گبُل ما انام ..
أگولن خِلصَت العِشره
و اگولن باچر انساهم
و اشوف الدنيا متغَيره
و احبّن باچر او انحب
و اضوگ امن العثگ تمره..
تجيني بِدربي شمس الله
ظفاير من ذهب تِبره..
يِروح الليل باحلامه
او تجيني اويه الصبُح غبره
تِصَحّي اشما نِسَت عيني
و ألاگي احروف منتشره
إسِمهم ظل يدِگ بالروح
يُحفر بيها چم حفره
او تجيني اشما ردت انسى
صوَر و الضحكة و النظره
تِشِگ اب صدري خِلگ اسنين
و احسّن بالضلع طبره
و احِسّن چن طفل بالروح
يشِگ اب گلبي و ايطَشره
اشتداوي او تدري كلّش زين
جَرحَك صاير اشكُبره
اشتداوي او تدري بيها الناس
كلها اتعاين او تقره
ابَشرك محّد ايعينك
كِلمن حاير اب أمره
ده بَسّك تكتب او تنخي
تره محّد تِرك گبره
غريب اتشوفك عيونه
و انته الروح معتبره..
# بقلمي
أگولن خِلصَت العِشره
و اگولن باچر انساهم
و اشوف الدنيا متغَيره
و احبّن باچر او انحب
و اضوگ امن العثگ تمره..
تجيني بِدربي شمس الله
ظفاير من ذهب تِبره..
يِروح الليل باحلامه
او تجيني اويه الصبُح غبره
تِصَحّي اشما نِسَت عيني
و ألاگي احروف منتشره
إسِمهم ظل يدِگ بالروح
يُحفر بيها چم حفره
او تجيني اشما ردت انسى
صوَر و الضحكة و النظره
تِشِگ اب صدري خِلگ اسنين
و احسّن بالضلع طبره
و احِسّن چن طفل بالروح
يشِگ اب گلبي و ايطَشره
اشتداوي او تدري كلّش زين
جَرحَك صاير اشكُبره
اشتداوي او تدري بيها الناس
كلها اتعاين او تقره
ابَشرك محّد ايعينك
كِلمن حاير اب أمره
ده بَسّك تكتب او تنخي
تره محّد تِرك گبره
غريب اتشوفك عيونه
و انته الروح معتبره..
# بقلمي
