عجيب

[سليم البصري]

​

مساكم الله بالخير
#غضيب92
===================

يوم من الايام معزوم بعرس مال گرايبنه فرحنه اني وابن عمي لابسين دشاديش بيض وكاشخين بس المنطقه الرايحيلها تعبانه كلش وصايره بالاطراف .اول مانزلنا من التكسي صار علينا هجووم مال چلاب اجلکم الله . فاني راسآ عضيت دشداشتي ونهزمت ابن عمي شويه ثكيل واتفاجا بيهن فمالحگ ينهزم صار بنصهن . بقى يشمر باديه وبالاحجار واني اباوع عليه من بعيد واحد منهن لگطه بعضه بالخلفیه بعدین طلع ابو البيت صاح عليهن وعافن ابن عمي .اجيت لابن عمي هاا سلامات خو ماعضنك ؟؟؟ گلي هي هاي الخوه شلون تعوفني وتنهزم ؟؟؟ گتله بعد اخوك الگوم هدت علیك واني عفتك ونهزمت ؟؟؟ هنه چلاب شتسویلهن ؟؟؟ قابل زلمه وتتماطل ویاه المهم ماطول علیکم السالفه ابن عمي گامت خلفيته توجعه الچلب ماخذله هبره منها گال اخذني للمستشفى وگفنا تكسي وگبل للمستشفى . دخلنا على الطبيب شو خوفنا گال خاف الچلب مريض ولازم نحجزه بالمستشفى ونضربه ابر مدري شسمها ؟؟؟ المهم اني تخبلت عفت ابن عمي بالمستشفى واخذت تكسي لشيخ العشيره . هو هم عمنا مو بعيد . تلگاني شافني تعبان والهث گلي خير شكو ؟؟سولفتله السالفه گتله هسه نوديلهم يفصلون گلي دگعد ا گعد يوديلهم گوامه عليمن على عضة چلب مو عيب احنه ناس معروفةوالناس تحترمنا ؟؟؟ گتله واذا مات شلون هم عيب من الناس ؟؟؟ گلي عود خل يموت ونوديلهم گوامه ولو هاي سالفه غمه حتى فصل مابيها گتله شلون گلي هاي بالعشاير فصلها يسلمونك الچلب العضاه هي هاي تنحسب رد اعتبار گتله انته كل عقلك ؟؟؟ گلي اي بعد عمك هي هاي سنينتها
​

رباط السالفه ...احنه چلابنا گامت تعض بجيرانه دول الخليج والاردن وسوريا فاحنه ان شاء الله من تخلص الحرب نحول عندهم ونفصلهم على سناين العشاير مالتنه نسلمهم الچلاب العضتهم ونفض المشكله واحنه اخوه وان شاء الله يسامحونه ...

وسلامتكم
شباب/شابات
الرافدين​

 

بساطاً معلقاً في الهواء

هل جلست يومًا تتأمل ملامح والديك .

[زهور]

شكرا لعطائك الرائع 💫

 

[سليم البصري]

شكرا لعطائك الرائع 💫

من سموكم تعلمت العطاء
​