النقاط
118
الحلول
0
- إنضم
- 2021-10-11
- المشاركات
- 52,592
- مستوى التفاعل
- 18,168
- النقاط
- 118
- الإقامة
- مختبئه خلف الغيمات
اليحبك من صدگ …علي رشم 🥀
اليحبك من صدگ
لو سهم يتلگاك
شتلمه الگاع تصغر لمن اتودعه
اليصير مرايتك
يعرف حسرتك وين
ويعرف وين بيك مچودره الوجعه
اليظفر حيرتك
بچفوفه تلگه اعذار
الحنينك بي اطشر يگدر يجمعه
اليطفه گبال وجه
انطي عذر ينشاف
ما خليت نسمه بخاطر الشمعة
انه الضايگني ...
يعرف طينتي من الهور
بيه ملوحته وما بدلت طبعه
وأتلگه اليجيني
منين ما يشتاگ
اليمر عابر علي من روحي ما طلعه
لعدوي وصاحبي
تغبش ضحكتي وياي
اليجي سيف على النحري استحي وما ارجعه
افرزن ريحتك
من يا درب مريت
اليجي مشتاگ يثگل والهوى يدفعه
اختصر كلشي
واطول من اريد انساك
واحس كل صبح بارد وجهك يتبعه
واشمك !!
شمة المهضومه عالمكتول
غريبه وبس تريد من الدمع فزعه
كل مغرب يمر
تترس شليله اعتاب
وحچيها يظل اثر بچتاف اليشيعه
وتنده كل گبر
بي حسره عالكتال
ودمعها من التراب الغاطه يفرعه
وتشرب كل فجر
يوصلها مابي طيف
ويفز كلشي حنين وياها من تنعه
بروحك چم سمه
وما غيمت وياي
عليّ تزخ عطش ومنشف السبعة
ادورلي نفس
بوجوه غرگانين
كون بگد هواك وغيرك يزرعه
المفارگ مبين !!
عذره يمشي وياه
المابي شوگ طافي العشگ بي لمعه
بگصايب يا حلم ؟
شديت روحك خيط
خيطك من يمر دخان ما گطعه
ثگلت بروحي
جثه وما لگت جناز
وخيالك گمت اشوفه منين ما ضيعه
اليسافر للبچي
ياخذ اعيوني امتاع
اعله جفني اولام جايه امخيطه الدمعة
اليفارگني شبر ..
ابقى التفتله اسنين
واتاني بكل جرح يا لچمه الترجعه
انه من الحچي
يبللني طاري الماي
يمر اسمك وينشف خاطري بسرعة
عليّ بردت الدنيا
وبعده وجهك حار
مشيت وبيه ضاگن صدري والوسعه
اليحبك من صدگ
لو سهم يتلگاك
شتلمه الگاع تصغر لمن اتودعه
اليصير مرايتك
يعرف حسرتك وين
ويعرف وين بيك مچودره الوجعه
اليظفر حيرتك
بچفوفه تلگه اعذار
الحنينك بي اطشر يگدر يجمعه
اليطفه گبال وجه
انطي عذر ينشاف
ما خليت نسمه بخاطر الشمعة
انه الضايگني ...
يعرف طينتي من الهور
بيه ملوحته وما بدلت طبعه
وأتلگه اليجيني
منين ما يشتاگ
اليمر عابر علي من روحي ما طلعه
لعدوي وصاحبي
تغبش ضحكتي وياي
اليجي سيف على النحري استحي وما ارجعه
افرزن ريحتك
من يا درب مريت
اليجي مشتاگ يثگل والهوى يدفعه
اختصر كلشي
واطول من اريد انساك
واحس كل صبح بارد وجهك يتبعه
واشمك !!
شمة المهضومه عالمكتول
غريبه وبس تريد من الدمع فزعه
كل مغرب يمر
تترس شليله اعتاب
وحچيها يظل اثر بچتاف اليشيعه
وتنده كل گبر
بي حسره عالكتال
ودمعها من التراب الغاطه يفرعه
وتشرب كل فجر
يوصلها مابي طيف
ويفز كلشي حنين وياها من تنعه
بروحك چم سمه
وما غيمت وياي
عليّ تزخ عطش ومنشف السبعة
ادورلي نفس
بوجوه غرگانين
كون بگد هواك وغيرك يزرعه
المفارگ مبين !!
عذره يمشي وياه
المابي شوگ طافي العشگ بي لمعه
بگصايب يا حلم ؟
شديت روحك خيط
خيطك من يمر دخان ما گطعه
ثگلت بروحي
جثه وما لگت جناز
وخيالك گمت اشوفه منين ما ضيعه
اليسافر للبچي
ياخذ اعيوني امتاع
اعله جفني اولام جايه امخيطه الدمعة
اليفارگني شبر ..
ابقى التفتله اسنين
واتاني بكل جرح يا لچمه الترجعه
انه من الحچي
يبللني طاري الماي
يمر اسمك وينشف خاطري بسرعة
عليّ بردت الدنيا
وبعده وجهك حار
مشيت وبيه ضاگن صدري والوسعه
