انشر اي دارمي ..ومضة ..زهيري .. ابوذية ..شعر يعجبك وعلى ذوقك

[غزل..ᥫ᭡]

_


صير احبك من جديد
ونخلق لحبنه بدايه
وصدفه وأشوفك من بعيد
وأنعجب بيك وأعجبك
و واحد أيمر اعله واحد بس غريب
يصير أصيرلك حبيب ؟
يصير نزعل نخرب نضوج
ونفارگ بس نعود
يصير ميمرنه برود ؟

 

[غزل..ᥫ᭡]

_

امره مو بيده اليتاني
الوَرقة ما تختار كلمة
الجفن ما يختار حلمة
البَشر ما يختار اسمه
ثاري حتى الفرگة قسمة🖤

 

[غزل..ᥫ᭡]

_
فزيت الصبح
شفت الحلم مذبوح
و بعيني نسه سچينته الذباح

كاظم سماعيل الگاطع

 

[غزل..ᥫ᭡]

_

بَطل لا تظل لَيّن
تره العاد الغلط مرتين
يُعرف گلبك حنَيّن .

 

[غزل..ᥫ᭡]

_
عمر من فوگ الولايات يلتمن،
عمر خاف احجي ويفزن
جرح هاكبره من فرگاك
انته بگبرك طيور السمه يلطمن
رسمتك طين يم گاع اشتهت تنباس
لگيتك گاع ما خضرت غير الياس".

 

[غزل..ᥫ᭡]

_

تعال وياي
انه الوهواس اكل گلبي
اخذ وكتي لعب بيه
تعال وياي
انه هواي اجيت وياك
يمضيع العرف بيه
يامن بنظر تنجاس
اشتلني على دربك ياس
وخليني على بال الناس
غيره وسالفة وهواس




عبد الكريم القصاب💜

 

[غزل..ᥫ᭡]

_

اخذني وياك
سفان البحر دنياك
اخذني وياك للوحشه شمس



علي الشباني

 

[غزل..ᥫ᭡]

_

حزني
لوني
مرورتي
ومسحة غَياري
وعلّتي وشوغاتي كلهن من وراك"

ضرغام لطيف

 

[غزل..ᥫ᭡]

_

مدري ليش
المايندهك للگصب يبچي اعله نايك
ومدري ليش
الماتگله الله كريم دوم مايمشي اعله مايك

عباس الغالبي

 

[غزل..ᥫ᭡]

_

واجيس چفوفك الحلوه اغاني وشمس عصريه وشعر شعبي
وحدر غصن الزلف عصفور اذب تعبي



مصطفى الخزاعي 💔