ياصديقي
شي وانكسر
ما يرجع صحيح
يبقى الأثر
يبقى يذكر الجريح
أنصحك قبل العتب
احسب حساب السبب
مهما صبر
اللي يتألم يصيح
..
يا صديقي
العمر أيام تمضي
حلوه ومره
أيام دموع وحزن
أيام ضحكه ومسره
المصائب والمشاكل
تمر بيها, تاخذا ريح
..
يا صديقي
احنه هم لابد . لازم نضحي
الناس كلها مضحية
أيام غيم ومطر
أيام شمس ومصحيه
ثمر الشجر
لابد . لازم يطيح
..
يا صديقي
اللي فاتك راح
لا ترجع تعده
إلـ جاي الك هم راح
رايح تهده
لا تضم همك واحجي
خل قلبك صريح
..
يا صديقي
اللي باعك اشتريه بسعره
لا تبيعه
اخذ من غدره عبره
لا تضيعه
إتعب اكثر
اكثر من ما تستريح
شيء وانكسر
ما يرجع صحيح
..
حكمت البيداري
بغداد 1996
التعديل الأخير:
