هاي ليله الفرح بيها يعتلي
واليريد مراد يهتف ياعلي
***
ياعلي جودك على الدنيا طفح
وبالغديريه الفرح غنه وفرح
باب جنة عدن للبيعه انفتح
وصاحت أهلا با للأمام الأولي
***
ياعلي حبك بحر مايه عذب
والشرب مايك موالي ينحسب
يعني كلمن بايعك هذ محب
واحنه كلنه شيعتك وأنت الولي
***
ياعلي بسمك نصيح من الأزل
كلنه بايعناك يا خير العمل
بالغديريه ينابيع الأمل
عدنه تكبر مثل حبنه الأزلي
أزليه البيعه عدنه بالضمير
بيعه قدسيه ارتبط بيها المصير
عيد الاضحه والفطر عيد الغدير
عيد وهموم الموالي تنجلي
***
ثمنطعش ذوالحجه جينه نحتفل
ونشعل شموع المسره للحفل
خلي كل عاذل بغيضه ينچتل
لو سمعنه نصيح حيدر أملي
***
أنت أول والمثل بيك أنضرب
وأنت من اطهر سلاله بلا عجب
ما يهمنه صوت من هب ودب
ياعلي فدوه ألك عمري وهلي
***
هاني حماده البلداوي
3\ذوالقعده\1437
واليريد مراد يهتف ياعلي
***
ياعلي جودك على الدنيا طفح
وبالغديريه الفرح غنه وفرح
باب جنة عدن للبيعه انفتح
وصاحت أهلا با للأمام الأولي
***
ياعلي حبك بحر مايه عذب
والشرب مايك موالي ينحسب
يعني كلمن بايعك هذ محب
واحنه كلنه شيعتك وأنت الولي
***
ياعلي بسمك نصيح من الأزل
كلنه بايعناك يا خير العمل
بالغديريه ينابيع الأمل
عدنه تكبر مثل حبنه الأزلي
أزليه البيعه عدنه بالضمير
بيعه قدسيه ارتبط بيها المصير
عيد الاضحه والفطر عيد الغدير
عيد وهموم الموالي تنجلي
***
ثمنطعش ذوالحجه جينه نحتفل
ونشعل شموع المسره للحفل
خلي كل عاذل بغيضه ينچتل
لو سمعنه نصيح حيدر أملي
***
أنت أول والمثل بيك أنضرب
وأنت من اطهر سلاله بلا عجب
ما يهمنه صوت من هب ودب
ياعلي فدوه ألك عمري وهلي
***
هاني حماده البلداوي
3\ذوالقعده\1437
