شربني على كيفك جرعة جرعة

[قارورة وفه]

صدك رايح حبيبي بلايه توديع
وقرارك هذا صار بغير رجعه
يمن صدرك حنين وكلبي مفطوم
من يبجي عليك شلون اقنعه
اجيب منين شمعى تسامر الروح
وانت بليل المحبين شمعه
وياقطعه الاحطنهة بمجانك
واني حاسبك من عندي قطعه
علمني الصبر لو رايد تروح
وانه بلياك وجعه تعين وجعه
بعدك ماجفيت وبان بسمار
وبسمارك عزيز وعيب اشلعه
المن سلمت كلبي اليمه بيك
ومن يشكي الهضم ياهو اليسمعه
صرت وين انطي وجهي وكلهة عذال
ويادرب اليوديني واتبعه
ولله الوجعه ماتأذي اليعذلون
لراعيها تضل توجع الوجعه...
كتلني كاس هجرك لاتلح بيه
شربني على كيفك جرعة جرعة
وانه بلايه روح بس الجسم ضليت
نص ميت ونص باجر اشيعه
نص ميت ونص باجر اشيعه ​

 

مما راق لي

ومثل عين الشمع ندري احنه وياه

[أمجد]

الله الله
​

 

[سليم البصري]

عاشت الايادي احسنت
ياطيب ننتظر المزيد​