منقول موسوعة ابوذيات عراقية2020 ابوذيات حب - ابوذيات خيانة - ابوذيات فراق وعتاب -ابوذيات شعر

[سارة البابلية]

حسين الساعدي
صرت مكسور ماجن ونتخلك
لا تحرك ابروحك وانت خَلك
يوم الطحت وحدك وانته خلك
تشفه ابطيحتك قبل المنيه
ـــــــــــــــــــــــــ ــــــــ
عبد الحسين الحلفي
ها تعبي حبك .. ها اذاني
دخت اه يا صلاتي .. هاي اذاني
اكول التوبة ما احب .. هاي اذاني
اهد ذاني ويرد حبك علية
ـــــــــــــــــــــــ


عبد الحسين الحلفي
عسل وبحلكي وكتي .. مر جعلكم
ومرجعكم بكلبي .. ومرجع الكم
جنت آية بهواكم .. مرجع الكم
خذيتوا منين فتوة وخنتو بية
ـــــــــــــــــــ

 

[سارة البابلية]

عبد الحسين الحلفي
عسل وبحلكي وكتي .. مر جعلكم
ومرجعكم بكلبي .. ومرجع الكم
جنت آية بهواكم .. مرجع الكم
خذيتوا منين فتوة وخنتو بية
ـــــــــــــــــــ
عريان سيد خلف
وحك البالمهد ربة .. وحالة
الدنية وياي للهامة .. وحالة
صديقي هد علي جلبة .. وحالة
الجلب رد وصديقي الهد علية


عريان سيد خلف
تكتر لانة من وشرك .. وصنفاك
وتأدب من تحاجيني .. وصن فاك
انة الصعدك باية .. وصنفاك
جبل لو صرت ما تعلى علية
ــــــــــــــــــــــ

 

[سارة البابلية]

عريان سيد خلف
اتلعثم من اشوفك .. وسطكانة
ومنو الوشوش بذانك .. واسطكانة
تكللي وينك انتة .. وسطكانة
دور عالنبض تعثر علية
ـــــــــــــــــــــــ
يوسف السوداني
حجلهة على الدرج بذني .. تشرشال
وعليهة يلوك من تصعد .. تشر شال
نابليون اظن جدهة .. وتشرشال
غزت كلبي بحربهة العالمية
ــــــــــــــــــــ
حسين الساعدي
كض سجين والدلال وَذره
واخذ وياك من اتروح وِذره
لون انطحن وسط الريح وذره
ارد انجمع بس تسأل عليه
ـــــــــــــــــــــــــ ــــــــ
حسين الساعدي
دارك خاليه اتحسر شمرها
وبعادك دمعة من عيني شمرها
وطعم دنياي من بعدك اشمرها!
مرارتها أمر من المنيه

 

[سارة البابلية]

حسين الساعدي
عُشر حزن الحزنته ترى فاتاك
ويمن سهر الفتتني كون فتاك
إذاَتدري بعيونك سهم فتاك
ليش اتفوت وتعاين عليه

ـــــــــــــــــــــــــ ــــــــ

عبد الحسين الحلفي
بست وجه التراب وكمت .. عناي
الك يللي كطعت الوصل .. عناي
افز فزة حياية التفز .. عالناي
بحلم لو مر صدة صوتك علية

ـــــــــــــــــــــ
ستار اللامي
دكافي من البعد يا ترف .. بس بس
من البذنك عن الهجران .. بس بس
كبل تركض تجي لو صحت .. بس بس
شجاك شغيرك هسة علية

 

[سارة البابلية]

ستار اللامي
بدمع عيني كتبتلك .. خاطر انة
والك ما يوم كاسر .. خاطر انة
غير انتة تجيني .. خاطر انة
اجيلك معتني زحوف على ادية
ــــــــــــــــــــ
رياض الحار
الرقي صار الجنابك .. برتقالي
وعلى الحاضر حويتة .. برتقالي
اذا انتة مزاجك .. برتقالي
تكتر لا تذب ضيمك علية
ــــــــــــــــــ
حسين الساعدي
شعوري بيك مني اتضيع شاعر
يل بحساسي ماظن يوم شاعر
انجنيت ابهواك وصرت شاعر
مثل قيس اويه ليلة العامريه

 

[سارة البابلية]

مجهول
قطار الباك حسنك .. مر عداني
اووباء الون اخبرك .. مر عداني
ولك سجين بعدك .. مرعداني
وكمت بجفاك اون اني علية

ــــــــــــــــــــ
مجهول
هلة يالكل عشرتي وياك .. ماسات
واسكر لو شفاي شفاك .. ماسات
الك خدين بيض تكول .. ماسات
من ابوسك ينعكس وجهي علية
ــــــــــــــــــــــ
شاكر التميمي
الكلب سلمتة بيدة .. واردة منة
وحال الثكلى حالي .. واردة منة
اجتني بيوم صوغة .. وردة منة
طبت ماظل بعد كل مرض بية
ــــــــــــــــــــ

 

[سارة البابلية]

حيدر الساعدي
كلبي شم عطر خدج .. ورا ساج
وعلى مرمى العشك حطج .. وراساج
احلف بالعشك واهلة .. وراساج
ما اعوفج لون تدنة المنية
ـــــــــــــــــ
علي الفريداوي
حضر سويت لاجلك .. من حضرتك
ونسيت انتة وكفتي .. من حضرتك
ورة خشمك تكللي .. من حضرتك
حضرتي ان جنت امر تاخذ تحية
ـــــــــــــــــــ
مجهول
علي نظرتك بالشر .. لحسمنك
ومثل يوم بحياتي .. لحسمنك
لون مرة تصحلي .. لحسة منك
سنة السكر يظل مرتفع بية
ــــــــــــ

 

[سارة البابلية]

عريان سيد خلف
الندم لا ينفع بوشرك .. ولاساف
ولساني ما غلط مثلك .. ولاساف
تظن عالي ؟ واشوفنك .. ولاساف
اقل من اثر شاة على الوطية
ــــــــــــــــــــ
حسين الساعدي
الزمن استاذ والعالم طلابه
وحبك سحر دلالي ان طلابه
اشوفك جاي وتدور طلابه
أنه استسلم واقيد بيدي اديه
ـــــــــــــــــــــــــ ــــــــ
مجهول
على دوم الليالي تلف .. وتدور
ولاجلك رخصيت الذهب .. والدر
احبك من زمان الدار .. والدور
شعجب لمن كبرنة تخون بية
ــــــــــــــــــــ

 

[سارة البابلية]

انا الوكته غفل وبليل جاماه
وحطه بنكرة التنور جاماه
شفتني تلوج بيه النار جاماه
اجيت ولحكت عالضال بيه

 

[سارة البابلية]

اون عليك غير اعليك فنيان
جسد واصبح جميع البيه فنيان
الهجر مر وصرت بجفاك فنيان
وتكهوت طايفة شمات بيه