انشر اي دارمي ..ومضة ..زهيري .. ابوذية ..شعر يعجبك وعلى ذوقك

[نورس البحر]

روحي تكسرت فدنوب
لملمهابحرف منك

 

[محمد جعفر]

روحي تكسرت فدنوب
لملمهابحرف منك

جا هوّه الحرف مكتوب
ترجيّه لطرف اذنك..

 

[نورس البحر]

لاحضينه ولانسينه ولافرحنه
ولاجمعنه الله وبقينا محيريين

 

[محمد جعفر]

لاحضينه ولانسينه ولافرحنه
ولاجمعنه الله وبقينا محيريين

جيب رمشك خلّي يجمعنا سهرنه
ليله وحده اتعوّض اعلينا السنين

 

[نورس البحر]

امس محد حجه بطاريك وحنيت
تخيل لوحجو شيصيربيه

 

[محمد جعفر]

امس محد حجه بطاريك وحنيت
تخيل لوحجو شيصيربيه

سلمت اناملك.. احتفظ بما تبقى من ذخيرتي للنشر العام .. ممتن لحروفك الراقية.. احترامي لشخصك الكريم..

 

[العجوز]

چلمة حبيبي انتهت
شأختار الك چلمة؟
وإنت بحلاتك شعر
وبمشيتك نغمة
امشي اعله نبض الگلب
يالزحمتك رحمة
الزلفين ويه الوجن
ليلين وأهلالين
ولو تحچي لو تبتسم
كل چلمة منك دين
كل بسمة منك دين
"غربة وغريب الدرب"
وأثنيننة امتيهين
چا ليش هالمستحة؟؟
من نصد عين بعين؟

 

[✨♬♥ نـــور العاشقين ♥♬✨]

حنيه..!
يالــ چذاب مــنك ماشـفت..!

 

[✨♬♥ نـــور العاشقين ♥♬✨]

صافحتني بجف خريفك
نزعتني أوراقي كلها
وصافحتني بجف ربيعك
مات بيدي
وجفك بجفي برد

ل لطيف العامري

چفي برد..

 

[✨♬♥ نـــور العاشقين ♥♬✨]

كاظم الرويعي..


هوايه وادم سولفتلي
وماصحيت من السوالف
طفل كلبي
ويه كل ضحكه يوالف
وانت لعيوني ضواها
ومايها .. وفيها .. وهواها
وحبنه چلمه أتدور مابين الشفايف
اهوايه وادم سولفتلي
وماصحيت من السوالف
ايجفل الهجران روحي
وتغسل الحنه بدمعها
وتنفرش جنحين يالدربك بعيد
وتنذر الجيتك شمعها
آخ روحي ...
بيهه عشگ الجرح للسيف
وأنته .. لسه ماتحزر طبعها
وسايرت طبعك .. على المر والحلاه
وسايرت طبعك .. على فرحه وضناه
وأغلگت كل باب .. بوجوه العواذل
وأنطرت ملكاك .. يالجيتك هلاهل
وعمر وأتوسد مكاتيبك يغالي
وذابت بكاسي الليالي
ومانگل شباجنه ريحة زلوفك
وبين اشوفك .. ما اشوفك
آنه خايف ..!!