ابوذيات ام بيلسان

[ام بــﯧْــڵــڛــان]

عليج الروح راحت من يردها
و وكيحه همومي صارت من يردها
خطيه الروح ملت من يردها
لان بس الصبر يبسل عليه

 

[ام بــﯧْــڵــڛــان]

محبتك تجري وي روحي ويه دماي
وعليك انشلت اعظامي ويدماي
انجويت انه ابيد انه ناري ويدماي
ولكن من يطابكهن سويه

 

[ام بــﯧْــڵــڛــان]

احد سجين صبري وجن ولا حد
التفت وما شفت ربعي ولا حد
اشجم سبت اليمر بيه والاحد
اجي بس شوفتج حنونة تصعب عليه

 

[ام بــﯧْــڵــڛــان]

هجرك يا ولف صاير بلا حد
مثل سيف اليكص ركبه بلا حد
كلتلي انتظري انه ارجع بالاحد
اجه الاحد يمته تعود اليه

 

[ام بــﯧْــڵــڛــان]

رعيتك ليش گلبــــــــــك .. ما رعاني
ويهمــــك فت دليلــــــــــــــــي .. وما رعاني
مره احبس بدمعــــــــــــــــي .. ومره اعاني
ومره اتطيح روحي ابين اديـــه

 

[ام بــﯧْــڵــڛــان]

هموم هواك ما خلــــــــن .. علي حال
فريضة وحبك مــــــــــــــــــــن الله .. علي حال
يالتنشد على حالـــــــــــــــــــي .. علي حال
شيفيد النشد عالصار بيـه

 

[ام بــﯧْــڵــڛــان]

عليّ ثوب الونــــين اشكثـــــــر .. حالي
بنات وهل شبت مـــــــــــــــن دون .. حالي
انشدچ حنونة على احوالچ مثــــــــــــــــــل .. حالي
طايــــــــحه والهموم اتشيل بيـه

 

[ام بــﯧْــڵــڛــان]

ذبت وبشوك شخصك مايعاني
ويعاني القلب منك مايعاني
لون تعطش سكيتك مايعاني
والك روحي لقدمهه هدية

 

[ام بــﯧْــڵــڛــان]

احبك وعلى حبك مأندم
لان حبك يجري ويه الدم
انت الي لو للركب يسيل الدم
شبيك رافع خشمك عليه

 

[ام بــﯧْــڵــڛــان]

تغيب الروح بغيابك عمي واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه