• منتديات شباب الرافدين .. تجمع عراقي يقدم محتوى مميز لجميع طلبة وشباب العراق .. لذا ندعوكم للانضمام الى اسرتنا والمشاركة والدعم وتبادل الافكار والرؤى والمعلومات. فأهلاَ وسهلاَ بكم.
اخطبوط الدنيا فنانة حرام

اخطبوط الدنيا فنانة حرام

  • بادئ الموضوع بادئ الموضوع قارورة وفه
  • تاريخ البدء تاريخ البدء
  • الردود الردود 2
  • المشاهدات المشاهدات 731
قارورة وفه

قارورة وفه

جنني هواك من حيث لا ادري
السمعة: 100%
النقاط 117
الحلول 0
إنضم
2020-02-28
المشاركات
12,402
مستوى التفاعل
6,594
النقاط
117
الإقامة
العراق
قارورة وفه
الدنيا مهره والغرور اسراجهه
ويامه چانتلي تجي بديباجهه
جلد گلبي وبهواها ما يذوب
لا ولا عيني هوت مكياجهه
الورد عطره يفوح موحاجه دليل
روحي كاروك الشرف منهاجهه
الطلك الدنيا حمل راية امام
شرف الهه الجنه يلبس تاجهه
الدنيا مني باگت اورود الربيع
شيبتني وشيبي عاف ادراجهه
بعيني دمعه لو جرت يصفن اليل
ولله تصعد والحزن معراجهه
عندي صوره الصور منهه شيبت
وموعجيبه الصوره خرسه لوحچت
لون وردي ماكو بيهه ولا خضار
بس سواد ولون ابيض للتخت
عفيه دنيا اشگد صليفه عيونهه
ماصخ الزاد بطعمهه وماحلت
على جروحي تلعب وتتعبني حيل
جنه عدهه شما حوت وشگد جنت
عيني عينك هيچ اشوف الدنيا هيچ
اتبا ت شبعانه وانه جايع بتت
سايه عدهه البوك من جيب اليتيم
واليتيم اجيوبه كلهه تيتمت
لشوگت دنيانه تبقه بس تبوك
غيره ماعدهه ولا ذمه وبخت
الدنيا عدنه خلفت دنية فشل
مستحاها طايح بحجر الدجل
احساس ماتملك ولاتملك ضمير
صوره طبق الاصل مضروب المثل
اخطبوط الدنيا فنانة حرام
اتمثل ادوار الترافه والامل
عدهه هينه الدار لو صارت دمار
وعدهه هينه الشمعه طفاهه وجل
وعدهه هينه الحره لو سكنت رصيف
المهم كرسيهه ميصيبه الشلل
واضحه الاسباب موحاجه بيان
الدنيا شجرتهه خبيثه من الاصل
براس راعيهه علت بس ماعلت
نامت بكاروك مفضوح العلل
****
1/ رمضان / 1440 هجري
الشاعر هاني حماده البلداوي​
 
ولك ماغزرن بيك التعب
ولك ماغزرن بيك التعب
ابو ذياتي 5
ابو ذياتي 5
جميل ما شاركته وايانا شاعرنا
لك اطيب تحية
 
محتوى مشابه الاكثر مشاهدة عرض المزيد
عودة
أعلى أسفل