مثل أمها فاطمه ... زينب يتيمه

[قارورة وفه]

مثل أمها فاطمه ... زينب يتيمه
شافت مصايب عجيبه يا هضيمه
تدروها مظلومه ماتت ومحرومه
***
زينب الحره تسولف عن هضمها وعن حزنها
من عهد أمها الزچيه العاشته وشاهد زمنها
شافت الزهره وألمها ومنها سمعت بعد ونها
زينب بكل المصايب عاشت وشافت نوايب
منها صار الگلب ذايب شافت أمها شراح منها
راح أبنها محسن وسمعت الزهره
تنادي ضلعي تصوب بسمار غدره
والصوره مرسومه .... ماتت ومحرومه
***
چني بالحره العقيله تحچي وي أمها الزچيه
تگلهه يايمه مصابچ خله دمعاتي جريه
وضلعچ المكسور يمه صوابه اثر حيل بيه
باب دارچ يالحنينه نام بجروحي ونينه
يمه وعيونچ حزينه تجري دمعتها عليه
يمه ناس العذبوا گلبچ سبوني
وعشت من بعدچ حزينه ومرمروني
والحاله معلومه ..... ماتت ومحرومه
***
الزهره وي زينب تسولف تگلها سمعني يحياتي
أرد أوصيچ بوصيه من بعد عيني ومماتي
للحسن وحسين أمهم صيري وتگبعي بعباتي
باچر يزينب بالظعن تمشيت عن هذا لوطن
يايمه وبغدر الزمن صوره عندچ ذكرياتي
يمه ادري كربله شيصير بيها
وادري بيچ شلون يمه تنضريها
والساعه محتومه ... ماتت ومحرومه
***
وزينب وي الزهره تحچي والگلب بالونه ذايب
تگلهه يايمه شخبرچ شاهدت وادي المصايب
وكربله ضلمه شفتها صوره بيهه للنوايب
كل ساعه بيها أنفجع وكل ساعه يتكسر ضلع
وعيوني بس تجري دمع لليتامه وللغرايب
عاشور يايمه فجعني بچم رزيه
من اجيت وي خوتي للغاضريه
چم روح بالحومه ..... ماتت ومحرومه
***
يمه شفت ابكربله مصايب عجيبه ما جرت
كلها بعيوني شفتهه نار گلبي توجرت
شفت نار أخيامي تلهب وشفت چم شمعه انطفت
شمعاتي طفاها الدهر يايمه وشبعني قهر
لا شمس ضلت لاگمر عدواني بحوالي اشتفت
شحچي يايمه شسولف ناري تسري
بعد اخويه حسين يمه انحنه ظهري
من بعده مظيومه .... ماتت ومحرومه
***
يمه هذ حسين أخويه مرمي بالحومه أشوفه
وعل نهرعباس ذاكه طايح مگطعه چفوفه
يمه عافوني حزينه بدمعي للوادي اطوفه
وهذ عريس الهواشم وعلي الأكبر يمه نايم
يمه وظعون الفواطم الزمن شوفهم الكوفه
يمه بخرابة شماته گعدونه
واني اسمعهم ييمه يشتمونه
ورقيه مهظومه .... ماتت ومحرومه
***
هاني حماده البلداوي
17\ ذوالحجه \ 1437 ​

 

دارميات شعبيه

طول أغيابك دهر يالمهدي عندك خبر

[كراميلا ❥]

صح لسانك كلمات مميزه

 

[هدير الامواج]

طرح في غآية آلروعه
كروعة آختيآرك آلرآقي
آخترت وآبدعت في آلآختيآر
كل الشكر وكل التقدير لحضرتك
في آنتظآر جديدك
لك كل تحياتى وتقديرى و

​

 

[قارورة وفه]

 

[أمجد]

بارك الله فيك

 

[قارورة وفه]