طريقة عمل لغم برگر بالبيت

[Gardi]

لغم برگر
وصورت الخطوات
استخدمت عجينة بيتزا اي طريقه تسوها ترهم
العجينة ٤ ونص كوب طحين / ملعقة صغيره ملح / ٣ كيلات حليب بودره / ربع كوب زيت / ملعقة كوب خميرة موعته بشويه مي دافي وشكر من تعلى اخليها ع الخليط / كوبين تقريباً مي دافي حسب الحاجه تخلون وكلها بالعجانه..
والهمبرگر منزلي مسويته قبلها ومجمدته . تكدرين تستخدمين جاهز
لحم او دجاج بكيفكم بس اني هنا خبطت لحم مثروم وصدر دجاج بس اللحم اكثر من الدجاج وليه وثوم وبصله وحده زغيره وملح وفلفل اسود وكبابه ورشة هيل وبقسماط وشويه طحين وبقالب الهمبركر اسويها واجمدها ..
والبصل والفلفل شوحتها وره ما ستويت الهمبرگر بنفس الزيت مالتها ...
والطماطه بدون تشويح
واستخدمت جبن موزريلا وتكدرون جبن شرائح مال همبرگر ومخلل خيار او طرشي
وبطاطا فنگر جاهزه وزيتون اسود مقطع وكتشب ومايونيز ..
اول شي العجينه دائرة اشبكها واحط عليها الهمبرگر وفوكاها البطاطا وفوكاها البصل والفلفل والمخلل والطماطه وبعدين الجبن والزيتون واخر شي كتشب ومايونيز واشبك عجينة ثانيه هم دائرية واخليها فوگاها واسد الاطراف واظفرها وادهنها بالبيض ورشة سمسم وبالفرن اول شي نفتح الجوه وبعدين الفوك وبالعافيه ‍♀️‍♀️‍♀️‍♀️‍♀️









وين راح ناكل ؟

 

تحلية رمضان بسكويت .. حصريا لشباب الرافدين

كيكة البسكويت بالكراميل

[العجوز]

من قرأت لغم خفت

 

[Gardi]

هههه هو يشبة اللغم

 

[أمجد]

عاشت الايادي

 

[Gardi]

منور غلا

 

[كراميلا ❥]