لو خيروني ..
بطيب العيش ورغد الحال ..
ولبسوني الماس, ياقوت وذهب
وحملوني مال, جبال فوگ جبال ..
من غيرك أنتَ ..
حنان عطفك, دفُّ حضنك .. ما يفيد
ولا غير صدرك, دگات گلبك .. بس أريد ..
شتسوا روحي ..
أيام عمري, حياتي ..
أنتَ عنها وأنتَ عني يالغالي بعيد ..
عزيز گلبي ..
يمتى تحس بالدار بيا
يمتى, يمتى يا إبن الحلال ..
بأسمك أصيح ..
لأخر نفس من هوى الريه
بس تعال, وك بس تعال ..
تعال إرجع ..
دگ عليّا الباب،
وخَل نِعيد حلو العُمر كِلّه،
مِن الطفّولة للصِبا، للشباب،
خليل مُشتاگ لملگى خِلّه ..
يا بعد عيوني ونظرها..
يا صندوك محبتي وسرها،
يا أعز ماعندي من الآمال،
ليمتى أظل أتمنى وأحلم بالوصال,
بس تعال ..
..
بيدارو
1.2.2011