من اشوفك..
الگمر يكمشلي ايدي
يروفني بطاري ضِحكتك
يوشّل النجمات من كل السما
او يشتل نظرتك..
يظفر بكل الروازين العفته
گصيبة سوده
بلون ليلي المَر عليّه او ما عرفتك
انته يا .. كل العمُر لو مَر عليّه وياك
يا فَرشة عرس تيْهت شبُگتك..
الضحكه تنطر من تجيها
تحضن عيونك حجيها
تبوسك او تحضن شهِگتك..
آنه اكلّك
من قبل ما توصل انته
چنت اعيش بكل مدينه
دگول بحّار او سفينه
تشتهي ياهو اليجينه
نبيعله شويّة بحر
و الملح ياكل خشبها
او يعتگ شراع السهر
تالي من شفتك گلِتلك
لملم شراع السفينه
نشره فوگ خدودك او إمسح دمعتك
خلّي يغفى الليل بجروف النحر..
يا .. شنهي انته
يا سما او حضْنت گمر
ينزل اعلى شفافي و ايبوس النهر..
تالي حَطّ الغيظ يمّي
او ما حظيت بغيمه وحده او لا مطر..
مدري ليش
مدري ليش الليل يعشگني او يودني
يشتهي لعيوني صندوك السهر
عيدك امبارك حبيبي
القحط حصتي
او على متون الولف طِشّ الشَعر..
# بقلمي
الگمر يكمشلي ايدي
يروفني بطاري ضِحكتك
يوشّل النجمات من كل السما
او يشتل نظرتك..
يظفر بكل الروازين العفته
گصيبة سوده
بلون ليلي المَر عليّه او ما عرفتك
انته يا .. كل العمُر لو مَر عليّه وياك
يا فَرشة عرس تيْهت شبُگتك..
الضحكه تنطر من تجيها
تحضن عيونك حجيها
تبوسك او تحضن شهِگتك..
آنه اكلّك
من قبل ما توصل انته
چنت اعيش بكل مدينه
دگول بحّار او سفينه
تشتهي ياهو اليجينه
نبيعله شويّة بحر
و الملح ياكل خشبها
او يعتگ شراع السهر
تالي من شفتك گلِتلك
لملم شراع السفينه
نشره فوگ خدودك او إمسح دمعتك
خلّي يغفى الليل بجروف النحر..
يا .. شنهي انته
يا سما او حضْنت گمر
ينزل اعلى شفافي و ايبوس النهر..
تالي حَطّ الغيظ يمّي
او ما حظيت بغيمه وحده او لا مطر..
مدري ليش
مدري ليش الليل يعشگني او يودني
يشتهي لعيوني صندوك السهر
عيدك امبارك حبيبي
القحط حصتي
او على متون الولف طِشّ الشَعر..
# بقلمي
