شعر اللهجة العراقية

[ام بــﯧْــڵــڛــان]

يمته نرتاح
وخلص من ناس من طحت صاحو طاح
يمته نرتاح
مابياش عبرت جيل وانه محمل جراح
يمته نرتاح
طويت العمر بلغربه وصفكت الراح بلراح
يمته نرتاح
يامحطه الطبه وطير الهجر بسماها صاح
يمته نرتاح
غربلني الوكت وطشني مثل الصاح
يمته نرتاح
وسط ديرت غرب وظليت ألم جراح
يمته نرتاح
لا انه الهلي مطشر ضحكتي ولانه مرتاح
يمته نرتاح

يمته نرتاح ​

 

وادري الصـوچ بيهم

طيفك شيخ يتگهوه بدمع عيني الشاعر قاسم الشريفي

[ام بــﯧْــڵــڛــان]

عندي وي النجف طاري عتاب
وانه ادري ماصخ عتبه وماتكض الطايحه
شنو ذنب امي تون اليل نهار
وعكب صوت وليده بلمكبره نايحه
طشيت ضحكات لورد وعطرج يفوح
واخذت الجان عطره بلجلمه الفايحه
زحمه من احجي انه وياج
بس رحمتج جلمت علي والفاتحه ​

 

[ام بــﯧْــڵــڛــان]

بلنجف باجر اعيد يم ربعي هناك
عيد لمبارك يربعي شلونه حوالكم
بعدكم عل عهد باقين وياي تمشون
لو تغير حجيكم كول شنهي خباركم
خذت صم تراب منك عذروني حيل
تسوه لموصل وأهله كل ذره من ترابكم ​

 

[ام بــﯧْــڵــڛــان]

قريت لفاتحه عل ناس هواي
كبل لا يرفع الجناز عل جتفه الكافور
حفرتهلم بنص كلبي كبور
جرف ويتونس علئ فرت الناعور
بقت جم ذكره وعاشت بيه الحاظت
والكلب مثل الشمس كل وكت يدور
وداعآ ياناس وكت الجيه مات
الدله تستلذ كلما بلجمر تفور ​

 

[ام بــﯧْــڵــڛــان]

اليله عمري كبل كل العمر عده
اليله دمعي مثل الماي يتبده
نوحي وجروحي على ربعي بعد شتفيد
شفت لميت اخوه كبلي كام وتلكه العيد
حظنتني المستحه و الفرح مد علي أيد
نشف ريج الخلگ والحزن بجلماته يعيد
لماشبع حنان يم المكبره شعده
اليله دمعي مثل الماي يتبده ​

 

[ام بــﯧْــڵــڛــان]

عثك اليل الخلك كد ما افكر بيك
عيوني يبسن والسهر مصلوب
مشتريك وعرف بسعرك ما أغليك
الاثام يلوك لليمشي وكته وياه مكلوب
يخلك العافيه لمات من سنين
لاتطشر ضحكتك سلف بين الدروب
الماخذك صوره تضحك يمه ليش
وانه بصورتك ادفه يا أعز محبوب
لجنازه لماوراه الثام تكسر كلب دفان
شجم خاطر كسرته وكلبي مسلوب
لاتجيني لعمر ورده وجيتك منجال
محترك بستان شوكي وجفني مشهوب ​

 

[ام بــﯧْــڵــڛــان]

لا ياكاطع
شبيك مامرتاح انته مو مثلي
خلصت العمر شوغات وصياح
شبيك مامرتاح
انته عشت وي صاحبك جيلين
وانه يم ربعي وألم منهم جراح
شبيك مامرتاح
ماخانك عريان ولافكر بهاي
وانه حركوني وغرابهم علي ناح
شبيك مامرتاح
صاحبك كل اليوم يرثيك بقصيده
وانه حجيهم من سنسول مكفاي فاح
شبيك مامرتاح
صح طحت وصاحبك بيده شافاك
وانه من طحت كله كامت صيح طاح
شبيك مامرتاح ​

 

[ام بــﯧْــڵــڛــان]

كلشي عدي بس محتاج ناس
توكف لو علئ الناعور فر وكته
مناجل حجيهم يكص حته الهوئ
كبالي حجو علي وحجيهم صدكته
طحت كبل الناس صاحو صاحبنه طاح
ويسئلون وكلهم هذا الكال ماشفته
جبيره المكبره وشح بيه طاري لموت
وجرحي بجرح ربعي بلظنه عالجته
مانرجع بعد بيه طاري الملكه مات
والحبه وخاني جرحه عد الله ودعته ​

 

[Ibn AliraQ]

عاشت الايادي ام بيلسان
بانتظار المزيد
تحيتي

 

[ام بــﯧْــڵــڛــان]

عاشت الايادي ام بيلسان
بانتظار المزيد
تحيتي

اهلا وسهلا ومشكورة تشجيع بس اني مختلفة عن راحت اني انزل مواضيع براحتي حبة حبة و دلع وطول مدة كعدة مااحب نزل كل كرزات وتخلص كعدة بسرعة وصلت فكرة مووو موووو لو مووووووووووو ههههههههه

:bandit-80-anim-g::bandit-80-anim-g::bandit-80-anim-g:
:bandit-80-anim-g:جكد حنين اليل:bandit-80-anim-g:
:bandit-80-anim-g:يجيني وبيده اجمل قصص:bandit-80-anim-g:
:bandit-80-anim-g:لا انه لبقيت بسده بخت:bandit-80-anim-g:
:bandit-80-anim-g:ولا هوه مخليني بقفص:bandit-80-anim-g:
:bandit-80-anim-g:يكتلني من يطر فجر:bandit-80-anim-g:
:bandit-80-anim-g:وظيع من عمري الفرص:bandit-80-anim-g:​