ام بــﯧْــڵــڛــان
من أهلنا
خلو علي حراس .. وعيون
ومن دمعي جرى نهرين .. وعيون
شلون خدود عندك ياولف .. وعيون
كبار ويامحلا نظرتهن علية
احبك وغير حبك .. لايلفني
وعسى منامي بعد فركاك .. لايلفني
دخيلك لف شعرك .. لايلفني
حرير ويلعب بين ادي
وجب الزاد ياخلي وسم بيه
لصب زرنيخ مشعجب دفتر عشكَنه ماتكَلبه
وليش انت اليكَلبك ماتكَلبه
تره كَلبي بغيابك مات كَلبه
كَلب كَلبي توفه وعم عليه
بدمع عيني اكتبلك خاطر انه
وإلك مايوم كاسر خاطر انه
غير أنت تجيني ألخاطر انه
أجيك زحوف متعني أعلة أديه
اگوم اجلاللاً الحسنك وقف لك
وسجل گلبي ياخلي وقف الك
وحطك بي واقفلنه وقف لك
وطب بصدري وقفلكم عليه
حبك بالضلع بسمار مندك
واحس كلبي يسولف بيك من دك
كمت اركض على الموبايل من دك
لأن أدري العزيز يدك عليه
وحك من صاغ هندامك وحياك
طلع شريان من كلبي وحياك
أحبك واحترم شخصك وحياك
واحب كلمن وفي ينشد عليه
اعونك وسم بيه.
لأن خنت الصداقه وخنت بيه..
احلى من البدر يا اسمر وصفناك
ولكل مريض انته الدوه وصفناك
يا حافظ الله يسترنه وصفناك
كلي اشتعل من تصفن عليه
يظل حبك ترى بكلبي علي دين
وعهد للموت ما انساك علي دين
ولولا البعد لمشي لك على ايدين
تفداك الروح ياغالي علية.
شفت شمس وكمر يضوي خلالك
ربك من وجه يوسف خلا لك
تنحه الحسن عن عرشه خلا لك
لأن شافك صبح بوكت المسية.
السعادة منـين اجيبنها والافراح
وعلى الخوان راح اصفن والف راح
الف عدموا والف سجنوا والف راح
واتـاني ومـارجـع واحـد عـلية
كلبي الحبك ابسرعه ورادك
وما عاندك فد مره ورادك
تطير انته وعلي تبعد وردك
اصوفرلك ترد ترجع اليه
ما أدري شكضه من الليل وشتم
ومن خدك أحوش الورد وشتم
وأعذرك حيل سبني بزعل وشتم
تره شما تشتم ثواب لوالدية
الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه
