مدونة ام بيلسان

الإهداءات
  • غزل من من قلب الغزل ..:
    ضياءٌ شعَّ من أرض المدينة و زُفَّت البشرى لرسول الله (ص) بولادة سبطه الأول الإمام المجتبى (ع).✨💚
  • غزل من قلب الغزل:
    "يارب دائمًا اعطنّي على قد نيتي وسخر لي الأشخاص اللي يشبهون قلبي🌿✨. .
  • غزل من قلب الغزل:
    مارس الرحمة قدر المُستطاع فكلما تلطفت مع خلق الله زاد الله لطفهُ حولك.💐
  • غزل من قلب الغزل:
    اللهم إنك عفوٌ كريمٌ تحب العفو فاعفو عنا ♥️😌
1513697863_1725.gif


خلو علي حراس .. وعيون
ومن دمعي جرى نهرين .. وعيون
شلون خدود عندك ياولف .. وعيون
كبار ويامحلا نظرتهن علية

1513697863_1725.gif 1513697863_1725.gif
احبك وغير حبك .. لايلفني
وعسى منامي بعد فركاك .. لايلفني
دخيلك لف شعرك .. لايلفني
حرير ويلعب بين ادي

1513697863_1725.gif1513697863_1725.gif
وجب الزاد ياخلي وسم بيه
لصب زرنيخ مشعجب دفتر عشكَنه ماتكَلبه
وليش انت اليكَلبك ماتكَلبه
تره كَلبي بغيابك مات كَلبه
كَلب كَلبي توفه وعم عليه

1513697863_1725.gif1513697863_1725.gif
بدمع عيني اكتبلك خاطر انه
وإلك مايوم كاسر خاطر انه
غير أنت تجيني ألخاطر انه
أجيك زحوف متعني أعلة أديه

1513697863_1725.gif1513697863_1725.gif
اگوم اجلاللاً الحسنك وقف لك
وسجل گلبي ياخلي وقف الك
وحطك بي واقفلنه وقف لك
وطب بصدري وقفلكم عليه

1513697863_1725.gif1513697863_1725.gif
حبك بالضلع بسمار مندك
واحس كلبي يسولف بيك من دك

كمت اركض على الموبايل من دك
لأن أدري العزيز يدك عليه

1513697863_1725.gif 1513697863_1725.gif
وحك من صاغ هندامك وحياك
طلع شريان من كلبي وحياك
أحبك واحترم شخصك وحياك
واحب كلمن وفي ينشد عليه
اعونك وسم بيه.
لأن خنت الصداقه وخنت بيه..

1513697863_1725.gif
احلى من البدر يا اسمر وصفناك
ولكل مريض انته الدوه وصفناك
يا حافظ الله يسترنه وصفناك
كلي اشتعل من تصفن عليه

1513697863_1725.gif
يظل حبك ترى بكلبي علي دين
وعهد للموت ما انساك علي دين
ولولا البعد لمشي لك على ايدين
تفداك الروح ياغالي علية.

1513697863_1725.gif
شفت شمس وكمر يضوي خلالك
ربك من وجه يوسف خلا لك
تنحه الحسن عن عرشه خلا لك
لأن شافك صبح بوكت المسية.

1513697863_1725.gif
السعادة منـين اجيبنها والافراح
وعلى الخوان راح اصفن والف راح
الف عدموا والف سجنوا والف راح
واتـاني ومـارجـع واحـد عـلية

1513697863_1725.gif
كلبي الحبك ابسرعه ورادك
وما عاندك فد مره ورادك
تطير انته وعلي تبعد وردك
اصوفرلك ترد ترجع اليه

1513697863_1725.gif
ما أدري شكضه من الليل وشتم
ومن خدك أحوش الورد وشتم
وأعذرك حيل سبني بزعل وشتم
تره شما تشتم ثواب لوالدية

1513697863_1725.gif

الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه

1513697863_1725.gif
 
  • بادئ الموضوع
  • #2
797-5.gif
الدمع مرات مو بس حزن..يعني
ثكيل وبس عليك الجدم..يعني
على احوالة سألته وكال..يعني
ومعنى اليعني مالك غرض بية
1513697863_1725.gif
نص احترك من هجرك ونص طاف
وغرك نصي ابحر حبك ونص طاف
يريت المدرسة ترجع ونصطف
وابدلك بالعلم واخذ تحية
1513697863_1725.gif
عجب مامر عزيز الروح بس لاح
رماني وردت ارد السهم بس لاح
لجيبك لو تصير اليوم بسلاح
وتداوي جروح علاتي الخفيّه
1513697863_1725.gif
خطف طيف الحبيب وما فياني
وعزم انهض وشبكه مافياني
شكالولك يخايب مافيا اني
سريع تفوت متسلم عليه
1513697863_1725.gif
دمع عيني المناشف منشفتهه
غميت وطحت كلي من شفتهه
اخذت العام بوسه من شفتهه
لحد هاي السنه مغمه عليه
1513697863_1725.gif
نخيت اني عالبختك منتخطي
عليش بورقه خطك منته خطي
اذا بعيوني اشوفك منتخطي
قسم بالله عيني تحك اديه
1513697863_1725.gif
حبيبي اكل فلافل ونته باجه
شوكت تكعد كبالي ونتباجه
ولك بسمار كلبي ونته بجه
وبساميرك عوج ردهن بديه
1513697863_1725.gif
وكع قلبي بغرامك ماتشيله
وجرح شوك البيه ماتشيله
اخابر وانت تسمع ماتشيله
ولك هالروح ماتحمل اذيه
1513697863_1725.gif
انا بكاروك حبك وانته هزني
صرت فرصه بحياتك وانته هزني
وانا شجرت محبتك وانته هزني
وخلي الورد يتناثر عليه
1513697863_1725.gif

وحك الي بضريحه انصار طافت
الديار الهجرهة الولف طافت
شلون انجا وسفينة نوح طافت
اذاامنت الجرف ونهدم بيه
1513697863_1725.gif
العشك بيه انختم بسمك وتم لك
يمن تامر عرش روحي وتملك
احس الناس جن خدم وتملك
واحسك تامر بروحي عليه

1513697863_1725.gif
لغيرك ماصفه كلبي ولاحن
نجومك بالسمه سطعن ولاحن
قصيده حروفك اكتبهن والحن
واسوي اسمك نشيد الناصريه

1513697863_1725.gif
البشر لو مات كلبه ماتشوفه
وضمير الناس جنه مات اشوفه
عسن عين اللي حكلهه ما تشوفه
عمه اسود صابهه لحد المنيه
1513697863_1725.gif
يحن كلبي على حبك من احبك
واخذ زهوة شبابي مني حبك
انشدك ياهو الاكثر مني حبك
حته بهالسهوله تخون بيه
1513697863_1725.gif
انت الكلب والروح مالك
صرت كلي الك ياترف مالك
تصد عني وتدير الوجه مالك
تعذبني وتحملني الأذية
img_1374156245_458.gif
 
  • بادئ الموضوع
  • #4
1513697863_1725.gif
اريد الدنيا تصفى وياي بس يوم
واشوفك ياكحيل العين بس يوم
تنوح امي عليه وصحت بس يوم
الذنب ذنب الحبيب قاسي عليه
1513697863_1725.gif
يكلبي بيش اخيطنك والحماك
يجيك الهضم من دمك ولحماك
ولاواحد شكف دونك ولا حماك
شما اسوي اهم عدوان اليه
1513697863_1725.gif
ياربي لو نخاك العبد عينه
وسيعه وماتحب الكحل عينه
رفع طرف العباية وشفت عينه
شفت ميزان ونجوم وثرية
1513697863_1725.gif
همومك موعفتهن كتلي شوجن
وهم ماتبت عقلك تسل شوجن
اشزرع كلبي بمحبتك كلي شوجن
جنالي هموم وخبال واذيه

1513697863_1725.gif
انة الماعرف قدري ولا حد
ولاسهم الكطع جذري ولاحد
اصفن بية كل سبتك والاحد
بس اعرفني شنهي وهاهيه
1513697863_1725.gif
ما اعشك بعدغيرك ولانتة
لانك ماتحب غيرك ولانتة
لجلك عذبت كلبي ولانتة
تاليهة اطلعت تلعب عليه
1513697863_1725.gif
وليدي الظيم و انا الصرت اب له
وعگلــي للمهـالـك ســاگ ابـلـه
مــو كـامـل اعـرفـه العـقـل ابـلـه
جـاب الجمـر حطّـه ابّـيـن ايـديـه
1513697863_1725.gif
شفتـه وچنّــه دورة بــدر وجـهـه
و نيـران الغضـه بحشـاي وجهـه
يـربـي يالتـوجـه الـكـون وجـهـه
على گلبي الذاب خلّه يحـن عليـه
1513697863_1725.gif
كضا يومي بحزن وانتظر غادي
وكلبي اعليك مثل النار غادي
باجر من يصير احساب غادي
اشتكل لله على السويتة بية
1513697863_1725.gif
 
  • بادئ الموضوع
  • #6
افتتاح مبارك حبيبتي
004.gif
تسلمين حبي

تموت الروح يا صاحب بعدكم
وريح المسج ما فاحت بعدكم
ترى يالعزيز شما طال بعدكم
تضل وسط الكلب غالي عليه
 
  • بادئ الموضوع
  • #9
عليك اشكد رجف قلبي وداري
ولجل عينك بعت ملكي وداري
اضن تعلم بضيمي وداري
شكد احبك ونت تضحك علية
اوصيك بعد لا تعلة علية
ولا تكابر بنضراتك علية
مو غشيم انت علية
انه اعرفك زين واشبيك ما بيك
اضن ذرة وفة بعد ما بيك
ولو تعلك العشرة شمع بعد ما ابيك
لانك ردي والردي مايوافي
سقيته من دمع عيني ماي وافي
لو يبجيلي طول العمر مايوافي
لان روحي كومة ضيم احملت
مثل هم الي من حرام احملت
ولدت ضيم وانوب هم احملت
جنة ابد ما يريد ينزل حملها
وعفاه القلب شكد جروح منك حملها
السفينه تغرق لو زاد حملها
وانت قلبك جلد وابدما بيه حمية
 
797-5.gif
مريضه وصعدت امراضي على شفاي وطب لندن فلا يكـدر على شفاي حبيبي من تحط شفتك على شفاي اطيب ومايضل كل مرض بية
1513697863_1725.gif
بالجذب مـــــــــا مر على بالك أبد .. خاطره
وأني بدموع الهجــــــــر كاتب ألك .. خاطره
صدكني هذا الكلب غيــــــرك أبد.. ما هوة
ضل عالي علو النجم حبـــــك أبد.. ما هوة
بالله أرد أسئلك عن الســـــــبب .. ما هوة
الشايل حنينه الك ليش كســـرت .. خاطرة
 

أقسام الرافدين

عودة
أعلى أسفل