الكون تغير وتنشد علامه
عيونك ليش ما شافت علامه
الحزن حزنان ومنكس علامه
على الكاظم غريب الكاظميه
-------
الأرض گبل ألسمه نصبت عزا لهم
على ألي چان بالدنيا عزا لهم
أهل بيت النبي دايم عزا لهم
على المسموم ودموعه جريه
-------
علامه الفلك يفتر ماله وجها
ونار الحزن بالكونين وجها
على جسر الرصافه ماي وجها
طايح مستحي من ابن الزچيه
------
صوت من ألسمه كبر يشيعه
ينعه وخبر للكاظم يشيعه
وينه اليعتني أليله يشيعه
ويواسي الغايب بهاي الرزيه
------
أذا گلبك جرح شايل وهم بي
شيله براحة چفوفك وهم بي
دار الكاظم أتعنه وهم بي
ودك بابه بدمعتك هل مسيه
------
بقلمي
الشاعر هاني حماده البلداوي
