منقول الشيخة بخت

D14C91FC-2B92-42C5-94D1-A00B9B7915ED.jpeg

سالفتنه اليوم
#الشيخة_بخت

أكو شيخ معروف عنده
نسيبه ( مستشيخ ) عنده أشكم فلس وربعه مكيفين على المواچيل ويصيحوله شيخ والمحفوظ وو ....
الشيخ الاصلي ضاج گال لمرته أخوچ گوه مسوي نفسه شيخ وجماعته مستغلينه ويبذخ عليهم !
گاللها اريد اسألج سؤال انتي أبوچ شيخ ؟
گالت : لا ابوية مو شيخ .
گاللها : معناها أخوچ مو شيخ ! واني اريد أختبره !
گالتله : شلون ؟
گاللها : روحي اسأليه شنو ؛ أثكل شيء بالدنيا ؟
وشنو أخف شيء بالدنيا ؟
راحت لأخوها وگالتله عندي سؤال الك من زوجي الشيخ و يگول عليك انت مو شيخ وإذا أنت صدگ شيخ تحله ؟
گاللها : بسيطة شعندج اسألي
گالتله : اخته السؤال هو
شنو أخف شيء بالدنيا ؟
وشنو أثكل شيء بالدنيا ؟
صفن وردلها : أثكل شيء الحديد ، وأخف شيء الريش !
گالتله : متأكد خويه ؟ لاتفشلني گدام رجلي ؟
واني احس مو هذا الحل !
گاللها : لا روحي كليله هو هذا الحل .
طلعت من يم أخوها وتلگاها أبنها عمره 10 سنوات گاللها : هااا يمه شعندج هنا ؟
گالتله : يمه السالفه هيج وهيج
گاللها : لا يمه جواب اخوج غلط
والجواب الصحيح أثكل شيء بالدنيا
أطلابت الأغم والباطل
وأخف شيء أطلابت الخيّر

رجعت لزوجها الشيخ گالتله مثل ما گال أبنها !!
الشيخ تعجب گال لا مو معقوله هذا مو حل أخوچ
أحچي الصدگ ؟
گالت : لا والله أخوي يگول أثگل شيء الحديد ، وأخف شيء الريش .
گال : والحل الصحيح منين جبتي ؟
گالتله : من أبنك !
ضحك الشيخ وگاللها :

كون اليريد ايشيخ جد جده ثايه
موعنده جم دينار ، وفصل عبايه

الشيخه ثايه وساس مبني على الاثكال
ما يكبر الزعطوط ، من يلبس أعكال

كاتلني ذاك الصار شيخ وايداعي
وانه بخمس طليان ما احطه راعي

سالفتنه.......
الشيخه بخت وتعدل المايل وتلم الحجي وماعون ستر
مو بالذبح والبذخ وتكبر بمالاتك

#تهده_ياحلو_تهده
#راقت_لي
 
هم شيخة وهم بخت ؟ هههه
شكرا للسالفة الحلوة
تعيش
 

بادئ الموضوع

Ibn AliraQ

شباب الرافدين
المدير العام للمنتديات
ヅ واحد من الناس ヅ
إنضم
الإقامة
العراق
الموقع الالكتروني
http://www.shababalrafedain.com
الجنس
ذكر

أقسام الرافدين

عودة
أعلى أسفل