للعليله والعليل ---- صوره بالصبر الجميل

[قارورة وفه]

للعليله والعليل ---- صوره بالصبر الجميل
فجعت الكون ونضامه --- بالدهر ضلت علامه
------
صورة حزن والام والله عجيبه
مرسومه بالافاق صوره رهيبه
صبر العليله بيوم ضلت غريبه
وصبر العليل الشاف اعظم مصيبه
وبالمصيبه جبرائيل --- يشتكي الرب الجليل
دمعت اعيون اليتامه
---------
طفله يتيمه اشلون من بعد اهلها
دمعتها ياهل ناس حمره تهلها
سلوتها صار النوح والمرض سلها
ومن رجعت الغياب كطعت املها
لاخليله ولاخليل ---- عدها بس مدمع يسيل
والكلب ذاب بهيامه
----------
صوره مرسومه بمواجع للعليله
بيوم شافت ظعن ابوها شد رحيله
صاحت اوياكم اخذوني موثكيله
صعبه يابويه بسفركم تمر ليله
فوك همي هم اشيل ---- همي يابويه ثكيل
وجمرة حسين وكلامه
----------
بعشره عاشور الذي ترهب اهواله
من المدينه الكربله ارض البساله
وصل مكتوب العليله حسين شاله
صاح يسباع البريه هل الرساله
تحمل دموع وعويل ----- فاطمه تريد الكفيل
يجي يوصلها بسلامه
---------
وجن عليل الطف يسولف عن مصابه
صوره رسمتها الليالي من عذابه
شاف عمه اعللشريعه السهم صابه
وشاف عماته وخواته بالخرابه
وشاف سباح الدليل --- عالرمح راسه يميل
وسمع ونات اليتامه
-----------
الابو الباقر صوره للسبع الشداد
صدعتها ورفجعتها للمعاد
والاملاك توشحت لون السواد
وحتى عرش الله علن الها الحداد
صوره ماالها مثيل ---- لا وحك دم القتيل
شاهد بيوم القيامه
--------
10/صفر/ 1434​

 

صعب فگد عليه يبن حامي الحميه حسين واحسينا

كيفية فحص الموضوع الحصري

[كراميلا ❥]

جزيت خيرا
صح السانك.....

 

[قارورة وفه]

 

[هدير الامواج]

يسلموووووووووووووو

 

[قارورة وفه]

 

[✨♬♥ نـــور العاشقين ♥♬✨]

تسلم شاعرنا

 

[قارورة وفه]