قارورة وفه
جنني هواك من حيث لا ادري
بچت بالنوم عيني علي جاها
صحت رمده وتدور علي جاها
يربي بجاه كلمن عالي جاها
عيني تريد بس تنضر خياله
ودواها يصير من حافر خياله
بحق الچان للهادي خياله
تبره من الالم ومن الاذيه
-------
كذب من گال للعتره املها
هيه بلسم جروحي وأملها
ابوها حيدر وفاطم املها
جدها المصطفى سيد البريه
-------
اهل بيت النبي الباري شملهم
ابرحمته وجنته لمت شملهم
من سابع سمه العاشك شملهم
عطر جنة عدن هاي المسيه
-------
اهل بيت النبي الهادي وحدهم
رحمه ونور للعالم وحدهم
يخسه الگال اوصلهم وحدهم
ذوله اهل الوفه وأهل الحميه
-----
الفرح بجمل كلام اليوم ينشاد
وعليك الگلب يامولاي ينشاد
بظهورك جرحنه ايطيب ينشاد
لئن انت طبيب الجعفريه
-------
شوباش الفرح واجب علينه
نطشه الفاطمه وحيدر علينه
نصيح ابجالكم احنه علينه
على الدنيا وحك رب البريه
-------
الصلاة اعلينه مفروضه وصلها
بكتاب الله مذكوره وصلها
الواجب كل فرد يحضر وصلها
ويصلي اعلل نبي سيد البريه
-------
وحك الشرعه النهجه وسنه
سمعنه الخبر وهجرنه وسنه
الليله فرحت الشيعه وسنه
ابليلة مولدك يبن الزچيه
-------
يربي هل الشدايد ما تحلها
صعبه وعلى الوادم ما تحلها
الشفاعه الغير طه ما تحلهاد
وتحرم عالذي ابگلبه اذيه
-----
تجري ادمونه والله شكينه
اهدوم من الصبر احنه شكينه
باالله ورحمته ما ظن شكينه
بغيابك يبو الطلعه البهيه
-------
بقلم الشاعر
هاني حماده البلداوي
