#الطريقة
تقطعي بطاطا وباذنجان وكوسا بشكل رفيع وتقليهم ونضعهم على جنب
نسلق صدر دجاج كامل مع بصل و ورق غار وكاري وملح
ونفتفته بعد ما يستوى
نضيف عليه زيتون اخضر واسود اخضر وهريسه عربيه وملح وزنجبيل وبودرة بصل وثوم بودرة وكروية وكسبر مطحون فلفل اكحل ونحط بيضيتن مضروبات ونخلطهم كويس 😊 ونخلي ع جنب
هنا بندير كوبين حليب وبيضه ودقيق ورشه ملح وملعقه صغيرة خميرة bk ونخلط لعند يتكون عندي خليط زي كريب لا ثقيل ولا خفيف تحكمي في دقيق وخلي ع جنب
ناخد طاجين ندهنه بي زيت و شوي دقيق نحط البطاطا وبدنجان وكوسا مع بعض ونحط عليهم دحيتين ورشه ملح مخلطين
الطبقه التانيه اللي هيا جبنه شرايح بي كامل تغطيه
الطبقه الثالته نحط حشوة دجاج اللي درنها
الطبقه الرابعه خليط الحليب ودقيق نحطه من فوق ونوزعه كويس
و نكون مولعه الفرن فوق وتحت
ونخليه لعند تحسيه طاب نطلعه ونحط جبنه شرايح مرة تانيه .ولو انتي تحبي شيدر و موزيرلا ديري شن تحبي واخر شي نزين بي جزر مبشور وفلفل حار اخضر واحمر نفرمهم صغير ونرد للفرن باش جبنة ادوب
ملاحظه الطاجين هذا يتقصص بعد يبرد لان كميه جبنه فيه هلبه
#منقول
