شي وأنكسر ! شعر شعبي عراقي عن الزعل والانكسار غدر خيانة حكمت البيداري

[Gardi]

شي وأنكسر​

مايرجع صحيح​

يبقى الأثر​

يبقى، يذكر الجريح​

أنصحك گبل العتب​

أعرف أشچان السبب​

ومهما صبر​

اللي يتألم يصيح​

شي وأنكسر​

مايرجع صحيح​

ياصديقي​

العمر أيام تمضي​

حلوه ومره​

أيّام دموع وحزن​

وأيّام ضحكه ومسره​

ياصديقي​

أحنه هم لازم أنضحي​

الناس كلها أمضحيه​

أيّام غيم ومطر​

وأيّام شمس ومصحيه​

وثمر الشجر لابد .. لازم يطيح​

شي وأنكسر مايرجع صحيح​

ياصديقي​

إِللي فاتك .. راح​

لاترجع تعده​

والجاي الك مجبور​

رايح تهده​

ياصديقي​

اللي باعك أشتريه بسعره​

لا تبيعه​

أخذ من غدره عبره​

لا تضيعه​

أتعب أكثّر​

أكثّر من ما تستريح​

شي وأنكسر​

مايرجع صحيح ..​

 

ياصاحبي حمكت البيداري شعر شعبي عراقي عن الصاحب والصديق

أهم شي ! حكمت البيداري . شعر شعبي عراقي عن الثقة بالنفس الخير التسامح الاحلام

[Gardi]

تم