غزل
مراقبة عام شباب الرافدين
اعبرت چم طيف
بس ردت اوصل الطيفك،
عطشتك شم.
واجيتك، مدري يا ساعه، !!
الوکت من دونك مطشر ولا یلتم.
بچیتك دم،..
شوگک جاسني ابعيني وبچیتك دم
ارکض والأثر يتبعني سرب اجدام
اخاف اعثر وافز وينمحي عطرك، ضباب ابجام.
اظل لاوين احير ابجيتك و طيفك؟
انامن؟
لا،. اظل امناطر اجدامه مطر مانام.!
محبتك تاکل ابروحي،
مثل ذیچ القصيده الماني کاتبهه واحبهه اشگد.
عبرتي طافحه بعيني،
ولاتنضم نساوة خد
الحزن بيه نهر اسود.
الفرح بيه غریب امضیع ال حانه و يبات بعتبة المعبد.
عشت حايط ،
و يا رسام يرسم لوحة احزانه یدگ ابعيني بسماره
و انا فانوس منسي من قبل ليله
ولا واحد نفخ ناره
افک شباچی اشوف الدنيا جنح اسود،
احن الحزني من دونك،
وارد مثل الغريب المنزوي ابداره
انا ابلياك طير امشدده اعيوني
اي تراوالي الشمس شامه
اسلهم بل چذب عن لا ضواك ايفيض من عيني،
ترا ليل اليمر اعلیك، مانامه
بلم تايه ابنص الروي وامصوب ابراگ الگصب بلامه
اضل اليا شته اتنطر ضحکتك ماي؟
حد يا عبرا اعيشن ناي؟
انا چم دوب ادث بهداي؟
