروح ويه الريح عني

 

[كاسر القانون]

منو مثلي الثلج امنه ابجف الصيف
و كله ايدير باله اتلوحه لحروره
و منو مثلي اعله نيته شلون طير الهور
اجه بلهفه و حنين و ما حضه بهوره
و منو مثلي سكت شاف الزرع مبيوك
و دره البوكات كلهه بيت ناطوره
ولو روحي بنفسهه تريد كلشي ادكول
اعض شفتي و اكلهه الكاع محضوره
على بختج يروحي مالي حيل الروج
و شراعي تعب و الدفه مكسوره
و ولا ساحل بقه و ادري الصخر ميطوف
حتى اتعب و ادور صخره مشموره
و عتبنه اعله الصبر يا روحي مو عالعين
اذا ميصير سد الدمعه معذوره

 

[Daleen]

كل صفنة حزن تكسر ضلع بلروح

 

[Daleen]

خاف يغيب وجهي بطگت الجيلات دور بل جثث وياها تلاگاني