يعمه زينب وين رايح ضعنه

[قارورة وفه]

يعمه زينب وين رايح ضعنه
بس الحرم ويتام نمشي بدمعنه
وينه كفيلچ وين وينه أبويه حسي
نمشي بدمعنه نمشي بدمعنه
***
أظنهم مادرو ياعمه بينه
عنهم بالظعن احنه مشينه
يعمه ما سال وادح علينه
ولا واحد فگد حال الضعينه
والله عجيبه شلون عافوا ضعنهم
يمشي سواد الليل ياعمه عنهم
نمشي وندير العين وينه أبويه حسين
***
رقيه من الهضم ياعمه صاحت
تراني خايفه ودموعي طاحت
تعاليلي تراها روحي راحت
يعمه الفرگت الوليان ناحت
نوحي يهد أجبال المن اشكيله
ياعمه فوك الضيم ناگه هزيله
طفله فجعني البين وينه أبويه حسين
***
عتب عندي يعمه بدمع العيون
على العافوا حرمهم هيچي يمشون
صدك هانت عليهم لو ما يدرون
أطفال ويتامه وحرم يبچون
يعمه زينب ليش غابوا إخوتي
وليش البطل عباس ما سمع صوتي
عافونه متحيرين وينه أبويه حسين
***
يعمه ليش أهلنه فارگونه
وليش بلاسبب چنهم نسونه
أشوف الناس كلهم يشتمونه
وبسياط الشماته يضربونه
يعمه صيحي بصوت بلچن يسمعوچ
محتاره ما ضنيت اهلچ يخلوچ
بينه اشتفت صوبين وينه أبويه حسين
***
رقيه تحچي وي عمتهه زينب
وزينب تستمع والفكر غرب
تگلهه بگلبي نار الحزن تلهب
يعمه وادري بگليبچ تعذب
الله يعينچ على هاي المصيبه
فوك الهضم والضيم أنتي غريبه
ومحتاره بالأمرين وينه أبويه حسين
***
چن هاي العقيله اجت يمها
تحاچيهه وتواسيهه أعله همها
شافتهه على الگاع بهضمها
هوت يمهه تسليهه وتشمها
وزينب عگب هل حال شالت رقيه
عالناگه صعدتهه بدمعه جريه
عمرهه خمس أسنين وينه أبويه حسين
***
هاني حماده البلداوي
1\ محرم \ 1436​

 

مجالات أخرى  كيف يكون موضوعي حصرياً ..؟!

خيل ونار ياكرار --- ياكرار خيل ونار

[Gardi]

جزيت خيرا عيوني
شكرا

 

[قارورة وفه]

 

[كراميلا ❥]

صح السانك
في ميزان حسناتك...

 

[هدير الامواج]

بسم الله الرحمن الرحيم
السلام عليك ياأبا عبد الله
السلام عليك ورحمة الله وبركاته
السلام على الحسين
وعلى علي بن الحسين
وعلى اولاد الحسين
وعلى اصحاب الحسين
السلام عليك يأبا الفضل العباس بن امير المؤمنين
السلام عليك ورحمة الله وبركاته

 

[قارورة وفه]