انشر اي دارمي ..ومضة ..زهيري .. ابوذية ..شعر يعجبك وعلى ذوقك

[غزل..ᥫ᭡]

_

التسمع كلامة بكلشي من يحچي وياك
وبكل مشكلة يحاول يفرقنة اكثر
ويعكس فشل تجربتة بينة ويندار
وتگلي خايف منك وتتحير
فلان حَب ، وضحى بهواي اشياء
بس من اخذ اليحبة حيل تغير
"اني چنت بـ اخطاء غيري اتعير"
- علي اسر

 

[غزل..ᥫ᭡]

_

حسين السعيدي :
معقولة من تبتعد بالفرگة تتباها ؟
ومعقولة ما تختنك ،
من ذكرياتي تجي وتتلاگة وياها
يجاوبة محمد قصي :
ما معقولة هيچ يصير بينة
الاغاني التنزل نحسهن علينةه
من نزلت دموعي اتذكرت زين
اني وياك من فترة انتهينة .

 

[غزل..ᥫ᭡]

_
وهاي كسرة خاطري
كلها برگبتك ..
كافي فل عگدة فرگتك
كافي خل ارتـاح
وارگد والتم بچفك گلاده
ضال بنفسي تره طعم السعاده


محـمد مخـيلف

 

[غزل..ᥫ᭡]

_
الناس اتغيرت والصدك صار اشكال
عدوك والصديق يصيحلك غالي

 

[غزل..ᥫ᭡]

_

لا تضــم حــزنك بـروحـك
وانــته تضــحك
حزن العـيون الــ يفضحك


علي حالوب

 

[غزل..ᥫ᭡]

_

يالتشبه،،
ضوه الگمره على الحيطان

يالتشبه ندى الغبشه على الگيعان


مصطفى الخزاعي 💙

 

[غزل..ᥫ᭡]

_


وصحت لـبعيد
يا نهر التعب لـعيوني
عبر انعاس
نومني أريد أرتاح
بعيوني بچي
بگد الحچي المضموم عند الناس


كاظم الكاطع 💚

 

[غزل..ᥫ᭡]

_

وصلولة هذه الحچي
الماضي جدا مهم ،
من يمشي صح القلم
لا ينكر المسطرة
ذاك السحك خاطري
وفززني من الوهم
من گلبي اريد اشكرة
المحار ابن عائله
عاش اعله گد حالته
بس خلف الجوهرة
گلمن جرحني ومشه
طيبة هلي اتفلشة
وصح مايعثره الحجر
بس حوبتي اتعثرة .

 

[غزل..ᥫ᭡]

_

وجهك مثل وجه السگف
ينرفع راسي بشوفتك
ومن كثر ماصد ع الصور
بية شبه من صورتك
اشتاگلك بأصعب ظرف
ما زال وياك بحرف
انت وجودك بالارض تچايتي
لا انت غاية غايتي
هزة فناجين اگهوة
سنيني البقت هزيتها
وظليت اراقب عن بُعد
ماشام حايط بيتها
الچانت تموت من الشعر
تكتب شعر خليتها 💛.

 

[غزل..ᥫ᭡]

_

صير عيني ،
وشوّفَك شلون اني اشوفك ♥️.