من طبع اليواعد يوفي بوعوده
ومن طبع اليحب ميخون محبوبه
موكلمن كريم وينعرف زوده
ولا كلمن شجاع أفعاله محسوبه
جواهر هل خصال اعتقد محدوده
وإذا تحسب خصال البشر ودروبه
تلگاها بفعل عباس موجوده
تلگه العزم بوعوده === تلگه الكرم بزنوده
تلگه ألوفه بمي جوده === تلگه أفعاله مشهوده
لان عباس هوه البالوعد وفاي
وهو إلي كفل زينب المهيوبه
طوفان الكرم عنده طفح عالماي
وشجاعة ألعنده بيها أمثال مضروبه
دسمعني دقايس بين هاي وهاي
ألك نص الجواب براية مكتوبه
يوم ألي نزل راعي الفخر عناي
صاح اعداي== الكم جاي
ثابت راي == راية وياي
ادگها أعلل شريعة وما اطخ الراس
وفه بالوعد والحومة مگلوبه
أبو فاضل بطل لتقايسه بمقياس
شجاعة حيدر العباس محسوبه
فده دمه الامامه والأعز الناس
وخله بكربله الفرسان مرعوبه
شحچيلك بعد عن سيرت العباس
عباس اليحبه تنمحي ذنوبه
***
بقلمي
ومن طبع اليحب ميخون محبوبه
موكلمن كريم وينعرف زوده
ولا كلمن شجاع أفعاله محسوبه
جواهر هل خصال اعتقد محدوده
وإذا تحسب خصال البشر ودروبه
تلگاها بفعل عباس موجوده
تلگه العزم بوعوده === تلگه الكرم بزنوده
تلگه ألوفه بمي جوده === تلگه أفعاله مشهوده
لان عباس هوه البالوعد وفاي
وهو إلي كفل زينب المهيوبه
طوفان الكرم عنده طفح عالماي
وشجاعة ألعنده بيها أمثال مضروبه
دسمعني دقايس بين هاي وهاي
ألك نص الجواب براية مكتوبه
يوم ألي نزل راعي الفخر عناي
صاح اعداي== الكم جاي
ثابت راي == راية وياي
ادگها أعلل شريعة وما اطخ الراس
وفه بالوعد والحومة مگلوبه
أبو فاضل بطل لتقايسه بمقياس
شجاعة حيدر العباس محسوبه
فده دمه الامامه والأعز الناس
وخله بكربله الفرسان مرعوبه
شحچيلك بعد عن سيرت العباس
عباس اليحبه تنمحي ذنوبه
***
بقلمي
