سلسلة قصة دواء او قصة مرض أو عضو او جهاز . سلسلة مفيدة تعليمية

[Gardi]

السلام عليكم / احبتي
بصورة كوميدية محببة راح نتعرف يومية على مرض او علاج او عضو من اعضاء الجسم البشري او جهاز معين وغيرها . راح تكون محادثة قصصية لطيفة تهدف الى ترسيخ المعلومات مع المرح ستكون سلسلة متتالية نرجوا الاستفادة . هذه المقالات مكتوبة من قبل احد طلاب التمريض
ودمتم بود

نبدأ مع (azithromycin)

#قصة_دوائية
لو فكرت ونسيتك لو كلت ما حبيتك
المن احب هاي الناس ما بيها من حنيتك
احم المتابعين يسمعون لا تتغزلين بية هنا
وانت شكوو جويسم انه ما اقصدك
لعد عليمن بدرية

انه ع ضلعي ازثرومايسين azithromycin
منو هذا ولج
هذا فد دوة كلش حباب من بيت الانتي بايتك من عائله الماكروليدات ويشتغل على البكتيريا الموجبه والسالبه لصبغه غرام
وشنو يشتغل هذا قابل احسن مني
هذا يستعمل لعلاج
الجهاز التنفسي العلوي (جيوب_بلعوم_لوزتين)

2-الجهاز التنفسي السفلي(القصبات_الرئتين)

3-التهاب الاذن الوسطى

4-التهاب الجلد والانسجه الرخوه

5-التهابات الجهاز البولي الغير معقده..

عدم استخدامه اذا كان عندكم حساسيه منه او من احد افراد عائلتة
وشنو شكله هذا ؟؟

‍♂ كبسول بقوة 500mg و 250mg
وحب و شراب بقوة 200mg/5ml
وايضا اكو غير اشكال
زين جرعتة شگد ب اليوم

جرعة الازثرومايسين 500مغم تاخذ مره واحده لمدة ثلاث ايام
او ياخذ 500مغم اول يوم وبعد ذلك ياخذ 250مغم مره باليوم لمدة ٤ايام ⏰
اممم زين طريقة الاستعمال شلون ؟؟؟
اسمعني اما طريقه استعماله شويه معقده

مره واحده باليوم قبل الاكل بساعه او بعد الاكل بساعتين...
1-الاطفال 10-20mg/kg لمده ثلاث ايام.
2-البالغين الذي يزيد وزنهم عن (45kg) -500ملغ لمده ثلاث ايام .
او 500ملغ اول يوم و250ملغ لمده 4 ايام ..

حلوو ي حلوو بس هذا اكيد يخبث مرات ويسوي اعراض جانبية
يي اكيد يسوي خباثة بس شوي مرات يسوي اعراض جانبيه بالجهاز الهضمي (اسهال_ اضطرابات وتقلصات بالبطن_قيء_غثيان)
اممممم اوك اوك افتهمتج زين بعد منو ميصير ياخذ منه (#محاذير_الاستعمال)
اي زين ذكرتني.

لا يستعمل في حالات القصور الكبدي الحاد يستعمل في الحمل والإرضاع إلا للضرورة القصوى...

فديتج كبد تسلميلي تعبتج ويايه
فدووة لكلبك تسلملي

​

 

[Gardi]

مرض السل
وانتو العرب تكلولي السل
طبعا اني مرض سببي بكتيري اسمها للبكتريا(Mycobacterium tuberculosis)
اني احب الرئه لذلك من اطب للجسم گبل اروحلها اسلم عليها
انتقل من المصاب لشخص آخر سليم عن طريق الهواء بواسطة العطاس من تكول اتشووو احسب جتك طايرة ال TB گووم اركض توقاها
او ملامسة الأدوات الملوثة مثل تبادل فرشاة الأسنان أو تقبيل المصاب .

هسة اعرفكم ع اسبابي
السبب المباشر هو العدوى البكترية والإتصال المباشر بالمريض لكن هنالك عوامل تزيد فرصة الإصابة ومنها :
- الإصابة بعوز نقص المناعة المكتسبة
- الاصابة بمرض السل الرئوي منذ عامين
- وجود مشاكل صحية مثل امراض القلب أو أمراض السكري .
- الإدمان على الكحول .
- الإصابة ببعض الأورام الخبيثة .
- استخدام العقاقير الدوائية المثبطة للمناعة في حالة زراعة الأعضاء .

اعراضي
السعال المزمن المصحوب بالدم أحيانا ويستمر لأكثر من 3 أسابيع .
- الشعور بألم صدر حاد وشديد .
- الشعور بالضعف العام .
- فقدان الوزن .
- إرتفاع درجة حرارة الجسم والشعور بالقشعريرة .
- التعرق الليلي .

من يكتشفوني بالجسم اكيد راح يحاولون يتخلصون مني
الصراحه ما ادري ليش هوه اني بكتريا لطيفه
المهم ال Drug الي راح يطردوني بي

isoniazid (INH)
rifampin (RIF)
ethambutol (EMB)
pyrazinamide (PZA)

بس طبعا اني مرض لزگه يدگون بيه بالادويه 9او8 أشهر يله يكدرولي
واني عندي عداوه ويه هذا روبرت اريد اسوي ويا كعده مال عشايرهوه الي أكتشف العلاج اليه
بس انه حباب هسة اعلمكم طرق الوقاية مني.

الوقاية من السل الرئوي
- تجنب الاتصال المباشر بالأشخاص المصابين بالعدوى .
- تناول اللقاحات الخاصة في المواعيد المحددة .
- الإلتزام بقواعد السلامة العامة والنظافة الشخصية .
- عدم مشاركه الأشخاص الأدوات الشخصية .

تدرون ليش كتلكم ع الوقاية
لان وراي بلاوي اسوي مضاعفات مو زينه

- الشعور بألم العمود الفقري وتلف المفاصل الناجم عن العدوى .
- حدوث مرض التهاب السحايا ( تورم الغشاء الذي يُغلف الدماغ والنخاع الشوكي ) .
- تراكم السوائل في القلب الذي يؤثر في قدرة القلب على ضخ الدم .

وسلامتكم عيوني

 

[Gardi]

اسمي فولتارين معجبة بيك وبصفحتك الحلوة

‍ ️ثكرا عيني كلج ذووق بس اسمج مو غريب
يي يعيني اني موجودة بالطوارئ دائما
يي اتذكرتج زين شنو تشتغلين بالطوارئ

عيني اني مسكن ألم التهابات المفاصل والعمود الفقرى وحته التهاب المفاصل الروماتيدى
والعضلات وبعض الاصابات او العمليات الجراحية .

‍ ️بس هااي استعمالج لو عندج هم طبخ وغسل
شبيك دخل اكمل وهم مسكن ألم الدورة الشهرية واعالج الأسنان واللثة والالتهابات

‍ ️ام حلك الاعوج وليش تزعلين بسرعه
غير انت مرمرتني وشلعت گلبي
زين عيني اكو ناس تخاف منج ؟ وما تستعملج
هوواي ما يستعملوني لان اسويلهم اثار جانبية خطيرة⚠
‍ ️بس كوليلي منو يخاف منج وما يستعملج
مرضى قصور القلب و قصور الكبد والكلى وحتى الي عدهم ربو او نزيف نشطاوفرط تحسس لمادة ديكلوفيناك مالتيوالي عنده قرحة بالمعدة او الاثنى عشري والضغط العالي كلهم يكرهوني
️شعجب كل ذولي خررب حظي
يا عيني هية محبة من الله وذاك من ذاك اليحب

وها تره الاسبرين عدوي الاولما نجتمع ابد
️اي خوش بس ما گولتيلي شلون يستعملوج !
اهوو ولك بس بالعضلة IM ما انعطي ب الوريد
واذا الحالة حرجة فد مرة تسريب وريدي vial بطيئ جدا و باشراف الطبيب
وبيباي خل افلت منك عود گتلك معجبه وهيج سويت شكد خبيث
وربي حباب وطيوب انه صدك ابو المثل من گال الما يعرفك يجهلك

ديالله عيني ارد اروح اسوي العشا يا دوب الحگ
هلا بيج عيني فولتارين زارتنا البركه ❤ وعافيات

​

 

[Gardi]

السلام عليكم

هالمرة خوش سالفه تفيد الشعب
اخوان اقسم بالله الشمس مالها علاقة بالتيفو(التوفي)
(بريئه من التيفو براءة الذيب من دم يوسف عليه السلام)

#التيفوئيد هو التهاب بكتيري تسببه بكتيريا(سالمونيلا تايفي،سالمونيلا بارا تايفي) وهذي بكتيريا تنتقل بالأچل والمي الملوث بهذي البكتيريا.
#الشمس تسوي (#ضربة_الشمس أو #ضربه_حرارية)

ضربة الشمس تصير نتيجة الشغل في الجو الحار وقلة شرب المي فراح تسوي(جفاف،صخونه،وجع راس،بعض مرات هذيان،واحيانا غيبوبه وحتى ممكن تسوي تحلل العضلات وفشل كلوي حاد تؤدي الى الموت)

شلون نتجنب ضربة الشمس؟
اني اگوللكم:
١.حاول لا تشتغل بالشمس والجو الحار
٢.اذا كان لازم تشتغل ف يا اخي البس ملابس عريضه وخفيفه والوان فاتحه مو تلبس فانيله سوده ترى تسمطك سمط وچثر من شرب المي والبس طاگيه دائريه حتى تحامي رگبتك واختار طاگيه لونها فاتح يفضل اللون الابيض وحاول تستراح كل نصف ساعه اذا تگدر
٣.وأهم شي لا تسوي تحليل تيفو لإن اقسم بالله وحگ كلام الله انته ما بيك تيفو وبعدين (هذا التحليل منظمة الصحة العالمية تكول مو مضبوط ومعد يسوونو من زمان يعني انلغى بأمريكا وكثير من الدول)
يعني اذا رحت تسوي تحليل ف انت جعد تنثر بفلوسك

هسع نرجع للتيفو:
اذا صار عندك وجع براسك مع صخونه مستمره لمدة اسبوع مع قبض او اسهال ووجع بالمفاصل والعضلات راجع الطبيب حتى يشخص حالتك صح وما تگضيها تلهم علاجات وتچرخ ابر وماكو فايده.

شلون نتجنب التيفو؟
بكل بساطه (اچل ومي نظيف)
المي لازم يتفور والأچل ينطبخ زين وتجنب الأچل البايت وأهم شي البيض لا تسوي عيون وتاكلو لأن مرات ينتقل عن طريق بيض الدجاج

(تريد اتريگ بالعافيه عليك بس خلي البيضه تستوي زين وهني مري على گلبك)

 

[Ibn AliraQ]

شكرا ..

 

[Gardi]

اهلا

 

[Gardi]

#قصة_دوائية





‍♂️الو ☎️


‍♂ ️عدنه حرق باليد والقدم شنسوي


‍⚕ شلون صار الحادث عيني


‍♂ جبت الغدة وعثرت ب ابني و️ وكع الجدر ع رجل الرجال ‍♀


‍⚕ تكدرين تجيبي للعيادة او ترحين للمستشفى


‍♂ ️اخويه بيتنه بعيد و دا يتوجع


‍⚕ روحي لاقرب صيدلة بسرعه ‍♂️


وجيبي نورمال سلاين normal saline


ومرهم Silver Sulfadiazine 1% cream


وشاش وباندج طبي





‍♂️ شلون استعملهن ☹


‍⚕ اول شي غسلي مكان الحرق ب نورمال سلاين غسلي كلش زين ونشفي بشاش وبعدها خلي الكريم نحاول ندهن كل الاماكن المصابه بالحرق لتبريد الحرق وحمايته


وتضمدين مكان الحروق بضماد نظيف ومعقم


‍♂ هاي كل شكد استعمل الكريم


‍⚕ مرتين الى اربع مرات باليوم لحد ما الحرق يخف وتاخذيلة هم مسكن الم حتى يخفف من الالتهاب الصار





بعد اسبوع ورا ما طاب الخال بقى الاثر ردو اتصلو بية


‍♂ عيني هو بصحة زينه بس بقى الاثر عنده شلون يروح


‍⚕ جيبلية مرهم ميبوو mebo وبعون الله ما يبقى اثر


‍♂️ هذه العلاج مايسوي اعراض جانبية❤


‍⚕ لا عيني ميبو مستخلص من مواد طبيعية ما يأثر


‍♂ ️مو هوة يستعمل ادوية مال كلى خااف يأثر


‍⚕ خيتي حطيلة ميبو و خطيتج يمي ‍♂️

 

[Gardi]

هلاو


موضوع مهم كلش ضروري تعرفه ك طالب او ممرض الي هوة موضوع السوائل الوريدية راح اذكرهم كلهم #متابعة_طيبة





اني بطل مغذي اسمي


نورمال سلاين Normal saline (N/S)


من تسمع اسم نوورر يعني ترفع الضغط


انه مغذي اتكون من كلوريد الصوديوم + ماء نقي . %0.9


حجمي الكلي هو 500cc


هسه اگللكم لشنو استعمل


هبوط الضغط ولارتفاع السكر مع الانسولين وحالات الحوادث RTA او النزف والتقيء الشديد والاسهال لمنع الجفاف وهم استعمل لغسل الجروح








المغذي الثاني 2⃣


اني اسمي ( Glucose water (G/W


اني مغذي اتكون من dextrose + ماء نقي.


اكو مني بطلين واحد بتركيز %5 ، والخ %10


حجمي الكلي هو 500cc


شغلي هوة ك الاتي


يستخدموني ب حالات مابعد العملية او الاسهال


او هبوط السكر ولحالة فقدان الشهية لان اني مصدر رئيسي للطاقة مثل جماعة التهاب الزائدة


مرات ينطون وياي امبولات مثل الامينوفلين وال H.C لجماعة الربو وتحسس الصدر


او حالات الاغماء مثل هبوط مستوى السكر hypoglycemia مع امبولة هايبر تونك HT





#المغذي_الثالث 3⃣


Glucose saline (G/S) اني مغذي اسمي گلوكوز سلاين


اتكون من Nacl+ dextrose + ماء نقي


تركيزي %0،4.5/2.5


الحجم الكلي لكرشي 500cc


يستعملوني لحالات هبوط السكر والضغط ويعطون معاي امبولة مثل البلاسيل لحالة التقيئ ولمنع الجفاف ويعطى في حالات خفيفة اخرى.





المغذي الرابع 4⃣


اني مغذي اسمي رنگر لاكتيت Ringer's lactate


اتكون من Nacl+Kcl+Cacl + Na lactate


حجم كرشي الكلي هوى 500cc


هسه اگلكم لشنو استخدم


حالات الاسهال الشديد والتقيء الشديد والجفاف وفي حالات النزف والحوادث RTA وتعطى عن طريقة امبولات مثل البلاسيل وغيره.


ووما تنعطي وياي فيال ceftriaxone ✋


ليش !؟ لان راح تتفاعل املاح الكالسيوم المتواجدة وياي مع املاح الكالسيوم المتواجدة بالسفترياكزون وتكون راسب غير قابل للذوبان اشبه بالحصى بالكلى والمرارة


زين شنو الحل


سهله اغسل الوريد ب10 سي سي على الاقل قبل اعطاء فيال ceftriaxone لتجنب تكون راسب.


او امبولة كالسيوم وسفترياكزون ايظا لايعطى لنفس السبب.

 

[سليم البصري]

​

 

[Gardi]

هلاو


موضوع مهم كلش ضروري تعرفه ك طالب او ممرض الي هوة موضوع السوائل الوريدية راح اذكرهم كلهم #متابعة_طيبة





اني بطل مغذي اسمي


نورمال سلاين Normal saline (N/S)


من تسمع اسم نوورر يعني ترفع الضغط


انه مغذي اتكون من كلوريد الصوديوم + ماء نقي . %0.9


حجمي الكلي هو 500cc


هسه اگللكم لشنو استعمل


هبوط الضغط ولارتفاع السكر مع الانسولين وحالات الحوادث RTA او النزف والتقيء الشديد والاسهال لمنع الجفاف وهم استعمل لغسل الجروح








المغذي الثاني 2️⃣


اني اسمي ( Glucose water (G/W


اني مغذي اتكون من dextrose + ماء نقي.


اكو مني بطلين واحد بتركيز %5 ، والخ %10


حجمي الكلي هو 500cc


شغلي هوة ك الاتي


يستخدموني ب حالات مابعد العملية او الاسهال


او هبوط السكر ولحالة فقدان الشهية لان اني مصدر رئيسي للطاقة مثل جماعة التهاب الزائدة


مرات ينطون وياي امبولات مثل الامينوفلين وال H.C لجماعة الربو وتحسس الصدر


او حالات الاغماء مثل هبوط مستوى السكر hypoglycemia مع امبولة هايبر تونك HT





#المغذي_الثالث 3️⃣


Glucose saline (G/S) اني مغذي اسمي گلوكوز سلاين


اتكون من Nacl+ dextrose + ماء نقي


تركيزي %0،4.5/2.5


الحجم الكلي لكرشي 500cc


يستعملوني لحالات هبوط السكر والضغط ويعطون معاي امبولة مثل البلاسيل لحالة التقيئ ولمنع الجفاف ويعطى في حالات خفيفة اخرى.





المغذي الرابع 4️⃣


اني مغذي اسمي رنگر لاكتيت Ringer's lactate


اتكون من Nacl+Kcl+Cacl + Na lactate


حجم كرشي الكلي هوى 500cc


هسه اگلكم لشنو استخدم


حالات الاسهال الشديد والتقيء الشديد والجفاف وفي حالات النزف والحوادث RTA وتعطى عن طريقة امبولات مثل البلاسيل وغيره.


ووما تنعطي وياي فيال ceftriaxone ✋


ليش !؟ لان راح تتفاعل املاح الكالسيوم المتواجدة وياي مع املاح الكالسيوم المتواجدة بالسفترياكزون وتكون راسب غير قابل للذوبان اشبه بالحصى بالكلى والمرارة


زين شنو الحل


سهله اغسل الوريد ب10 سي سي على الاقل قبل اعطاء فيال ceftriaxone لتجنب تكون راسب.


او امبولة كالسيوم وسفترياكزون ايضا لايعطى لنفس السبب.