الدنيا مهره والغرور اسراجها
ويامه چانتلي تجي بديباجها
جلد گلبي وبهواها ما يذوب
لا ولا عيني هوت مكياجها
الورد عطره يفوح موحاجه دليل
روحي كاروك الشرف منهاجها
الطلك الدنيا حمل راية امام
شرف الهه الجنه يلبس تاجها
الدنيا مني باگت اورود الربيع
شيبتني وشيبي عاف ادراجها
بعيني دمعه لو جرت يصفن اليل
ولله تصعد والحزن معراجها
عندي صوره الصور منها شيبت
وموعجيبه الصوره خرسه لوحچت
لون وردي ماكو بيها ولا خضار
بس سواد ولون ابيض للتخت
عفيه دنيا اشگد صليفه عيونها
ماصخ الزاد بطعمها وماحلت
على جروحي تلعب وتتعبني حيل
جنه عدها شما حوت وشگد جنت
عيني عينك هيچ اشوف الدنيا هيچ
اتبا ت شبعانه وانه جايع بتت
سايه عدها البوك من جيب اليتيم
واليتيم اجيوبه كلها تيتمت
لشوگت دنيانه تبقه بس تبوك
غيره ماعدها ولا ذمه وبخت
الدنيا عدنه خلفت دنية فشل
مستحاها طايح بحجر الدجل
احساس ماتملك ولاتملك ضمير
صوره طبق الاصل مضروب المثل
اخطبوط الدنيا فنانة حرام
اتمثل ادوار الترافه والامل
عدها هينه الدار لو صارت دمار
وعدها هينه الشمعه طفاها وجل
وعدها هينه الحره لو سكنت رصيف
المهم كرسيها ميصيبه الشلل
واضحه الاسباب موحاجه بيان
الدنيا شجرتها خبيثه من الاصل
براس راعيهه علت بس ماعلت
نامت بكاروك مفضوح العلل
على كلن راح اعوف اجروحي
وراح انسه الي بديته من كلام
وعن لسان الحال اسولف مبتسم
وخلي گلبي غارك بشاطي الغرام
لان مفروض الفرح واليله عيد
وفرض هذ العيد من فرض الصيام
ولان هذ الشهر شهر الله العظيم
هينه نور الله يجي بهيىة امام
راح اغني بعيد ميلاد الحسن
وحيل اشد الفرحه بجناح الحمام
وللبقيع ارسلها محفوفه بصلاة
عالرسول واله وصحابه الكرام
****
1/ رمضان / 1440 هجري
الشاعر هاني حماده البلداوي
ويامه چانتلي تجي بديباجها
جلد گلبي وبهواها ما يذوب
لا ولا عيني هوت مكياجها
الورد عطره يفوح موحاجه دليل
روحي كاروك الشرف منهاجها
الطلك الدنيا حمل راية امام
شرف الهه الجنه يلبس تاجها
الدنيا مني باگت اورود الربيع
شيبتني وشيبي عاف ادراجها
بعيني دمعه لو جرت يصفن اليل
ولله تصعد والحزن معراجها
عندي صوره الصور منها شيبت
وموعجيبه الصوره خرسه لوحچت
لون وردي ماكو بيها ولا خضار
بس سواد ولون ابيض للتخت
عفيه دنيا اشگد صليفه عيونها
ماصخ الزاد بطعمها وماحلت
على جروحي تلعب وتتعبني حيل
جنه عدها شما حوت وشگد جنت
عيني عينك هيچ اشوف الدنيا هيچ
اتبا ت شبعانه وانه جايع بتت
سايه عدها البوك من جيب اليتيم
واليتيم اجيوبه كلها تيتمت
لشوگت دنيانه تبقه بس تبوك
غيره ماعدها ولا ذمه وبخت
الدنيا عدنه خلفت دنية فشل
مستحاها طايح بحجر الدجل
احساس ماتملك ولاتملك ضمير
صوره طبق الاصل مضروب المثل
اخطبوط الدنيا فنانة حرام
اتمثل ادوار الترافه والامل
عدها هينه الدار لو صارت دمار
وعدها هينه الشمعه طفاها وجل
وعدها هينه الحره لو سكنت رصيف
المهم كرسيها ميصيبه الشلل
واضحه الاسباب موحاجه بيان
الدنيا شجرتها خبيثه من الاصل
براس راعيهه علت بس ماعلت
نامت بكاروك مفضوح العلل
على كلن راح اعوف اجروحي
وراح انسه الي بديته من كلام
وعن لسان الحال اسولف مبتسم
وخلي گلبي غارك بشاطي الغرام
لان مفروض الفرح واليله عيد
وفرض هذ العيد من فرض الصيام
ولان هذ الشهر شهر الله العظيم
هينه نور الله يجي بهيىة امام
راح اغني بعيد ميلاد الحسن
وحيل اشد الفرحه بجناح الحمام
وللبقيع ارسلها محفوفه بصلاة
عالرسول واله وصحابه الكرام
****
1/ رمضان / 1440 هجري
الشاعر هاني حماده البلداوي
.
