النقاط
118
الحلول
0
- إنضم
- 2021-10-11
- المشاركات
- 52,592
- مستوى التفاعل
- 18,168
- النقاط
- 118
- الإقامة
- مختبئه خلف الغيمات
أنشد عليك 🌿
بعده - ولف الضيعيته ابديرتك
ينشد عليك
بعده عمري الغريكيته ابير
يترجه عليه اتمد اديك
بعده كلبي الثكله الشوك
وخسف بيه الوكت يتنخه بيك
وذيجه روحي
الكصكصيت اجناحها
- اتحوم –
واون تكدر تجيك
ها ولو لبك تسلس .. بس كشر
هم اشتهيك
ها واتمنيت روحي اصير حنه
اتنام ليله ابحضن اديك
اه يا سلعه انبعت
لو تحصل ابروحي اشتريك
يالشتلتك .. واربطت عمري
على عودك
خفت من الهوى ايطيحه
يا غصن هزوك
يالوردك يتيم ابغير ريحه
يالهواك ايمام لو ستين عمري ايصير
ما هدن ضريحه
يالبعادك خنجر ابحدين وسنيني ذبيحه
وذرت جبدي المحنه
ابفركتك مية شريحه
وشوكك اشابك ويه كلبي
اشلون توصله النصيحه ..؟
اشلون يالشوكك جبل بالروح
يا جلمه التزيحه
وشوك بجفوفي شتلتك
ما حصل خابط بديه وغيري غركان ابزلالك
ما ألي ظنه ابوصالك
ما ألي ظنه ابوصالك
لاجن
اشما تبعد اعله العين يدنه خيالك
تارس الدنيه سوالف
انسه ويذكرني شرجي
واغفه يندهني شمالك
واحلم أوجن انتَ يمي
واكعد – وبس الوفه ايدور ويه دمي
اتوكر الحسبه اعله بالي
اتحط حمل هم .. فوك همي
واعتني ليامنا
ولكاها مذبوحه بديك
ها .. ولو لبك تسلس
بس كشر .. هم اشتهيك
بس كشر هم اشتهيك
كاظم اسماعيل الكاطع🥀
بعده - ولف الضيعيته ابديرتك
ينشد عليك
بعده عمري الغريكيته ابير
يترجه عليه اتمد اديك
بعده كلبي الثكله الشوك
وخسف بيه الوكت يتنخه بيك
وذيجه روحي
الكصكصيت اجناحها
- اتحوم –
واون تكدر تجيك
ها ولو لبك تسلس .. بس كشر
هم اشتهيك
ها واتمنيت روحي اصير حنه
اتنام ليله ابحضن اديك
اه يا سلعه انبعت
لو تحصل ابروحي اشتريك
يالشتلتك .. واربطت عمري
على عودك
خفت من الهوى ايطيحه
يا غصن هزوك
يالوردك يتيم ابغير ريحه
يالهواك ايمام لو ستين عمري ايصير
ما هدن ضريحه
يالبعادك خنجر ابحدين وسنيني ذبيحه
وذرت جبدي المحنه
ابفركتك مية شريحه
وشوكك اشابك ويه كلبي
اشلون توصله النصيحه ..؟
اشلون يالشوكك جبل بالروح
يا جلمه التزيحه
وشوك بجفوفي شتلتك
ما حصل خابط بديه وغيري غركان ابزلالك
ما ألي ظنه ابوصالك
ما ألي ظنه ابوصالك
لاجن
اشما تبعد اعله العين يدنه خيالك
تارس الدنيه سوالف
انسه ويذكرني شرجي
واغفه يندهني شمالك
واحلم أوجن انتَ يمي
واكعد – وبس الوفه ايدور ويه دمي
اتوكر الحسبه اعله بالي
اتحط حمل هم .. فوك همي
واعتني ليامنا
ولكاها مذبوحه بديك
ها .. ولو لبك تسلس
بس كشر .. هم اشتهيك
بس كشر هم اشتهيك
كاظم اسماعيل الكاطع🥀
