منقول موسوعة ابوذيات عراقيه متجدده ومستمره ابوذيات حب - ابوذيات خيانة - ابوذيات فراق وعتاب -ابوذيات شعر

[كراميلا ❥]

اذا لجلك فديت الروح من دم
عليك العين تهمل دمع من دم
واذا عمري كضيته وياك من دم
لان طبعك حلو ونفسك ابيه

 

[كراميلا ❥]

صورتك ملك نسخه من جمالك
يال محمل ذهب لولي من جمالك
اون واصفن واتعب من جمالك
لو فتت بالمنطقه اطكلك تحيه

 

[كراميلا ❥]

روحي وي الصبر بجفاك جلده
ومنو مثلك حرير اللمس جلده
اتعاقب وانضرب ستين جلده
وبس وياك كعده اتصير اليه

 

[كراميلا ❥]

تره الواشي عرف سرنه وشاعه
وابد لتظن حبي جذب واشاعه
انه لكلبي خذت صوره واشاعه
طلع مكتوب احبك للمنيه

 

[كراميلا ❥]

الك دوم اتعنه واصل بيك
وعنادك وين يبنادم وصل بيك
حبيبي وشايل بجيبي وصل بيك
وباجر بيك انه مطلع هويه

 

[كراميلا ❥]

عنيت وبس عليك الجدم يعني
ولاغيرك الي بالناس يعني
اكله اشكد تحبني يكلي يعني
شنو اليعني منو يفسرهه اليه

 

[Gardi]

عاشت الايادي سارة مبدعة انتي

 

[Ibn AliraQ]

شكرا سارة على المشاركة
تحيتي

 

[كراميلا ❥]

أجــمل وأرق باقات ورودى
لردك الجميل ومرورك العطر
ودي لك

 

[كراميلا ❥]

شفت بالطيف شخصك سالماني
همت ودموع عيني سالماني
علي تسأل يغالي سالم اني
عدل بس شوفتك شحت عليه