قارورة شعر شعبي من هنا وهناك ابوذيه ومضه قصيدة ازهيري دارمي قفشه

[قارورة وفه]

انا داويت احزاني
وجرح ادمي وجداني
تناسيت اني حبيتك
واتحداك تنساني
وحتى لو تحب ثاني
انا اتحداك تنساني
انا الاستاذ لا تنسى
انا علمتك متي تقسي
وكيف تعرف طعم الحب
وتفرق فيه من همسه
انا في قلبي سكنتك
وابجد حب علمتك
ومعني لوعه العشاق
باول درس فهمتك
انا الموجود في ذاتك
وروحاتك وجياتك
وانا مشوارك الاقرب
وانا ابعد مسافاتك
انا كتاب الهوى وسطره
وانا الموضوع والفكره
وانا ماضيك والحاضر
وانا النسيان والذكرى​

 

[قارورة وفه]

سئلتك والكلب بين دلاله
وابد ما جاوبت كلبي بسؤاله
ليش عيونك الحلوات حلوات
يمكن يا حلو امك غزالــــــه
العداله تكول تنصف باليحبوك
وانته بنضرتك ماكو عدالــــه
تهيجلي بصدودك كل الضنون
وانه ضني علك كطع احباله
سمجه الروح وادري بوصلك الماي
يا ماي الوصل لتصير فالــــه
حلال الله تره وصل اليحبون
وانته بكيفك تحرم حلالـــــه
***
اجي بدربك واشوفك وأوكف بعيد
عنك واحسب بطولك جماله
واروح اتحزرك ما يا صنف ناس
انته وهالحسن من يا سلاله
وارد محتار حيره تهدم الحيل
واطش روحي على فراش الثماله
خاطر انسه وارجع بيك محتار
وارزل حيرتي وترضه الرزاله
***
خيالي وياك عفته والتبس بيك
وصرت الشاعر الوحد خياله
تعت كلبي بمشيتك وادري مجنون
كلبي وعامل سنينه بجهاله
الفقر والعوز حاله بعمري وتروح
وانته لوحدك مليون حالــــــه
رساله من الكلب وداها مخصوص
الك وحجايتي بهاي الرساله
بلال كليبي اذن لليصلون
يمته كليبك يأذن بلالـــــــــــه ​

 

[أمجد]

مجهود رائع