البانيه الكداب

[Dunea]

البانيه الكداب
حاجه كده وهم وموفره جدااا وطعمها حكايه وكل الكميه دي بصدر فرخه واحد
المقادير:
صدر فرخه واحد كبير
2 بطاطس متوسطين مسلوقين ومهروسين
3/4 ك بقسماط
بصله كبيره مفرومه
3 فصوص توم كبار مفرومين
التوابل 1/2 م ص كل من
( كزبره ناشفه وبابريكا و توابل فراخ وفلفل اسود) ..ملح حسب الرغبه
كل ده هنفرمه ف الكبه كويس جدا
الخليط هيبقي ملزق بسيط فنبل ايدينا زيت ونشيله ف طبق ونغطيه
ونسيبه يرتاح لمده 10 دقايق ف التلاجه وبعدين هنطلعه ونحط ف طبق زيت والطبق اللي فيه خليط الفراخ وصينيه وبعدين هندهن الصينيه بمسحه زيت ونبدا نشكل لازم نبل ايدينا زيت واحنا بنشكلها ونبدي نشكل شبه البانيه كده
وبين كل طبقه من الفراخ كيس عشان ميلزقوش ف بعض زي ماموضح بالصور وبعد ماخلصنا الكميه هندخلها ف الفريزر لحد ماتتجمد
لازم تتجمد عشان نعرف نحطها ف البيض والبقسماط ️
وبعد ماتتجمد هنطلعها وبعدين هنكون مجهزين 3 اطباق
الطبق الاول فيه دقيق وعليه رشه ملح وبابريكا وتوم بودر وفلفل اسود
الطبق التاني 2 بيضه وعليهم نص كوب لبن ورشه ملح وفلفل اسود
الطبق التالت بقسماط وعليه رشه ملح وفلفل اسود وبابريكا وتوم
وبعدين لازم نشتغل بالبانيه وهو مجمد ينزل ع الدقيق وبعدين البيض وبعدين البقسماط وينزل ف الزيت ع نار متوسطه منقلبش خالص غير لما ياخد لون من تحت .
وبعدين يطلع ع مناديل مطبخ وهكذا نعمل ف باقي الكميه
هتاكلي احلي واطعم بانيه كداب واعملي بقا ساندوتشات او جنب مكرونه وسلطه خضراء وسلطه بابا غنوج
الف هنا

 

شاورما الفراخ بالفرن

4 فوائد مدهشة لشرب ماء المخلل

[غزل..ᥫ᭡]

-


شُكراً يَ ألق ..
لـ جمال هذا [BGCOLOR=rgb(250, 175, 190)]الآنتقاء [/BGCOLOR]و[BGCOLOR=rgb(173, 223, 255)]التقديم[/BGCOLOR]
تقديري

.'

 

[Daleen]

وصفة حلوة يسلموو

 

[Dunea]

حياكم الله

 

[هدير الامواج]

يعطيك الله الف عافية على الطرح الرائع

 

[Dunea]

نورتي

 

[سليم البصري]

كالعادة إبداع وتواصل واستمرار ية في رفد المنتدى الشبابي بالمشاركات شكراً لكم بانتظار الجديد القادم دمتم بكل خير