دوّريتك روح خضرة
تعشگ بكل مشتهات
دوّريتك شمعة تضوي
من اجي بحضنك ابات
شفتك بكل الوجوه
صورة تضوي او نبع صافي
ما دريتك خلگك بخلگ الچفافي
بيوم واحد تختصر ظلم الطغاة..
شرد اگولن لو ينشدوني عليك
عطرك الهسّه اعلى ايدي من ايديك..
بيا وجه لازم اغسّل
بيا نحر لازم اصير
كون مو ايدين عندي
جناح و بسرعه اطير
و اترك شگد ذكريات..
و من ينشدوني اگولن
چان طيف و من صحيت الگيته مات..
تدري دنيانه شصغرها
يجي يوم آنه المحطّه
او توگف اكبالي قطار
شرد اسولف لك عليها
الروح لو يچفيها نار
من اشوفك گايد حبيّبك بيدك
و تدري بيّه شگد اغار
مدري اسلّم .. مدري اعوفك
مدري اغمّض.. مدري اشوفك
يمكن بطرف الشفايف
ابتسم و ارجع فتات
و من يسآلوني عليمن
تبتسم..؟ ياهو اللي فات..؟
راح اگولن طيف ماضي
شالني ال الله او شمرني بلا حياة..
# بقلمي
تعشگ بكل مشتهات
دوّريتك شمعة تضوي
من اجي بحضنك ابات
شفتك بكل الوجوه
صورة تضوي او نبع صافي
ما دريتك خلگك بخلگ الچفافي
بيوم واحد تختصر ظلم الطغاة..
شرد اگولن لو ينشدوني عليك
عطرك الهسّه اعلى ايدي من ايديك..
بيا وجه لازم اغسّل
بيا نحر لازم اصير
كون مو ايدين عندي
جناح و بسرعه اطير
و اترك شگد ذكريات..
و من ينشدوني اگولن
چان طيف و من صحيت الگيته مات..
تدري دنيانه شصغرها
يجي يوم آنه المحطّه
او توگف اكبالي قطار
شرد اسولف لك عليها
الروح لو يچفيها نار
من اشوفك گايد حبيّبك بيدك
و تدري بيّه شگد اغار
مدري اسلّم .. مدري اعوفك
مدري اغمّض.. مدري اشوفك
يمكن بطرف الشفايف
ابتسم و ارجع فتات
و من يسآلوني عليمن
تبتسم..؟ ياهو اللي فات..؟
راح اگولن طيف ماضي
شالني ال الله او شمرني بلا حياة..
# بقلمي
