ضَرّير
بَس مِن حَقّي احب
إنسان عندي روح وقلب
المشّاعِر، نفس المشّاعِر بيني وبينك
اني احس بوجّودَك وانتَ تشّوف ابعينك
مثلك افرح مثلك اضحك
مثلك احزن ودموعي تصّب
ضَرّير
هذا قدّري
مو بيدي امري
مؤمِن بأمر الله، ينورلي روحي نور
مؤمِن بأمر الله، اعبر ظلام البُحور
ومو كل البشّر تمتلك مثل صبري
ضَرّير
لكن ،، افكاري دافئه جمّيله
عواطفي شفّافه نبيله
دوم تلقاني مبتسم
صادق في كلامي
ما افرق من اسلّم
للنّاس كلها سلامي
هذا طبعي مااعرُف الحيله
ضَرّير
تكفيني عَصّاتي، وهيَّ دليل الضَرّير
احلامي بسّيطه، مثل احلام العصّافير
اثق بكل النّاس وانطيها ايدي
يوم الاصادف صدّيق يصير عيدي
يكفيني امشي وياه
ما اطمع اطير
ضَرّير
..
حكمت البيداري
بغداد 1998
